ವಿಂಬಲ್ಡನ್ ರಾಯಲ್ ಬಾಕ್ಸ್ನಲ್ಲಿ ಸಚಿನ್-ಅಂಜಲಿ ಜೊತೆ ಶುಭಮನ್ ಗಿಲ್ ಪ್ರತ್ಯಕ್ಷ!
- ಕ್ರಿಕೆಟ್ ದೇವರು ಸಚಿನ್ ತೆಂಡೂಲ್ಕರ್ ಹಾಗೂ ಅಂಜಲಿ ಪಕ್ಕದಲ್ಲೇ ಕುಳಿತು ಟೆನಿಸ್ ವೀಕ್ಷಿಸಿದ ಶುಭಮನ್ ಗಿಲ್
- ವಿಂಬಲ್ಡನ್ ರಾಯಲ್ ಬಾಕ್ಸ್ನಲ್ಲಿ ಸಚಿನ್-ಅಂಜಲಿ ಜೊತೆ ಶುಭಮನ್ ಗಿಲ್ ಪ್ರತ್ಯಕ್ಷ!
- ಫೋಟೋಗಳು ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರು 'ನಮ್ಮ ಅತ್ತಿಗೆ ಸಾರಾ ಎಲ್ಲಿ?' ಎಂದ ನೆಟ್ಟಿಗರು
ಲಂಡನ್: ಜಗತ್ತಿನ ಒಂದು ಮೂಲೆಯಲ್ಲಿ ಫಿಫಾ ಫುಟ್ಬಾಲ್ ವಿಶ್ವಕಪ್ ನಡೆಯುತ್ತಿದ್ದರೆ, ಇನ್ನೊಂದು ಮೂಲೆಯಲ್ಲಿ ಜಗತ್ ಪ್ರಸಿದ್ಧ ವಿಂಬಲ್ಡನ್ ಲಾನ್ ಟೆನಿಸ್ ಟೂರ್ನಾಮೆಂಟ್ ನಡೆಯುತ್ತಿದೆ.
ಈ ವಿಂನಲ್ಡನ್ ಕ್ರೀಡಾಕೂಟವನ್ನು ನೋಡಲು ಜಗತ್ತಿನ ಖ್ಯಾತನಾಮರೆಲ್ಲರೂ ಆಗಮಿಸುತ್ತಿದ್ದು, ಇಲ್ಲಿ ನಡೆಯುತ್ತಿರುವ ಟೆನಿಸ್ ಅನ್ನು ವೀಕ್ಷಿಸಲು ಭಾರತ ಕ್ರಿಕೆಟ್ ತಂಡದ ಆಟಗಾರ ಶುಭಮನ್ ಗಿಲ್ (Shubman Gill in Wimbledon) ಹಾಜರಾಗಿರುವುದು ಎಲ್ಲರಿಗೂ ಅಚ್ಚರಿಯನ್ನು ಮೂಡಿಸಿದೆ.
ಕ್ರಿಕೆಟ್ ದೇವರ ಜೊತೆ ಟೆನಿಸ್ ವೀಕ್ಷಣೆ!
ಲಂಡನ್ನಲ್ಲಿ ನಡೆಯುತ್ತಿರುವ ಈ ವಿಂಬಲ್ಡನ್ ಪಂದ್ಯಾವಳಿಯನ್ನು ವೀಕ್ಷಿಸಲು ಶುಭಮನ್ ಗಿಲ್ ವಿಂಬಲ್ಡನ್ನ ಪ್ರತಿಷ್ಠಿತ ರಾಯಲ್ ಬಾಕ್ಸ್ ನಲ್ಲಿ ಕುಳಿತು ಪಂದ್ಯವನ್ನು ವೀಕ್ಷಿಸಿದ್ದಾರೆ. ಅಷ್ಟೇ ಅಲ್ಲದ ಗಿಲ್ ಪಕ್ಕದಲ್ಲಿ ಸಚಿನ್ ತೆಂಡೂಲ್ಕರ್ ಹಾಗೂ ಅವರ ಧರ್ಮಪತ್ನಿ ಅಂಜಲಿ ತೆಂಡೂಲ್ಕರ್ ಕುಳಿತಿರುವ ಫೋಟೊಗಳು ಈಗ ಸೋಷಿಯಲ್ ಮೀಡಿಯಾನಲ್ಲಿ ಸಖತ್ ವೈರಲ್ ಆಗುತ್ತಿದೆ.
