ಚೆನ್ನೈ: ಬೆಂಗಳೂರು ಬುಲ್ಸ್ ತಂಡ ಪ್ರೊ ಕಬಡ್ಡಿ ಲೀಗ್ 10ನೇ ಆವೃತ್ತಿಯಲ್ಲಿ ಗೆಲುವಿನ ಹಾದಿಗೆ ಮರಳಿದೆ. ಬೆಂಗಳೂರು ತಂಡ ಭಾನುವಾರ ನಡೆದ ಪಂದ್ಯದಲ್ಲಿ ತೆಲುಗು ಟೈಟಾನ್ಸ್ ಎದುರು 33-31 ಅಂತರದಿಂದ ಗೆಲುವು ದಾಖಲಿಸಿತು. ಇದು ಬೆಂಗಳೂರು ಬುಲ್ಸ್ಗೆ ಟೂರ್ನಿಯಲ್ಲಿ 3ನೇ ಗೆಲುವು ಮತ್ತು ತವರಿನಿಂದ ಹೊರಗೆ ಮೊದಲ ಗೆಲುವಾಗಿದೆ.
ಎಸ್ಡಿಎಟಿ ಮಲ್ಟಿ ಪರ್ಪಸ್ ಒಳಾಂಗಣ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಚೆನ್ನೆ$ ಚರಣದಲ್ಲಿ ಬೆಂಗಳೂರು ತಂಡ ಮೊದಲಾರ್ಧದಲ್ಲೇ 16-12ರಿಂದ ಮುನ್ನಡೆ ಸಾಧಿಸಿತು. ನಂತರ ಪವನ್ ಶೆರಾವತ್ (13) ಭರ್ಜರಿ ರೈಡಿಂಗ್ ನಡುವೆ ಜಯ ಒಲಿಸಿಕೊಂಡಿತು. ಭರತ್ (6), ವಿಕಾಸ್ ಕಂಡೋಲ (5), ಸುರ್ಜಿತ್ ಸಿಂಗ್ (7) ಬುಲ್ಸ್ ಗೆಲುವಿಗೆ ನೆರವಾದರು.
ಮುಂಬಾಗೆ ಮಣಿದ ಬೆಂಗಾಲ್: ಯು ಮುಂಬಾ ತಂಡ ದಿನದ ಮೊದಲ ಪಂದ್ಯದಲ್ಲಿ ಬೆಂಗಾಲ್ ವಾರಿಯರ್ಸ್ ಎದುರು 39-37 ಅಂತರದಿಂದ ಗೆಲುವು ದಾಖಲಿಸಿತು. ಬೆಂಗಾಲ್ ನಾಯಕ ಮಣಿಂದರ್ ಸಿಂಗ್ (11) ಹೋರಾಟ ವ್ಯರ್ಥಗೊಂಡಿತು. ಮೊದಲಾರ್ಧದಲ್ಲಿ ಮುಂಬಾ 18-15ರಿಂದ ಮುನ್ನಡೆ ಸಾಧಿಸಿತು. ದ್ವೀತಿಯಾರ್ಧದಲ್ಲಿ ಬೆಂಗಾಲ್ ಜಿದ್ದಾಜಿದ್ದಿನ ಹೋರಾಟ ನಡುವೆ ಪರಾಭವಗೊಂಡಿತು.