ಕೊಚ್ಚಿ: ಮಲಯಾಳಂನ ಖ್ಯಾತ ನಟ ಅನಿಲ್ ನೆಡುಮಂಗಾಡ್, ಡ್ಯಾಂ ನೀರಿನಲ್ಲಿ ಮುಳುಗಿ ದುರಂತ ಸಾವಿಗೀಡಾಗಿರುವ ಘಟನೆ ಶುಕ್ರವಾರ ನಡೆದಿದೆ. ಕೇರಳದ ತೊಡುಪುಳದಲ್ಲಿರುವ ಮಲಂಕರ ಡ್ಯಾಂನಲ್ಲಿ ಸ್ನಾನಕ್ಕೆಂದು ಸ್ನೇಹಿತರೊಟ್ಟಿಗೆ ತೆರಳಿದ್ದಾಗ ಅವಘಡ ಸಂಭವಿಸಿದೆ.
ಅಯ್ಯಪನುಮ್ ಕೋಶಿಯುಮ್, ಕಮಟ್ಟಿಪಾದಮ್ ಮತ್ತು ಪಾವಡ ಸೇರಿದಂತೆ ಮುಂತಾದ ಯಶಸ್ವಿ ಚಿತ್ರಗಳಲ್ಲಿ ನಟಿಸಿ ಪ್ರಖ್ಯಾತರಾಗಿದ್ದ ಅನಿಲ್ ನೆಡುಮಂಗಾಡ್, ತಮ್ಮ ಮುಂದಿನ ಜೊಜು ಜಾರ್ಜ್ ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಇದೇ ಚಿತ್ರದ ಶೂಟಿಂಗ್ ತೊಡುಪುಳದಲ್ಲಿ ನಡೆಯುತ್ತಿತ್ತು. ಬಿಡುವಿನ ವೇಳೆಯಲ್ಲಿ ಸ್ನೇಹಿತರೊಂದಿಗೆ ಸ್ನಾನಕ್ಕೆಂದು ಡ್ಯಾಂಗೆ ತೆರಳಿದ್ದರು. ಸ್ನಾನ ಮಾಡುವಾಗ ನೀರಿನ ಹರಿವು ಹೆಚ್ಚಾಗಿ ಅನಿಲ್ ನೀರುಪಾಲಾಗಿದ್ದಾರೆ.
ಆ್ಯಂಕರ್ ಮತ್ತು ನಿರ್ಮಾಪಕನಾಗಿ ಆರಂಭದಲ್ಲಿ ಹೆಸರು ಮಾಡಿದ್ದ ಅನಿಲ್, 2014ರಲ್ಲಿ ಜಾನ್ ಸ್ಟೀವ್ ಲೋಪೆಜ್ ಚಿತ್ರದ ಮೂಲಕ ಬೆಳ್ಳಿತೆರೆಗೆ ಕಾಲಿಟ್ಟರು. ಬಳಿಕ ಪಾವಡ ಪಾದಮ್, ಕಿಸ್ಮತ್ ಪರೋಲ್ ಮತ್ತು ಅಯ್ಯಪ್ಪನುಮ್ ಕೋಶಿಯುಮ್ ಸೇರಿದಂತೆ ಮುಂತಾದ ಚಿತ್ರಗಳಲ್ಲಿ ನಟಿಸುವ ಮೂಲಕ ಒಳ್ಳೆಯ ಹೆಸರು ಗಳಿಸಿದ್ದರು. ಅನಿಲ್, ಕೊನೆಯದಾಗಿ ಪಾಪಮ್ ಚೆಯ್ಯಥಾವರ್ ಕಲ್ಲೇರಿಯತ್ತೆ ಚಿತ್ರದಲ್ಲಿ ನಟಿಸಿದ್ದು, ಕಳೆದ ಫೆಬ್ರವರಿಯಲ್ಲಿ ಬಿಡುಗಡೆಯಾಗಿತ್ತು.
ಅನಿಲ್ ಸಾವಿಗೆ ಮಲಯಾಳಂ ಸಿನಿಮಾ ಇಂಡಸ್ಟ್ರಿಯ ಸಹೋದ್ಯೋಗಿಗಳು ಕಂಬನಿ ಮಿಡಿದಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಸಂತಾಪ ಸೂಚಿಸಿದ್ದಾರೆ. (ಏಜೆನ್ಸೀಸ್)
ಇದನ್ನೂ ಓದಿ: ತಾಳಿ ಕಟ್ಟುವಷ್ಟರಲ್ಲಿ ಪೊಲೀಸರಿಗೆ ಕರೆ ಮಾಡಿ ಕೈಕೊಟ್ಟ ವಧು: ಚಿಂತಿಸದ ವರನಿಂದ ಒಳ್ಳೆಯ ನಿರ್ಧಾರ!
ಮಗಳು ಸ್ನಾನ ಮಾಡುವುದನ್ನು 3 ವರ್ಷದಿಂದ ಕದ್ದು ವಿಡಿಯೋ ಮಾಡ್ತಿದ್ದ ತಂದೆ! ಮಗಳ ಕೈಗೆ ಸಿಕ್ಕಿಬಿದ್ದಿದ್ಹೇಗೆ?
ಕ್ಯಾನ್ಸರ್ ರೋಗಿಗೆ ಅದ್ಧೂರಿ ಮದುವೆ! ಮದುವೆಯಾದ ಕೆಲವೇ ದಿನಗಳಲ್ಲಿ ಬಯಲಾಯಿತು ರೋಗಿಯ ನಿಜ ಬಣ್ಣ
ಪ್ರೇಯಸಿಯ ಮಗನನ್ನು ಕೊಂದು ಕೊಳದಲ್ಲಿ ಹೂತಿಟ್ಟ; ಮೃತ ದೇಹಕ್ಕೆ ಮೂರು ದಿನ ಚಿತ್ರಹಿಂಸೆ ನೀಡಿದ!