ಮತ್ತೆ ಶುರುವಾದ ಡೇಟಿಂಗ್ ರೂಮರ್!
ಕಳೆದ ಕೆಲ ವರ್ಷಗಳಿಂದ ಕ್ರಿಕೆಟ್ ದೇವರು ಸಚಿನ್ ತೆಂಡೂಲ್ಕರ್ ಪುತ್ರಿ ಸಾರಾ ತೆಂಡೂಲ್ಕರ್ ಹಾಗೂ ಶುಭಮನ್ ಗಿಲ್ ಇಬ್ಬರು ಡೇಟಿಂಗ್ ಮಾಡುತ್ತಿದ್ದಾರೆಂಬ ವದಂತಿ ಹಬ್ಬಿದೆ.
ಐಪಿಎಲ್ ಸಮಯದಲ್ಲಿ ಶುಭಮನ್ ಗಿಲ್ ಪ್ರತಿನಿಧಿಸುವ ಗುಜರಾತ್ ಟೈಟಾನ್ಸ್ ಪಂದ್ಯಾವಳಿಯನ್ನು ವೀಕ್ಷಿಸಲು ಬರುತ್ತಿದ್ದ ಫೋಟೊ ಹಾಗೂ ವಿಡಿಯೋಗಳು ವೈರಲ್ ಆಗುತ್ತಿದ್ದವು. ಆದರೆ ಈ ಬಾರಿ ಸಚಿನ್ ತೆಂಡೂಲ್ಕರ್ ದಂಪತಿಗಳ ಪಕ್ಕದಲ್ಲಿ ಕುಳಿತು ಶುಭಮನ್ ಗಿಲ್ ವಿಂಬಲ್ಡನ್ ಪಂದ್ಯಾವಳಿ ವೀಕ್ಷಿಸಿರುವುದು ಈ ಡೇಟಿಂಗ್ ವದಂತಿಗೆ ಮತ್ತೆ ರೆಕ್ಕೆ-ಪುಕ್ಕ ಬಂದತಾಗಿದೆ.
ಸಾರಾ ಎಲ್ಲಿ ಎಂದ ನೆಟ್ಟಿಗರು!
ಶುಭಮನ್ ಗಿಲ್ ಸಚಿನ್ ಹಾಗೂ ಅಂಜಲಿ ತೆಂಡೂಲ್ಕರ್ ಜೊತೆ ಕುಳಿತು ವಿಂಬಲ್ಡನ್ ನೋಡಿದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದೆ ನೆಟ್ಟಿಗರು ಸಾರಾ ಎಲ್ಲಿ? ಅತ್ತಿಗೆ ಎಲ್ಲಿ? ಎಂದು ಶುಭಮನ್ ಗಿಲ್ನ ಕಮೆಂಟ್ ಬಾಕ್ಸ್ ತುಂಬಿಸಲು ಪ್ರಾರಂಭಿಸಿದ್ದಾರೆ. ಆದರೆ ಈ ಡೇಟಿಂಗ್ ವದಂತಿ ಬಗ್ಗೆ ಶುಭಮನ್ ಗಿಲ್ ಆಗಲೀ ಅಥವಾ ಸಾರಾ ತೆಂಡೂಲ್ಕರ್ ಆಗಲೀ ಇಲ್ಲಿವರೆಗೆ ಯಾವುದೇ ಸ್ಪಷ್ಟನೆ ನೀಡಿಲ್ಲ, (ಏಜನ್ಸೀಸ್).