ಕೌಲಾಲಂಪುರ: ಭವಿಷ್ಯದ ಕ್ರಿಕೆಟ್ ತಾರೆಯರ ಹಣಾಹಣಿ ಎನಿಸಿರುವ 19 ವಯೋಮಿತಿ ಮಹಿಳೆಯರ ಟಿ20 ವಿಶ್ವಕಪ್ 2ನೇ ಆವೃತ್ತಿಗೆ ಶನಿವಾರ ಚಾಲನೆ ಸಿಗಲಿದೆ. ಆಸ್ಟ್ರೆಲಿಯಾ ಮತ್ತು ಸ್ಕಾಟ್ಲೆಂಡ್ ನಡುವೆ ಉದ್ಘಾಟನಾ ಪಂದ್ಯ ನಿಗದಿಯಾಗಿದ್ದು, ಮೊದಲ ದಿನ ಒಟ್ಟು 6 ಪಂದ್ಯಗಳು ನಡೆಯಲಿವೆ. ಒಟ್ಟು 16 ತಂಡಗಳ ಟೂರ್ನಿಯಲ್ಲಿ ಭಾರತ ತಂಡ ಹಾಲಿ ಚಾಂಪಿಯನ್ ಆಗಿ ಕಣಕ್ಕಿಳಿಯಲಿದೆ. ಕನ್ನಡತಿ ನಿಕಿ ಪ್ರಸಾದ್ ಸಾರಥ್ಯದ ಭಾರತ ತಂಡ ಭಾನುವಾರ ವೆಸ್ಟ್ ಇಂಡೀಸ್ ವಿರುದ್ಧ ತನ್ನ ಅಭಿಯಾನ ಆರಂಭಿಸಲಿದೆ. 2023ರ ಚೊಚ್ಚಲ ಆವೃತ್ತಿಯಲ್ಲಿ ಭಾರತ ಶೆಾಲಿ ವರ್ಮ ಸಾರಥ್ಯದಲ್ಲಿ ಪ್ರಶಸ್ತಿ ಜಯಿಸಿತ್ತು.
ಭಾರತ ತಂಡ ಎ ಗುಂಪಿನಲ್ಲಿ ವೆಸ್ಟ್ ಇಂಡೀಸ್, ಶ್ರೀಲಂಕಾ ಮತ್ತು ಆತಿಥೇಯ ಮಲೇಷ್ಯಾ ಜತೆಗೆ ಸ್ಥಾನ ಪಡೆದಿದೆ. ಮೊದಲ ದಿನ ಇಂಗ್ಲೆಂಡ್&ಐರ್ಲೆಂಡ್, ನೈಜೀರಿಯಾ&ಸಮೋವಾ, ಬಾಂಗ್ಲಾದೇಶ&ನೇಪಾಳ, ಪಾಕಿಸ್ತಾನ&ಅಮೆರಿಕ, ನ್ಯೂಜಿಲೆಂಡ್&ದಣ ಆಫ್ರಿಕಾ ನಡುವೆ ಇತರ ಪಂದ್ಯಗಳು ನಡೆಯಲಿವೆ.
ಭಾರತ ತಂಡ ಈ ಬಾರಿ ಹೈದರಾಬಾದ್ ಬ್ಯಾಟರ್ ಜಿ. ತ್ರಿಷಾ, ಎಡಗೈ ಸ್ಪಿನ್ನರ್ ಪುರಾಣಿಕಾ ಸಿಸೋಡಿಯಾ, ಸೋನಮ್ ಯಾದವ್, ಆಯುಷಿ ಶುಕ್ಲಾ ಮುಂತಾದ ಪ್ರತಿಭಾನ್ವಿತ ಆಟಗಾರ್ತಿಯರನ್ನು ಒಳಗೊಂಡಿದೆ. ನಾಯಕಿ ನಿಕಿ ಜತೆಗೆ ಮಿಥಿಲಾ ವಿನೋದ್ ತಂಡದಲ್ಲಿರುವ ಇನ್ನೋರ್ವ ಕನ್ನಡತಿಯಾಗಿದ್ದಾರೆ. ಭಾರತ ಈ ಸಲವೂ ಫೇವರಿಟ್ ತಂಡವಾಗಿದ್ದರೂ, ಇಂಗ್ಲೆಂಡ್, ಆಸ್ಟ್ರೆಲಿಯಾ ಮತ್ತು ದ. ಆಫ್ರಿಕಾದಿಂದ ನಿಕಟ ಪೈಪೋಟಿ ಎದುರಾಗುವ ನಿರೀೆ ಇದೆ. ಸಮೋವಾ, ನೈಜೀರಿಯಾ, ನೇಪಾಳ ಮತ್ತು ಮಲೇಷ್ಯಾ ಮೊದಲ ಬಾರಿ ಟೂರ್ನಿ ಆಡುತ್ತಿರುವ ತಂಡಗಳಾಗಿವೆ.
