ಮುಂಬೈ: ಭಾರತದ ವೇಗಿ ಮೊಹಮ್ಮದ್ ಸಿರಾಜ್ ಮುಂಬರುವ ಇಂಡಿಯನ್ ಪ್ರೀಮಿಯರ್ ಲೀಗ್(IPL) 2025 ಗಾಗಿ ಗುಜರಾತ್ ಟೈಟನ್ಸ್ ಸೇರಿಕೊಳ್ಳಲಿದ್ದಾರೆ. ಇದರ ನಡುವೆ ಸಿರಾಜ್ ಮಾಜಿ ಪ್ರಾಂಚೈಸಿ ಆರ್ಸಿಬಿ(RCB) ಮತ್ತು ಅಭಿಮಾನಿಗಳ ನಂಟಿನ ಬಗ್ಗೆ ಭಾವನಾತ್ಮಕ ಪೋಸ್ಟ್ವೊಂದನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
RCB ಯೊಂದಿಗಿನ ಅವರ ಸಮಯ, ತರಬೇತಿ ಮತ್ತು ಸಹ ಆಟಗಾರರ ಜತೆ ಇರುವ ವಿಡಿಯೋ ತುಣುಕುಗಳನ್ನು ಜತೆ ಆಭಿಮಾನಿಗಳ ಜತೆಗಿನ ಸುಖ ದುಖಗಳ ಕ್ಷಣಗಳನ್ನು ಹಂಚಿಕೊಂಡಿದ್ದಾರೆ. ಈ ಮೂಲಕ ಸಿರಾಜ್ ಆರ್ಸಿಬಿ ಟೀಮ್ನಲ್ಲಿನ ಭಾವನೆಗಳನ್ನು ಮೆಲುಕು ಹಾಕುವ ಮೂಲಕ ಸುಧೀರ್ಘ 7 ವರ್ಷಗಳ ಪ್ರಾಂಚೈಸಿ ಜತೆಗಿನ ನಂಟು ಕಳೆದುಕೊಂಡಿದ್ದಾರೆ.
''ನಾನು ಮೊದಲು RCB ಜರ್ಸಿ ಧರಿಸಿದ ದಿನದಿಂದ ನಾವು ರೂಪಿಸುವನ ನಮ್ಮ ನಡುವಿನ ನಂಟು ಇಷ್ಟು ಭಾವನಾತ್ಮಕ ಮತ್ತು ಇಷ್ಟೊಂದು ಗಟ್ಟಿ ಇರುತ್ತೆ ಎಂದು ನಾನು ಎಂದಿಗೂ ಗಮನಿಸಲಿಲ್ಲ. RCBಯಲ್ಲಿ ತೆಗೆದುಕೊಂಡ ಪ್ರತಿ ನಿರ್ಧಾರ, ಆಡಿದ ಪ್ರತಿ ಪಂದ್ಯ ನಿಮ್ಮೊಂದಿಗೆ ಹಂಚಿಕೊಂಡ ಪ್ರತಿ ಕ್ಷಣ ಅಸಾಮಾನ್ಯವಾದುದು. ಏರಿಳಿತಗಳಿವೆ ಆದರೆ, ಎಲ್ಲದರ ಮೂಲಕ ಒಂದು ವಿಷಯ ಸ್ಥಿರವಾಗಿದೆ. ನಿಮ್ಮ ಅಚಲ ಬೆಂಬಲ. RCB ಕೇವಲ ಫ್ರಾಂಚೈಸಿ ಅಲ್ಲ ಅದಕ್ಕಿಂತ ಹೆಚ್ಚು ಇದು ಒಂದು ಭಾವನೆ, ಹೃದಯ ಬಡಿತ, ಮನೆಯಂತೆ ಭಾಸವಾಗುವ ಕುಟುಂಬ'' ಎಂದಿದ್ದಾರೆ.
