ನವದೆಹಲಿ: ಟಿ-20 ವಿಶ್ವಕಪ್ನ ಸೆಮಿಫೈನಲ್ ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧ ಭಾರತ ತಂಡ ಸೋಲೆಪ್ಪಿಕೊಳ್ಲುತ್ತಿದ್ದಂತೆ ಹಲವು ಟೀಕೆಗಳು, ವ್ಯಂಗ್ಯದ ಮಾತುಗಳು ವ್ಯಕ್ತವಾಗುತ್ತಲೇ ಇವೆ. ಇದೀಗ ಪಾಕಿಸ್ತಾನ ಮಾಜಿ ಬೌಲರ್ ಶೋಯೆಬ್ ಅಖ್ತರ್, ಭಾರತೀಯ ಬೌಲರ್ಗಳ ಮೇಲೆ ತಮ್ಮ ನಾಲಿಗೆ ಹರಿಬಿಟ್ಟಿದ್ದಾರೆ.
ಇಂಗ್ಲೆಂಡ್ ಮತ್ತು ಪಾಕಿಸ್ತಾನ ತಂಡಗಳ ನಡುವೆ ಟಿ-20 ವಿಶ್ವಕಪ್ನ ಫೈನಲ್ ಪಂದ್ಯ ನಡೆಯಲಿದೆ. ಎರಡು ಬಲಿಷ್ಠ ತಂಡಗಳು ಪ್ರಶಸ್ತಿಗಾಗಿ ಸೆಣೆಸಾಟ ನಡೆಸಲಿದೆ. ಹೀಗಾಗಿ ಈಗಾಗಲೇ ಎರಡೂ ತಂಡಗಳು ನೆಟ್ಸ್ನಲ್ಲಿ ಕಠಿಣ ಅಭ್ಯಾಸ ನಡೆಸುತ್ತಿದೆ. ಈ ನಡುವೆ ಶೋಯೆಬ್ ಅಖ್ತರ್ ಸಂದರ್ಶನವೊಂದರಲ್ಲಿ ಮಾತನಾಡುತ್ತಾ, ನಮಗೆ ಎದುರಾಳಿಯಾಗಿ ಸಿಕ್ಕಿರುವುದು ಇಂಗ್ಲೆಂಡ್ ತಂಡ. ಭಾರತವನ್ನು ಸೋಲಿಸಿದ ನಂತರ ಅವರ ಆತ್ಮವಿಶ್ವಾಸ ಹೆಚ್ಚಿದೆ ಎಂದು ಹೇಳಿದ್ದಾರೆ.
ಇಂಗ್ಲೆಂಡ್ ತಂಡ ಪಾಕಿಸ್ತಾನ ತಂಡವನ್ನು ಎದುರಿಸಲು ಕಠಿಣ ಅಭ್ಯಾಸಕ್ಕೆ ಮುಂದಾಗಿದೆ. ನಾವು ಭಾರತೀಯ ಬೌಲರ್ಗಳನ್ನಲ್ಲಾ, ಪಾಕಿಸ್ತಾನ ಬೌಲರ್ಗಳನ್ನು ಎದುರಿಸಬೇಕಿರುವುದು ಎಂಬುವುದನ್ನು ಇಂಗ್ಲೆಂಡ್ ತಂಡ ಮನವರಿಕೆ ಮಾಡಿಕೊಂಡಿದೆ. ಹೀಗಾಗಿ ಪಾಕಿಸ್ತಾನವನ್ನು ಸೋಲಿಸಲು ಇಂಗ್ಲೆಂಡ್ ತಂಡ ಮೈದಾನದಲ್ಲಿ ಸಾಕಷ್ಟು ಪರಿಶ್ರಮ ನಡೆಸಬೇಕಾಗಿದೆ ಎಂದು ಹೇಳಿದ್ದಾರೆ. (ಏಜೆನ್ಸೀಸ್)