ಘನಪಂಡಿತ ವಿಶ್ವಾರಾಧ್ಯರ ರಥೋತ್ಸವ: ಕಲ್ಯಾಣ ಕರ್ನಾಟಕದ ಲಕ್ಷಾಂತರ ಭಕ್ತರ ಶ್ರದ್ಧಾಕೇಂದ್ರವಾಗಿರುವ ಅಬ್ಬೆತುಮಕೂರಿನ ಸಿದ್ಧಸಂಸ್ಥಾನ ಮಠದ ಕರ್ತೃ ಘನಪಂಡಿತ ವಿಶ್ವಾರಾಧ್ಯರು ದೇಹತ್ಯಾಗ ಮಾಡಿದ ಪಾಲ್ಗುಣ ಶುದ್ಧ ಪಂಚಮಿಯಂದು ಮಹಾರಥೋತ್ಸವವು ನಡೆಯಲಿದೆ. ಒಂದು ವಾರ ವಿವಿಧ ಧಾರ್ವಿುಕ, ಸಾಮಾಜಿಕ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗುತ್ತದೆ. ಫೆ. 17ರಿಂದ ಆರಂಭವಾಗಿರುವ ವಿಶ್ವಾರಾಧ್ಯರ ಪುರಾಣಪ್ರವಚನವು 27ರಂದು ಮಂಗಲಗೊಳ್ಳಲಿದೆ. 28ರಂದು ಮಹಾರುದ್ರಾಭಿಷೇಕ ಹಾಗೂ ರಥಾಂಗ ಹೋಮ ನಡೆಯಲಿದೆ. ಸಂಜೆ ಲಕ್ಷಾಂತರ ಭಕ್ತರ ಸಮಕ್ಷಮದಲ್ಲಿ ಮಹಾರಥೋತ್ಸವವು, ನಂತರ ಮಾನವಧರ್ಮ ಸಮಾವೇಶ ಜರುಗಲಿದೆ. 29ರಂದು ರೈತರ ಸಂಕಷ್ಟಗಳ ಮೇಲೆ ಬೆಳಕು ಚೆಲ್ಲುವ ಭಕ್ತಬಾಂಧವ ಕಾರ್ಯಕ್ರಮ ನಡೆಯಲಿದ್ದು, ಮಾ. 1ರಂದು ಶರಣ ಸಂಸ್ಕೃತಿ ಶಿಬಿರ, 2ರಂದು ವಿಶ್ವಾರಾಧ್ಯ ವಿದ್ಯಾಸಂಸ್ಥೆಯ ಸ್ನೇಹ ಸಮ್ಮೇಳನ ಹಮ್ಮಿಕೊಳ್ಳಲಾಗಿದೆ. ಜಾತ್ರಾಮಹೋತ್ಸವ ಮುಗಿಯುವವರೆಗೂ ಪ್ರತಿನಿತ್ಯ ಡಾ. ಗಂಗಾಧರ ಶಿವಾಚಾರ್ಯ ಸ್ವಾಮಿಗಳ ನೇತೃತ್ವದಲ್ಲಿ ವಿವಿಧ ಧಾರ್ವಿುಕ, ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯಲಿದ್ದು; ನಾಡಿನ ವಿವಿಧ ಮಠಾಧೀಶರು, ಗಣ್ಯರು, ರಾಜಕೀಯ ಮುಖಂಡರು ಪಾಲ್ಗೊಳ್ಳಲಿದ್ದಾರೆ.