ಗುಂಪುಗಳು
ಎ: ಭಾರತ, ವೆಸ್ಟ್ ಇಂಡೀಸ್, ಶ್ರೀಲಂಕಾ, ಮಲೇಷ್ಯಾ.
ಬಿ: ಇಂಗ್ಲೆಂಡ್, ಪಾಕಿಸ್ತಾನ, ಐರ್ಲೆಂಡ್, ಅಮೆರಿಕ.
ಸಿ: ನ್ಯೂಜಿಲೆಂಡ್, ದ. ಆಫ್ರಿಕಾ, ನೈಜೀರಿಯಾ, ಸಮೋವಾ.
ಡಿ: ಆಸ್ಟ್ರೆಲಿಯಾ, ಬಾಂಗ್ಲಾದೇಶ, ನೇಪಾಳ, ಸ್ಕಾಟ್ಲೆಂಡ್.
ಟೂರ್ನಿ ಸ್ವರೂಪ
ಟೂರ್ನಿಯಲ್ಲಿ ಆಡುವ 16 ತಂಡಗಳನ್ನು ತಲಾ 4ರಂತೆ 4 ಗುಂಪುಗಳಲ್ಲಿ ವಿಂಗಡಿಸಲಾಗಿದೆ. ರೌಂಡ್ ರಾಬಿನ್ ಲೀಗ್ ಬಳಿಕ ಪ್ರತಿ ಗುಂಪಿನ ಅಗ್ರ 3 ತಂಡಗಳು ಸೂಪರ್&6 ಹಂತಕ್ಕೇರಲಿವೆ. ಅಲ್ಲೂ 2 ಗುಂಪುಗಳಲ್ಲಿ ತಲಾ 6 ತಂಡಗಳಿರುತ್ತವೆ. ಲೀಗ್ ಹಂತದ ಎ-ಡಿ ಗುಂಪಿನ ತಂಡಗಳು ಸೂಪರ್-6ರಲ್ಲಿ 1ನೇ ಗುಂಪಿನಲ್ಲಿದ್ದರೆ, ಬಿ-ಸಿ ಗುಂಪಿನ ತಂಡಗಳು 2ನೇ ಗುಂಪಿನಲ್ಲಿ ಸ್ಥಾನ ಪಡೆಯಲಿವೆ. ತನ್ನ ಲೀಗ್ ಗುಂಪಿನ ತಂಡದ ವಿರುದ್ಧ ಗೆದ್ದ ಅಂಕ-ರನ್ರೇಟ್ಅನ್ನು ಸೂಪರ್-6ಗೂ ತೆಗೆದುಕೊಂಡು ಹೋಗಲಿದೆ. ಇನ್ನೊಂದು ಗುಂಪಿನ ತಂಡದ ವಿರುದ್ಧ ಮಾತ್ರ ಸೂಪರ್&6ರಲ್ಲಿ ಆಡಲಿದ್ದು, ನಂತರ ಪ್ರತಿ ಗುಂಪಿನ ಅಗ್ರ 2 ತಂಡಗಳು ಸೆಮಿಫೈನಲ್ಗೇರಲಿವೆ. ಜ.24ರಿಂದ 29ರವರೆಗೆ ಸೂಪರ್-6 ಪಂದ್ಯಗಳು ನಡೆದರೆ, ಜ.31ಕ್ಕೆ ಸೆಮಿಫೈನಲ್ಸ್ ಮತ್ತು ಫೆ. 2ಕ್ಕೆ ಫೈನಲ್ ನಡೆಯಲಿದೆ.
ಭಾರತದ ಲೀಗ್ ಪಂದ್ಯಗಳು
ದಿನಾಂಕ ಎದುರಾಳಿ
ಜ.19 ವೆಸ್ಟ್ ಇಂಡೀಸ್
ಜ.21 ಮಲೇಷ್ಯಾ
ಜ. 23 ಶ್ರೀಲಂಕಾ
ಆರಂಭ: ಮಧ್ಯಾಹ್ನ 12.00
ನೇರಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್