ಅಹಮದಾಬಾದ್: ಟೀಮ್ ಇಂಡಿಯಾ ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ ವಿಶ್ವಕಪ್ನಲ್ಲಿ 10 ಪಂದ್ಯಗಳಲ್ಲಿ 711 ರನ್ ಸಿಡಿಸಿ ಗರಿಷ್ಠ ರನ್ ಸ್ಕೋರರ್ ಆಗಿದ್ದು, ಫೈನಲ್ನಲ್ಲಿ ಯಾರಾದರೂ ಅವರನ್ನು ಹಿಂದಿಕ್ಕುವುದು ಕಷ್ಟ.
2ನೇ ಸ್ಥಾನಿ ಕ್ವಿಂಟನ್ ಡಿಕಾಕ್ (594), 3ನೇ ಸ್ಥಾನಿ ರಚಿನ್ ರವೀಂದ್ರ (578), 4ನೇ ಸ್ಥಾನಿ ಡೆರಿಲ್ ಮಿಚೆಲ್ (552) ಹೊರಬಿದ್ದಿದ್ದರೆ, 4ನೇ ಸ್ಥಾನ ರೋಹಿತ್ ಶರ್ಮ (550) ಕೊಹ್ಲಿಗಿಂತ 161 ರನ್ ಹಿಂದಿದ್ದಾರೆ. 6ನೇ ಸ್ಥಾನಿ ಡೇವಿಡ್ ವಾರ್ನರ್ (528) ಕೂಡ 183 ರನ್ ಹಿಂದಿದ್ದಾರೆ. ಹೀಗಾಗಿ ಕೊಹ್ಲಿ ಟೂರ್ನಿಯ ಗರಿಷ್ಠ ರನ್ಸ್ಕೋರರ್ ಎನಿಸುವುದು ಬಹುತೇಕ ನಿಶ್ಚಿತ.
ಆದರೆ ಗರಿಷ್ಠ ವಿಕೆಟ್ ಸಾಧನೆಗೆ ಮೊಹಮದ್ ಶಮಿ (23) ಮತ್ತು ಆಡಂ ಜಂಪಾ (22) ನಡುವೆ ನಿಕಟ ಪೈಪೋಟಿ ಏರ್ಪಡಲಿದೆ. ಫೈನಲ್ನಲ್ಲಿ ಗರಿಷ್ಠ ವಿಕೆಟ್ ಕಬಳಿಸಿದವರಿಗೆ ಈ ಗೌರವ ಒಲಿಯಲಿದೆ.