ಪದಗಳ ಬೆಂಬಲ ಪಡೆದು ಮುಂದೆ ಸಾಗಿದರೆ, ಅಸಂಬದ್ಧದಿಂದ ತುಂಬಿಹೋಗುವಿರಿ. ಶಬ್ದಗಳ ಬೆಂಬಲ ಪಡೆದು ಮುಂದೆ ಸಾಗಿದರೆ, ಪ್ರಕೃತಿಯ ವಿವಿಧಾಂಶಗಳನ್ನು ಪರಿಶೋಧಿಸಬಹುದು. ರೂಪಗಳಿಂದ ತುಂಬಿರುವುದೇ ಎಲ್ಲವೂ ಅಲ್ಲವಾದರೂ ಅದು ಪದಗಳಲ್ಲಿ ಕಳೆದುಹೋಗುವುದಕ್ಕಿಂತ ಒಂದು ಹೆಜ್ಜೆ ಮುಂದೆ. ಹತ್ತು ಬೇರೆ ಬೇರೆ ಭಾಷೆಗಳನ್ನು ಕಲಿಯುತ್ತಿದ್ದು, ಹತ್ತೂ ಭಾಷೆಗಳನ್ನು ಸರಾಗವಾಗಿ ಬಳಸುತ್ತಿದ್ದರೆ, ಮನಸ್ಸಿನಲ್ಲಿ ಯಾವುದೇ ಪದಗಳಿರುವುದಿಲ್ಲ, ಕೇವಲ ರೂಪಗಳಿರುತ್ತವೆ ಎಂಬುದನ್ನು ಗಮನಿಸಬಹುದು, ಏಕೆಂದರೆ ಈಗ ‘ಮರ’ ಎಂದು ಹೇಳಬೇಕಾದರೆ, ಮರಕ್ಕೆ ಹತ್ತು ಪದಗಳಿವೆ. ಸಂಸ್ಕೃತ ಭಾಷೆ ಇದನ್ನು ಮಾಡಿದೆ- ಪ್ರತಿ ರೂಪಕ್ಕೂ ಅವರು ಹತ್ತಾರು ವಿಭಿನ್ನ ಪದಗಳನ್ನು ರಚಿಸಿದ್ದಾರೆ. ಇದರಿಂದ ಮನಸ್ಸಿನಲ್ಲಿ ಪದ ಉಳಿಯುವುದಿಲ್ಲ, ರೂಪ ಮಾತ್ರ ಉಳಿಯುತ್ತದೆ. ಮಾತನಾಡಬೇಕಾದಾಗ, ಒಂದು ರೂಪವನ್ನು ರಚಿಸಿ, ಪರಿಸ್ಥಿತಿಗೆ ಅನುಗುಣವಾಗಿ ಸೂಕ್ತವಾದ ಪದವನ್ನು ನಿರ್ವಿುಸಬೇಕು. ಜೀವಿಸುತ್ತಿದಂತೆ, ಸ್ವತಃ ಜೀವನದ ಪ್ರಕ್ರಿಯೆಯೇ ಹಂತ ಹಂತವಾಗಿ ಆ ನಿಶ್ಶಬ್ದದತ್ತ, ಸೃಷ್ಟಿ ಮತ್ತು ವಿಮೋಚನೆಯ ಮೂಲದತ್ತ ಕರೆದೊಯ್ಯಲು ಈ ಸಾಧನಗಳನ್ನು ರಚಿಸಲಾಯಿತು. ಎಲ್ಲವನ್ನೂ ಆ ರೀತಿಯಲ್ಲಿ ವಿನ್ಯಾಸಗೊಳಿಸಲಾಗಿತ್ತು.
