ನವದೆಹಲಿ: ಪ್ರಸಕ್ತ ಟಿ20 ವಿಶ್ವಕಪ್ ಪಂದ್ಯಾವಳಿಗಳು ವೆಸ್ಟ್ ಇಂಡೀಸ್ ಮತ್ತು ಅಮೆರಿಕಾದಲ್ಲಿ ನಡೆಯಲಿದ್ದು, ಜೂನ್ 01ರಿಂದಲೇ ಅಧಿಕೃತ ಚಾಲನೆ ಪಡೆದುಕೊಂಡಿದೆ. ಭರ್ಜರಿ ಪೈಪೋಟಿ ಕೊಡಲು 20 ಬಲಿಷ್ಠ ತಂಡಗಳು ಸಜ್ಜಾಗಿವೆ. ಜೂನ್ 05ರಂದು ನಡೆಯಲಿರುವ ಐರ್ಲೆಂಡ್ ವಿರುದ್ಧದ ಮೊದಲ ಪಂದ್ಯಕ್ಕೆ ಈಗಾಗಲೇ ಟೀಂ ಇಂಡಿಯಾ ಸನ್ನದ್ಧಗೊಂಡಿದ್ದೇ ಆದರೂ ಜೂ.09ರಂದು ನಡೆಯಲಿರುವ ಪಾಕಿಸ್ತಾನ ವಿರುದ್ಧದ ಹೈವೋಲ್ಟೇಜ್ ಪಂದ್ಯಕ್ಕೆ ಮಾತ್ರ ಇದೀಗ ಹೆಚ್ಚಿನ ಆತುರ-ಕಾತರ ಶುರುವಾಗಿದೆ.
ಇನ್ನು ಈ ಬಾರಿಯ ಟಿ20 ವಿಶ್ವಕಪ್ ಟೂರ್ನಿಯಲ್ಲಿ ಟೀಂ ಇಂಡಿಯಾ ಸೇರಿದಂತೆ ಆಯಾ ತಂಡಗಳ ಸ್ಟಾರ್ ಬ್ಯಾಟ್ಸ್ಮನ್ಗಳ ಬಗ್ಗೆ ಹಲವರು ಹಲವು ರೀತಿಯಲ್ಲಿ ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದ್ದರು. ವಿಶ್ವಕಪ್ನಲ್ಲಿ ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾ ಇತರೆ ಟಾಪ್ ಬ್ಯಾಟ್ಸ್ಮನ್ಗಳನ್ನು ಹಿಂದಿಕ್ಕಿ, ಹೊಸ ದಾಖಲೆಗಳನ್ನು ಬರೆಯುವುದು ಪಕ್ಕಾ ಎಂದು ಮಾಜಿ ಕ್ರಿಕೆಟಿಗರು ಭವಿಷ್ಯ ನುಡಿದಿದ್ದರು. ಇದೀಗ ಬೌಲರ್ಗಳ ಸರದಿ.
ಐಸಿಸಿ ಟಿ20 ವಿಶ್ವಕಪ್ ಪಂದ್ಯಾವಳಿಯಲ್ಲಿ ಈ ಏಳು ಬೌಲರ್ಗಳು ಎದುರಾಳಿಗಳ ಬೆವರಿಳಿಸುವುದರ ಜತೆಗೆ ತಂಡದ ಗೆಲುವಿಗೆ ಆಸರೆಯಾಗಲಿದ್ದಾರೆ ಎಂದು ಕ್ರಿಕೆಟ್ ಲೋಕದ ಮಾಜಿ ಹಿರಿಯ ಆಟಗಾರರು ನಿರೀಕ್ಷೆ ವ್ಯಕ್ತಪಡಿಸಿದ್ದಾರೆ. ಹಾಗಾದ್ರೆ, ಇಡೀ ಮ್ಯಾಚ್ನ ಲೆಕ್ಕಾಚಾರಗಳನ್ನು ಬದಲಿಸುವ ಸಾಮರ್ಥ್ಯವಿರುವ ಸ್ಟಾರ್ ಬೌಲರ್ಗಳು ಯಾರೆಲ್ಲಾ ಎಂಬುದರ ಪಟ್ಟಿ ಹೀಗಿದೆ ಗಮನಿಸಿ.
ಇದನ್ನೂ ಓದಿ: ಸಂಜಯ್ ಚಿತ್ರದುರ್ಗಗೆ ವಿದ್ಯಾರ್ಥಿ ಕಥಾ ಪ್ರಶಸ್ತಿ
1. ಜಸ್ಪ್ರೀತ್ ಬುಮ್ರಾ (ಭಾರತ)
2. ಮೊಹಮ್ಮದ್ ಅಮೀರ್ (ಪಾಕಿಸ್ತಾನ)
3. ಮಥೀಶ ಪತಿರಾನ (ಶ್ರೀಲಂಕಾ)
4. ಜೋಫ್ರಾ ಆರ್ಚರ್ (ಇಂಗ್ಲೆಂಡ್)
5. ಟ್ರೆಂಟ್ ಬೌಲ್ಟ್ (ನ್ಯೂಜಿಲೆಂಡ್)
6. ರಶೀದ್ ಖಾನ್ (ಆಫ್ಘಾನಿಸ್ತಾನ)
7. ಮಿಚೆಲ್ ಸ್ಟಾರ್ಕ್ (ಆಸ್ಟ್ರೇಲಿಯಾ)