ಪ್ರತಿಯೊಬ್ಬ ವ್ಯಕ್ತಿಯ ದೇಹದಲ್ಲಿ ಸಹಜ ರಕ್ತದೊತ್ತಡ, ಸಕ್ಕರೆಯ ಅಂಶ, ಕೊಬ್ಬಿನ ಅಂಶಗಳೆಲ್ಲವೂ ಒಂದೇ ಸಮನಾಗಿರುವುದಿಲ್ಲ, ಬಹ ಳಷ್ಟು ವ್ಯತ್ಯಾಸವಿರುತ್ತದೆ. ಹಾಗಿದ್ದರೆ ಪ್ರತಿಯೊಬ್ಬ ವ್ಯಕ್ತಿಯ ರೋಗದ ತೀವ್ರತೆ ಈ ಅಮೃತಬಳ್ಳಿಗೆ ಅರ್ಥವಾಗುವುದಾದರೂ ಹೇಗೆ? ವಿಭಿನ್ನ ವ್ಯಕ್ತಿಗಳಲ್ಲಿ ಅವರವರ ದೇಹದ ಅಂಗಾಂಗಗಳ ಸಹಜ ಸ್ಥಿತಿ ಯಾವ ಮಟ್ಟದ್ದೆಂದು ತಿಳಿಯುವುದಾದರೂ ಹೇಗೆ? ವಿಚಿತ್ರವೆಂದರೆ, ಪ್ರಾಕೃತ ಸ್ಥಿತಿಗೆ ತಲುಪಿದ ನಂತರ ಆ ದಿಕ್ಕಿನಲ್ಲಿ ಕಾರ್ಯವೆಸಗುವುದನ್ನೇ ನಿಲ್ಲಸಿ ಬಿಡುತ್ತದೆ. ಏನೂ ಕೆಲಸವಿಲ್ಲ ಎಂದಾದರೆ, ರೋಗ ನಿರೋಧಕ ಶಕ್ತಿ ಹೆಚ್ಚಿಸುವತ್ತ ಗಮನ ನೀಡುತ್ತದೆ! ಏನದ್ಭುತವಿದು! ಇಲ್ಲಿ ಗಮನಾರ್ಹ ಅಂಶವೆಂದರೆ, ಔಷಧೀಯ ಗಿಡವನ್ನು ಭೂಮಿಯಿಂದ ತೆಗೆದಾಗ ಅದು ತನ್ನ ಪ್ರಾಣ ತ್ಯಜಿಸುತ್ತದೆ. ತನ್ನ ಜೀವ ಹೋದಮೇಲೂ ಉತಷ್ಠ ಕಾರ್ಯ ಶೈಲಿಯಿಂದ ಮಾನವರ ಪ್ರಾಣ ಉಳಿಸುತ್ತದೆ! ಮಾನವರಿಗೆ ಜೀವ ನೀಡುತ್ತದೆ!! ನೆನಪಿರಲಿ, ಅಮೃತಬಳ್ಳಿ ಅಮೃತವೇ ಎಂಬುದರ ಮುಂದೆ ಪ್ರಶ್ನಾರ್ಥಕ ಚಿಹ್ನೆ ಇಲ್ಲ, ಅಮೃತಬಳ್ಳಿ ಎಂದೆಂದಿಗೂ ಅಮೃತವೇ.
