ವಿಚ್ಛೇದನ ಅರ್ಜಿ ಹರಿದು ಗಂಡನನ್ನು ತಬ್ಬಿಕೊಂಡ ಹೆಂಡತಿ! ಕೋರ್ಟ್​ ಆವರಣದಲ್ಲಿ ಸೆರೆಯಾದ ಸಿನಿಮೀಯ ದೃಶ್ಯ; ವಿಡಿಯೋ ವೈರಲ್​! Husband Wife Viral Video

ವೈರಲ್​ ವಿಡಿಯೋ: ಗಂಡ ಹೆಂಡತಿ ಜಗಳ ಉಂಡು ಮಲಗುವರೆಗೆ ಎಂಬ ಮಾತಿದೆ. ಎಂದರೆ ಪತಿ-ಪತ್ನಿ ಎಷ್ಟೇ ಜಗಳವಾಡಿಕೊಂಡರು ಮತ್ತೆ ಒಂದಾಗುತ್ತಾರೆ ಎನ್ನುವುದು ಈ ಮಾತಿನ ಅರ್ಥವಾಗಿದೆ. ಹಾಗೆಯೇ ದಾಂಪತ್ಯದಲ್ಲಿ ಕಲಹ ಎನ್ನುವುದು ಸರ್ವೇ ಸಮಾನ್ಯವಾಗಿದ್ದು, ಅನುಸರಿಸಿ ನಡೆದರೆ ಬಾಳು ಬಂಗಾರ ಎಂದು ಹಿರಿಯರು ಹೇಳುತ್ತಿದ್ದರು.

ಈಗ ಇಂಹತದ್ದೆ ಒಂದು ಘಟನೆ ಸೋಷಿಯಲ್​ ಮೀಡಿಯಾನಲ್ಲಿ ವೈರಲ್​ ಆಗುತ್ತಿದ್ದು, ದಾಂಪತ್ಯದಿಂದ ಬೇಸತ್ತು, ನ್ಯಾಯಾಲಯದಲ್ಲಿ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ್ದ ದಂಪತಿಗಳಿಬ್ಬರು ಒಂದಾದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್​ ವೈರಲ್ ​(Husband Wife Viral Video) ಆಗುತ್ತಿದೆ.

ಸೋಷಿಯಲ್​ ಮೀಡಿಯಾನಲ್ಲಿ ವೈರಲ್​ ಆಗುತ್ತಿರುವ ವಿಡಿಯೋನಲ್ಲಿ, ಕೋರ್ಟ್​ ಆವರಣದಲ್ಲಿ ಮಹಿಳೆಯೊಬ್ಬಳು ತನ್ನ ಕೈಯಲ್ಲಿದ್ದ ವಿಚ್ಛೇದನದ ಅರ್ಜಿಯನ್ನು ಹರಿದುಹಾಕಿ ತನ್ನ ಗಂಡನನ್ನು ಗಟ್ಟಿಯಾಗಿ ತಬ್ಬಿಕೊಂಡು ಅಳುತ್ತಿರುವ ವಿಡಿಯೋ ಸೋಷಿಯಲ್​ ಮೀಡಿಯಾನಲ್ಲಿ ಕಿಚ್ಚನ್ನು ಹಚ್ಚಿದೆ.

ಕಳೆದ ಕೆಲ ದಿನಗಳ ಹಿಂದೆ ಯುವತಿಯ ತಂದೆಯ ಆರೋಗ್ಯ ಹದಗೆಟ್ಟಾಗ ಈ ಅಳಿಯನೇ ಮುಂದೆ ನಿಂತು ಆಸ್ಪತ್ರೆಯ ಎಲ್ಲಾ ಕೆಲಸಗಳನ್ನು ಮಾಡಿದ್ದನಂತೆ. ಇದರಿಂದ ಗಂಡನ ಮೇಲಿದ್ದ ಕೋಪವೆಲ್ಲಾ ಕರಗಿಹೋದ ಪರಿಣಾಮ ಈ ಜೋಡಿ ಮತ್ತೆ ಒಂದಾಗಿದ್ದಾರೆಂದು ಹೇಳಲಾಗುತ್ತಿದೆ.

ಈ ವಿಡಿಯೋ ಸೋಷಿಯಲ್​ ಮೀಡಿಯಾನಲ್ಲಿ ವೈರಲ್​ ಆಗುತ್ತಿದ್ದಂತೆ ನೆಟ್ಟಿಗರು ಕಮೆಂಟ್​ ಬಾಕ್ಸ್​ ತುಂಬಿಸುವ ಕೆಲಸಕ್ಕೆ ಇಳಿದಿದ್ದಾರೆ. ಅಂತೂ ಮಾವನ ದೆಸೆಯಿಂದ ಜೋಡಿ ಮತ್ತೆ ಒಂದಾದರು ಎಂದು ಒಬ್ಬ ಬಳಕೆದಾರ ಕಮೆಂಟ್​ ಮಾಡಿದ್ದಾರೆ.

ಇವರು ಒಂದಾಗುತ್ತಾರೆಂದು ಗೊತ್ತಿದ್ದೆ ನ್ಯಾಯಾಲಯ ಡಿವೋರ್ಸ್​ ಕೊಟ್ಟಿರಲಿಲ್ಲ ಎನ್ನುವುದು ನನ್ನ ಅಂದಾಜು ಎಂದು ಇನ್ನೊಬ್ಬರು ಹೇಳಿದ್ದಾರೆ. ಜೀವನದಲ್ಲಿ ಒಬ್ಬರನೊಬ್ಬರು ಅರಿತು ಬದುಕಿದರೆ ಬಾಳು ಬಂಗಾರದಂತಿರುತ್ತದೆ ಎಂದು ಮತ್ತೊಬ್ಬರು ಹಿತವಚನ ನೀಡಿದ್ದಾರೆ, (ಏಜನ್ಸೀಸ್​​).