ಅಮೆರಿಕದಲ್ಲಿ ರಾಜ್ಯದಿಂದ ರಾಜ್ಯಕ್ಕೆ ಚುನಾವಣಾ ನಿಯಮಗಳಲ್ಲಿ ವ್ಯತ್ಯಾಸವಿರುತ್ತದೆ. ಸಂವಿಧಾನವೇ ಈ ಅವಕಾಶ ನೀಡಿದೆ. ಉದಾ: ಫೆಡರಲ್ ಚುನಾವಣೆಯಲ್ಲಿ ಮತ ಚಲಾಯಿಸಲು ಕೆಲ ರಾಜ್ಯಗಳಲ್ಲಿ ನಾಗರಿಕತ್ವದ ಪುರಾವೆ ನೀಡಬೇಕಾಗುತ್ತದೆ; ಕೆಲವು ರಾಜ್ಯಗಳಲ್ಲಿ ತಾವು ಅಮೆರಿಕ ನಾಗರಿಕರು ಎಂಬ ನಮೂನೆಗೆ ಸಹಿ ಮಾಡಿದರೆ ಸಾಕಾಗುತ್ತದೆ. (ಅಮೆರಿಕ ನಾಗರಿಕತ್ವ ಇಲ್ಲದವರು ಇಂಥ ನಮೂನೆಗೆ ಸಹಿ ಮಾಡಿದರೆ ಅಂಥವರ ಮೇಲೆ ಅಪರಾಧ ಪ್ರಕರಣ ದಾಖಲಿಸಬಹುದು ಅಥವಾ ಗಡಿಪಾರನ್ನೂ ಮಾಡಬಹುದು). ಅರ್ಲಿ ವೋಟಿಂಗ್, ಇಮೇಲ್ ಮತ, ಮತ ಎಣಿಕೆ ಪ್ರಕ್ರಿಯೆ ಹಾಗೂ ಸ್ವರೂಪ ಇತ್ಯಾದಿಗೆ ಸಂಬಂಧಿಸಿ ಪ್ರತಿ ರಾಜ್ಯದಲ್ಲಿ ಪ್ರತ್ಯೇಕ ನಿಯಮಗಳು ಇರುತ್ತವೆ. ಹೀಗಾಗಿ ಮತ ಎಣಿಕೆಯೆಂಬುದು ದೊಡ್ಡ ಸಾಹಸವೇ ಆಗಿಬಿಡುತ್ತದೆ. ಇದರಿಂದಾಗಿ ಫಲಿತಾಂಶ ಪ್ರಕಟಿಸುವಲ್ಲಿ ವಿಳಂಬ ಮಾಮೂಲು. 2020ರ ಅಧ್ಯಕ್ಷೀಯ ಚುನಾವಣೆಯಲ್ಲಿ ಒಂದು ತಿಂಗಳಾದರೂ ಫಲಿತಾಂಶ ಪೂರ್ತಿಯಾಗಿ ಪ್ರಕಟವಾಗಿರಲಿಲ್ಲ. ಡೊನಾಲ್ಡ್ ಟ್ರಂಪ್ ಅವರು ಜೋ ಬೈಡೆನ್ ವಿಜಯವನ್ನು ಮನಸ್ಪೂರ್ತಿಯಾಗಿ ಒಪ್ಪಿಕೊಂಡಿರಲಿಲ್ಲ. ಕೊನೆಗೆ, ಅಮೆರಿಕದ ಶಕ್ತಿ್ತೌಧವಾದ ಕ್ಯಾಪಿಟಲ್ ಹಿಲ್ನಲ್ಲಿಯೇ ಗದ್ದಲಗೌಜು ನಡೆದು, ಜಾಗತಿಕವಾಗಿ ಸುದ್ದಿಯಾಯಿತು. ಬಳಿಕ, ಟ್ರಂಪ್ ಮೇಲೆ ಪ್ರಕರಣಗಳು ಕೂಡ ದಾಖಲಾದವು.
