ನವದೆಹಲಿ: ಟೆನಿಸ್ ಬಾಲ್ ಕ್ರಿಕೆಟ್ ಪಂದ್ಯಾಟದ ವೇಳೆ ಬೆಳಗಾವಿಯ ಕಿರಣ್ ತರಳೇಕರ್ ಎಂಬಾತ ಫೀಲ್ಡಿಂಗ್ ವೇಳೆ ಹಿಡಿದಿರುವ ಕ್ಯಾಚ್ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ಇದೀಗ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್ ಆಗುತ್ತಿದೆ. ಈ ಅತ್ಯದ್ಭುತ ಕ್ಯಾಚ್ನ ವೀಡಿಯೋವನ್ನು ಕ್ರಿಕೆಟ್ ದೇವರು ಸಚಿನ್ ತೆಂಡೂಲ್ಕರ್ ಟ್ವಿಟ್ ಮಾಡಿ, ಕಿರಣ್ ಅವರ ಫೀಲ್ಡಿಂಗ್ಗೆ ಶಹಬಾಸ್ ಎಂದಿದ್ದಾರೆ.
ಫೆ. 9 ರಂದು ಬೆಳಗಾವಿ ನಗರದ ವ್ಯಾಕ್ಸಿನ್ ಡಿಪೊ ಆವರಣದಲ್ಲಿ ಟೆನಿಸ್ ಬಾಲ್ ಕ್ರಿಕೆಟ್ ಪಂದ್ಯಾವಳಿ ಆಯೋಜಿಸಲಾಗಿತ್ತು. ಪಂದ್ಯಾಟದಲ್ಲಿ ಸಾಯಿರಾಜ್ vs ಎಸ್ಆರ್ಎಸ್ ಹಿಂದೂಸ್ತಾನ್ ನಿಪ್ಪಾಣಿ ತಂಡದ ನಡುವೆ ಪಂದ್ಯ ನಡೆದಿತ್ತು. ಈ ವೇಳೆ ಬ್ಯಾಟಿಂಗ್ ನಡೆಸುತ್ತಿದ್ದ ತಂಡದ ಆಟಗಾರ ಬಾರಿಸಿದ ಬಾಲ್ ಸಿಕ್ಸರ್ನತ್ತ ಸಾಗುತ್ತದೆ. ಆದರೆ ಬೌಂಡರಿ ಲೈನ್ನಲ್ಲಿದ್ದ ಕಿರಣ್ ತರಳೇಕರ್ ಹಾರಿ ಕ್ಯಾಚ್ ಹಿಡಿದು, ಬೌಂಡರಿ ಲೈನ್ ದಾಡುತ್ತಿದ್ದಂತೆ ಮತ್ತೆ ಗಾಳಿಯಲ್ಲಿ ಹಾರಿ ಬಾಲ್ನನ್ನು ಫುಟ್ಬಾಲ್ನಂತೆ ಗ್ರೌಂಡ್ನ ಒಳಭಾಗಕ್ಕೆ ಒದೆಯುತ್ತಾರೆ. ಅಷ್ಟರಲ್ಲಿ ಮತ್ತೊಬ್ಬ ಆಟಗಾರ ಒಳಬಂದ ಬಾಲ್ನ್ನು ಕ್ಯಾಚ್ ಹಿಡಿಯುವಲ್ಲಿ ಯಶಸ್ವಿಯಾಗುತ್ತಾರೆ.
ಈ ವೀಡಿಯೋವನ್ನು ಸಚಿನ್ ತೆಂಡೂಲ್ಕರ್ ಟ್ವೀಟ್ ಮಾಡಿ ‘ಫುಟ್ಬಾಲ್ ಆಡಲು ಗೊತ್ತಿರುವ ವ್ಯಕ್ತಿಯನ್ನು ನೀವು ಕ್ರಿಕೆಟ್ಗೆ ಕರೆತಂದರೆ ಹೀಗಾಗುತ್ತದೆ’ ಎಂದು ಬರೆದುಕೊಂಡಿದ್ದಾರೆ.
ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದು, ಖ್ಯಾತ ಕ್ರಿಕೆಟ್ ತಾರೆಯರು ಟ್ವೀಟ್ ಮೂಲಕ ಅದ್ಭುತ ಫೀಲ್ಡಿಂಗ್ ಬಗ್ಗೆ ಮಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.spo