ಮೂಲಸ್ವರೂಪಕ್ಕಿಲ್ಲ ಆತಂಕ: ಉಡುತಡಿಯ ಅಕ್ಕಮಹಾದೇವಿ ಜನ್ಮಸ್ಥಳದಲ್ಲಿರುವ ಮೂಲ ಸ್ವರೂಪಕ್ಕೆ ಯಾವುದೇ ಧಕ್ಕೆ ಉಂಟಾಗದಂತೆ ಯೋಜನೆ ರೂಪಿಸಲಾಗಿದೆ. ಆಧುನಿಕತೆ ಭರಾಟೆಯ ಪೌರಾಣಿಕತೆಯನ್ನು ಮರೆಮಾಚುವ, ಇಲ್ಲವೆ ಅದಕ್ಕೆ ಕುಂದುಂಟುಮಾಡುವ ಕೆಲಸವಾಗಿಲ್ಲ ಎಂಬುದು ಸಮಾಧಾನದ ಸಂಗತಿ. ಉಡುತಡಿ ಅಕ್ಕನ ಜನ್ಮಸ್ಥಳ ಎಂಬ ಸಂಗತಿ ಅನೇಕರಿಗೆ ತಿಳಿದಿದ್ದರೂ ಅಲ್ಲಿ ಪ್ರವಾಸಿಗರನ್ನು ಸೆಳೆಯುವ ಯಾವುದೇ ಆಕರ್ಷಣೆಗಳಿಲ್ಲದ ಕಾರಣ ಹೆಚ್ಚಿನ ಮಂದಿ ಭೇಟಿ ನೀಡುತ್ತಿರಲಿಲ್ಲ. ಇದೇ ಕಾರಣಕ್ಕೆ ಅಕ್ಕಮಹಾದೇವಿ ಥೀಮ್ಾರ್ಕ್ ಪರಿಕಲ್ಪನೆ ಸೃಷ್ಟಿಯಾಗಿತ್ತು. ಆ ಮೂಲಕ ಹೆಚ್ಚಿನ ಪ್ರವಾಸಿಗರನ್ನು ಸೆಳೆಯುವ ಜತೆಗೆ ಶರಣ ಸಾಹಿತ್ಯ, ಶರಣ ಪರಂಪರೆಯನ್ನು ಜನಮಾನಸದಲ್ಲಿ ಅಜರಾಮರಗೊಳಿಸುವ ಕಾರ್ಯ ಅಂತಿಮ ಹಂತದಲ್ಲಿದೆ.
