Wasim Akram: ಭಾರತದ ವಿರುದ್ಧದ ಪಂದ್ಯದಲ್ಲಿ ಪಾಕಿಸ್ತಾನದ ಬ್ಯಾಟ್ಸ್ಮನ್ಗಳು ಕುಲ್ದೀಪ್ ಯಾದವ್ ಬೌಲಿಂಗ್ ಶೈಲಿಯನ್ನು ಸರಿಯಾಗಿ ಅರ್ಥ ಮಾಡಿಕೊಳ್ಳದೆ ಸ್ವೀಪ್ ಶಾಟ್ ಹೊಡೆದಿದ್ದಕ್ಕಾಗಿ ಪಾಕ್ ಬೌಲಿಂಗ್ ಲೆಜೆಂಡ್ ವಾಸಿಮ್ ಅಕ್ರಮ್ ತೀವ್ರ ವಾಗ್ದಾಳಿ ನಡೆಸಿದ್ದಾರೆ.
ಈ ಬಗ್ಗೆ ಮಾತನಾಡಿದ ಪಾಕ್ ಮಾಜಿ ಆಟಗಾರ, ಪಾಕ್ ಬ್ಯಾಟರ್ಗಳಿಗೆ ಕುಲ್ದೀಪ್ ಬೌಲಿಂಗ್ಗನ್ನು ಓದಲು ಸಾಧ್ಯವಾಗಲಿಲ್ಲ. ಪಾಕ್ ಬ್ಯಾಟರ್ಗಳು ಯಾದವ್ ಕೈಯಿಂದ ಓದಲು ಸಾಧ್ಯವಾಗದ ಹೊರತು, ಈ ರೀತಿಯ ಬಾಲ್ಗಳನ್ನು ಅರ್ಥಮಾಡಿಕೊಳ್ಳಲು ಸಾಧ್ಯವಾಗುವುದಿಲ್ಲ ಎಂದು ಹೇಳಿದ್ದಾರೆ. ಪಾಕ್ ಆಟಗಾರರರು ಕುಲ್ದೀಪ್ ಎಸೆದ ಪ್ರತಿ ಎರಡನೇ ಚೆಂಡನ್ನು ಸ್ವೀಪ್ ಮಾಡಿದಾಗ, ನೀವು ಯಾದವ್ರನ್ನು ಓದುತ್ತಿಲ್ಲ ಎಂದರ್ಥ ಎಂದು ಅಕ್ರಮ್ ಪಾಕ್ ಬ್ಯಾಟರ್ಗಳ ವಿರುದ್ಧ ಟೀಕಾಪ್ರಹಾರ ನಡೆಸಿದ್ದಾರೆ.
ಅಲ್ಲದೆ, ಭಾರತೀಯ ಸ್ಪಿನ್ನರ್ಗಳ ವಿರುದ್ಧ ಹಸನ್ ನವಾಜ್ ಮತ್ತು ಸಲ್ಮಾನ್ ಅಲಿ ಆಘಾರ ವೈಫಲ್ಯದ ಬಗ್ಗೆ ಅಕ್ರಮ್ ನಿರಾಶೆ ವ್ಯಕ್ತಪಡಿಸಿದ್ದಾರೆ. ಭಾರತ ವಿರುದ್ಧ ಪಾಕಿಸ್ತಾನ ತಮ್ಮ ಇನ್ನಿಂಗ್ಸ್ನಲ್ಲಿ 63 ಡಾಟ್ ಬಾಲ್ಗಳನ್ನು ಆಡಿತು. ಇದು 10 ಓವರ್ಗಳಿಗಿಂತ ಸ್ವಲ್ಪ ಹೆಚ್ಚು ಡಾಟ್ಗಲಾಗಿವೆ. ಆದರೆ, ಭಾರತೀಯ ಬೌಲರ್ಗಳಿಗೆ ಧನ್ಯವಾದಗಳು. ಹಸನ್ ನವಾಜ್, ಹ್ಯಾರಿಸ್ ಮತ್ತು ಪಾಕ್ ನಾಯಕನಂತಹ ಆಟಗಾರರನ್ನು ನೋಡುವುದು ದುಃಖಕರವಾಗಿದೆ. ಪಾಕ್ ಪ್ರತಿಭಾನ್ವಿತ ಆಟಗಾರರು ಇದ್ದಾರೆ. ನೀವು ದಾಳಿ ಮಾಡಲು ಬೌಲರ್ಗಳನ್ನು ಆಯ್ಕೆ ಮಾಡಬೇಕು, ಪರಿಸ್ಥಿತಿಯನ್ನು ಪರಿಶೀಲಿಸಿ ನಂತರ ಹೊಡೆಯಬೇಕು ಎಂದಿದ್ದಾರೆ. ಪಾಕ್ ಬ್ಯಾಟರ್ಗಳು 150 ರ ಸ್ಟ್ರೈಕ್ ರೇಟ್ ಬೆನ್ನಟ್ಟುತ್ತಿದ್ದರು ಎಂದು ಅಕ್ರಮ್ ತಿಳಿಸಿದ್ದಾರೆ.
ಕಳೆದ ಭಾನುವಾರ ದುಬೈನಲ್ಲಿ ನಡೆದ ಏಷ್ಯಾ ಕಪ್ ಪಂದ್ಯದಲ್ಲಿ ಭಾರತದ ವಿರುದ್ಧ ಪಾಕಿಸ್ತಾನ 7 ವಿಕೆಟ್ಗಳ ಹೀನಾಯ ಸೋಲು ಅನುಭವಿಸಿತು. ಈ ಪಂದ್ಯದಲ್ಲಿ ಸೂರ್ಯಕುಮಾರ್ ಪಡೆ ಸಂಪೂರ್ಣ ಪ್ರಾಬಲ್ಯ ಸಾಧಿಸಿತು. ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ಪಾಕಿಸ್ತಾನವು 20 ಓವರ್ಗಳಲ್ಲಿ 127/9 ಕ್ಕೆ ಸೀಮಿತವಾಯಿತು, ಸ್ಪಿನ್ನರ್ ಕುಲ್ದೀಪ್ ಯಾದವ್ 3 ವಿಕೆಟ್ಗಳನ್ನು ಪಡೆದರು. ನಂತರ ನಾಯಕ ಯಾದವ್ 47 ರನ್ಗಳೊಂದಿಗೆ ಅಜೇಯರಾಗಿ, ಭಾರತವು ಕೇವಲ 15.5 ಓವರ್ಗಳಲ್ಲಿ ಗುರಿಯನ್ನು ತಲುಪಿತು. (ಏಜೆನ್ಸೀಸ್)