ಬೆಂಗಳೂರು: ಸ್ಟಾರ್ ದಂಪತಿ ವಿರಾಟ್ ಕೊಹ್ಲಿ ಹಾಗೂ ಅನುಷ್ಕಾ ಶರ್ಮ ತಂದೆ-ತಾಯಿ ಆಗುತ್ತಿರುವ ವಿಷಯವನ್ನು ಗುರುವಾರವಷ್ಟೇ ಸಾಮಾಜಿಕ ಜಾಲತಾಣಗಳ ಮೂಲಕ ಹಂಚಿಕೊಂಡಿದ್ದರು. ಇದರ ಬೆನ್ನಲ್ಲೇ ಸ್ಟಾರ್ ದಂಪತಿಗೆ ಕ್ರೀಡಾ ವಲಯದಿಂದ ಅಭಿನಂದನೆಗಳ ಮಹಾಪೂರವೇ ಹರಿ ಬಂದಿತ್ತು. ಜತೆಗೆ ನೆಟ್ಟಿಗರು ಮೀಮ್ಸ್ಗಳ ಮೂಲಕ ಶುಭ ಹಾರೈಸಿದ್ದರು. ಇದರ ಬೆನ್ನಲ್ಲೇ ಬಾಲಿವುಡ್ ಸ್ಟಾರ್ ದಂಪತಿ ಸೈಫ್ ಅಲಿ ಖಾನ್ ಹಾಗೂ ಕರೀನಾ ಕಪೂರ್ ದಂಪತಿ ಪುತ್ರ ತೈಮೂರ್ ಅಲಿ ಖಾನ್ ವಿವಿಧ ಮೀಮ್ಸ್ಗಳ ಮೂಲಕ ನೆಟ್ಟಿಗರ ಆಹಾರವಾಗಿದ್ದಾನೆ.
ತೈಮೂರ್ ಅಲಿ ಖಾನ್, ಕುರಿತು ಬಗೆ ಬಗೆ ಜೋಕ್ಗಳನ್ನು ಸೃಷ್ಟಿಸಿ ಟ್ರೋಲ್ ಮಾಡಲಾಗುತ್ತಿದೆ. ವಿರಾಟ್-ಅನುಷ್ಕಾ ಜೋಡಿ ವಿರುಷ್ಕಾ ಅಂತಾನೇ ಖ್ಯಾತಿ ಪಡೆದಿದೆ. ಈ ಜೋಡಿ ಮುಂದಿನ ಜನವರಿಯಲ್ಲಿ ಮೊದಲ ಮಗುವಿನ ನಿರೀಕ್ಷೆಯಲ್ಲಿದೆ. ಈ ಸುದ್ದಿಯನ್ನು ಕೊಹ್ಲಿ ಬಹಿರಂಗಗೊಳಿಸಿದ್ದೇ ತಡ, ಸಾಮಾಜಿಕ ಜಾಲತಾಣಗಳಲ್ಲಿ ಅಭಿನಂದನೆಗಳ ಮಹಾಪೂರವೇ ಹರಿದು ಬಂತು. ಈ ವೇಳೆ ತೈಮೂರ್ ಕೂಡ ನೆಟ್ಟಿಗರ ಟಾರ್ಗೆಟ್ ಆಗಿದ್ದು, ಇವನ ಮೇಲೆ ಬಗೆ ಬಗೆಯ ಜೋಕ್ಗಳನ್ನು ಹರಿಬಿಡಲಾಗುತ್ತಿದೆ.
ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಹಾಗೂ ಅನುಷ್ಕಾ ಶರ್ಮ ಜೋಡಿ ಮೂರು ವರ್ಷಗಳ ಡೇಟಿಂಗ್ ಬಳಿಕ, 2017ರಲ್ಲಿ ಇಟಲಿಯಲ್ಲಿ ಮದುವೆಯಾಗಿತ್ತು. ಐಪಿಎಲ್ನಲ್ಲಿ ಆಡಲು ಕೊಹ್ಲಿ ಯುಎಇಗೆ ತೆರಳಿದ್ದರೆ, ಅನುಷ್ಕಾ ಶರ್ಮ ಮುಂಬೈನಲ್ಲೇ ಉಳಿದುಕೊಂಡಿದ್ದಾರೆ. ಸೆ,19 ರಿಂದ ನ.10 ರವರೆಗೆ 13ನೇ ಆವೃತ್ತಿಯ ಐಪಿಎಲ್ ಟೂರ್ನಿ ಯುಎಇಯ ಶಾರ್ಜಾ, ದುಬೈ ಹಾಗೂ ಅಬುಧಾಬಿಯಲ್ಲಿ ನಡೆಯಲಿದೆ.