ಇನ್ನು ಪಂದ್ಯಗಳನ್ನು ಸೋತಾಗ ನೋವುಂಟು ಮಾಡಿದ ರಾತ್ರಿಗಳಿವೆ. ಆದರೆ, ಇದು ಪೆವಿಲಿಯನ್ನಲ್ಲಿನ ನಿಮ್ಮ ಧ್ವನಿಗಳು, ಮಾಧ್ಯಮದಲ್ಲಿನ ನಿಮ್ಮ ಸಂದೇಶಗಳು, ನಿಮ್ಮ ನಿರಂತರ ನಂಬಿಕೆ ನನ್ನನ್ನು ಮುಂದುವರಿಸಿದೆ. ನಿಮ್ಮ ಶಕ್ತಿ, ಪ್ರೀತಿ, ನಂಬಿಕೆ, ಇದು ಸಾಟಿಯಿಲ್ಲ. RCB ಅಭಿಮಾನಿಗಳು ನೀವು ಈ ತಂಡದ ಆತ್ಮ. ನಾನು ಆರ್ಸಿಬಿಗೆ ಕಾಲಿಟ್ಟಾಗ, ನಿಮ್ಮ ಕನಸುಗಳು ಮತ್ತು ಭರವಸೆಗಳ ಭಾರವನ್ನು ನಾನು ಅನುಭವಿಸಿದೆ. ನೀವು ನನ್ನ ಹಿಂದೆಯೇ ಇದ್ದೀರಿ ಎಂದು ತಿಳಿದಿದ್ದೇನೆ ಎಂದಿದ್ದಾರೆ.
ಮೊಹಮ್ಮದ್ ಸಿರಾಜ್ ಅವರು ತಮ್ಮ ವೃತ್ತಿಜೀವನದಲ್ಲಿ ಹೊಸ ಅಧ್ಯಾಯವನ್ನು ಪ್ರಾರಂಭಿಸಿದರೂ, ಆರ್ಸಿಬಿ ಯಾವಾಗಲೂ ಅವರ ಹೃದಯದ ತುಣುಕನ್ನು ಪ್ರಸ್ತುತಪಡಿಸುತ್ತಾರೆ. "ನಾನು ಈಗ ನನ್ನ ವೃತ್ತಿಜೀವನದ ಅಧ್ಯಾಯಕ್ಕೆ ಹೊಸತು, RCB ಯಾವಾಗಲೂ ನನ್ನ ಹೃದಯದ ತುಣುಕನ್ನು ಅಳವಡಿಸಿಕೊಂಡಿದ್ದೇನೆ. ಇದು ವಿದಾಯ ಅಲ್ಲ. ಇದು ಧನ್ಯವಾದಗಳು ಎಂದು ಸಿರಾಜ್ ಮಾಡಿರುವ ಭಾವನಾತ್ಮಕ ಪೋಸ್ಟ್ ಇದೀಗ ಆರ್ಸಿಬಿ ಆಭಿಮಾನಿಗಳ ಮನ ಗೆದ್ದಿದೆ.
ಇನ್ನು ಐಪಿಎಲ್ ಮೆಗಾ ಹರಾಜಿನಲ್ಲಿ ಸಿರಾಜ್ ಗುಜರಾತ್ ಟೈಟಾನ್ಸ್ 12.25 ಕೋಟಿ ರೂ.ಗೆ ಖರೀದಿಸಿತು. 2 ಕೋಟಿ ರೂ.ಗಳ ಮೂಲ ಬೆಲೆಗಳು ಆರಂಭಗೊಂಡು, ಗುಜರಾತ್ ಟೈಟಾನ್ಸ್ ಅಂತಿಮವಾಗಿ ಮೇಲುಗೈ ಸಾಧಿಸುವ ಮೊದಲು ಸಿರಾಜ್ ಗುಜರಾತ್ಗೆ ಪಾಲಗಿದ್ದಾರೆ, (ಏಜೆನ್ಸೀಸ್).