ನವದೆಹಲಿ: ಐಪಿಎಲ್ನಲ್ಲಿ ಇಂಪ್ಯಾಕ್ಟ್ ಪ್ಲೇಯರ್ ನಿಯಮ ಜಾರಿಯಾದ ಬಳಿಕ ಬ್ಯಾಟರ್ಗಳ ಅಬ್ಬರ ಜೋರಾಗಿದ್ದು, ಕಳೆದ ಆವೃತ್ತಿಯಲ್ಲಿ ರನ್ ಸುರಿಮಳೆಯೇ ಹರಿದಿತ್ತು. ಹೀಗಾಗಿ ಈ ಬಾರಿ 18ನೇ ಆವೃತ್ತಿಗೆ ಪೂರ್ವಭಾವಿಯಾಗಿ ಬಿಸಿಸಿಐ, ಬೌಲರ್ಗಳಿಗೂ ಬಲ ತುಂಬುವಂಥ ಹೊಸ ನಿಯಮಾವಳಿಗಳನ್ನು ಜಾರಿಗೆ ತಂದಿದೆ. ಈ ಮೂಲಕ ಈ ಸಲದ ಐಪಿಎಲ್ನಲ್ಲಿ ಚೆಂಡು&ಬ್ಯಾಟ್ ನಡುವಿನ ಸ್ಪರ್ಧಾತ್ಮಕತೆ ಹೆಚ್ಚಿಸುವ ಪ್ರಯತ್ನಕ್ಕೆ ಮುಂದಾಗಿದೆ. ಇದರಿಂದಾಗಿ, ಶನಿವಾರ ಶುರುವಾಗಲಿರುವ ಟೂರ್ನಿಯ ರೋಚಕತೆಯೂ ಹೆಚ್ಚಾಗಿದೆ.
ಬೌಲರ್ಗಳು ಚೆಂಡಿನ ಮೇಲೆ ಎಂಜಲು ಹಚ್ಚಿ ಶೈನ್ ಉಳಿಸಿಕೊಳ್ಳುವುದಕ್ಕೆ ಪ್ರಯತ್ನಿಸುವುದನ್ನು ಕರೊನಾ ಕಾಲದಲ್ಲಿ ಐಸಿಸಿ ನಿಷೇಧಿಸಲಾಗಿತ್ತು. ಅದನ್ನು ಈ ಬಾರಿ ತೆರವುಗೊಳಿಸಲಾಗಿದೆ. ಜತೆಗೆ ಅಹರ್ನಿಶಿ ಪಂದ್ಯಗಳಲ್ಲಿ 2ನೇ ಇನಿಂಗ್ಸ್ ವೇಳೆ ಇಬ್ಬನಿ ಕಾಡುವುದರಿಂದ ಬೌಲರ್ಗಳು ಚೆಂಡಿನ ಮೇಲೆ ಹಿಡಿತ ಸಾಧಿಸಲು ಪರದಾಡುತ್ತಿದ್ದರು ಮತ್ತು ಚೇಸಿಂಗ್ ತಂಡಗಳಿಗೆ ಅನುಕೂಲವಾಗುತಿತ್ತು. ಇದನ್ನು ತಪ್ಪಿಸಲು ಈ ಬಾರಿ 2ನೇ ಇನಿಂಗ್ಸ್ನಲ್ಲಿ 11ನೇ ಓವರ್ ಬಳಿಕ 2ನೇ ಹೊಸ ಚೆಂಡು ನೀಡಲಾಗುತ್ತದೆ. ಇದರಿಂದಾಗಿ ಬೌಲರ್ಗಳ ತಾಪತ್ರಯ ತಪ್ಪಲಿದ್ದು, ಬ್ಯಾಟರ್ಗಳ ಮೇಲೆ ಕಡಿವಾಣ ಹಾಕಲು ಬೌಲರ್ಗಳಿಗೆ ಹೊಸ ಬಲ ಸಿಕ್ಕಂತಾಗಿದೆ. 2ನೇ ಹೊಸ ಚೆಂಡಿನ ಬಳಕೆಯಿಂದಾಗಿ ಟಾಸ್ ಗೆದ್ದ ತಂಡಕ್ಕೆ ಹೆಚ್ಚಿನ ಲಾಭ ಸಿಗುವುದು ಕೂಡ ತಪ್ಪಲಿದೆ.
ಐಪಿಎಲ್ 18ನೇ ಆವೃತ್ತಿಗೆ ಪೂರ್ವಭಾವಿಯಾಗಿ ಗುರುವಾರ ಮುಂಬೈನ ಬಿಸಿಸಿಐ ಮುಖ್ಯಕಚೇರಿಯಲ್ಲಿ ನಡೆದ ಎಲ್ಲ 10 ತಂಡಗಳ ನಾಯಕರ ಸಭೆಯಲ್ಲಿ ಈ ಮಹತ್ವದ ನಿರ್ಧಾರಗಳನ್ನು ಕೈಗೊಳ್ಳಲಾಗಿದೆ. ಚೆಂಡಿಗೆ ಎಂಜಲು ಹಚ್ಚುವುದಕ್ಕೆ ನಿಷೇಧ ಹೇರಿರುವುದನ್ನು ತೆರವುಗೊಳಿಸಲು ಬಹುತೇಕ ನಾಯಕರು ಸಮ್ಮತಿ ಸೂಚಿಸಿದರು. ಇದರಿಂದ ಐಪಿಎಲ್, ಕರೊನಾ ಕಾಲದ ಈ ರ್ನಿಬಂಧ ತೆರವುಗೊಳಿಸಿದ ಮೊದಲ ಪ್ರಮುಖ ಕ್ರಿಕೆಟ್ ಟೂರ್ನಿ ಎನಿಸಿತು.
ಕರೊನಾ ಹರಡುವುದನ್ನು ತಡೆಯಲು ಮತ್ತು ಆರೋಗ್ಯದ ಹಿತದೃಷ್ಟಿಯಿಂದ ಐಸಿಸಿ 2020ರಲ್ಲಿ ಚೆಂಡಿಗೆ ಎಂಜಲು ಹಚ್ಚಿ ಶೈನ್ ಮಾಡುವುದನ್ನು ತಾತ್ಕಾಲಿಕವಾಗಿ ನಿಷೇಧಿಸಿತ್ತು. 2022ರಲ್ಲಿ ಇದನ್ನು ಶಾಶ್ವತಗೊಳಿಸಲಾಗಿತ್ತು. ಇದೀಗ ಐಪಿಎಲ್ನಲ್ಲಿ ನಿಷೇಧ ತೆರವಾಗಿರುವುದರಿಂದ ಮುಂದಿನ ದಿನಗಳಲ್ಲಿ ಐಸಿಸಿ, ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲೂ ಇದನ್ನು ಹಿಂಪಡೆಯಲು ಚಿಂತಿಸಬಹುದೆನಿಸಿದೆ.
ಕಳೆದ ಚಾಂಪಿಯನ್ಸ್ ಟ್ರೋಫಿಯ ವೇಳೆ ಭಾರತೀಯ ವೇಗಿ ಮೊಹಮದ್ ಶಮಿ, ಚೆಂಡಿಗೆ ಎಂಜಲು ಹಚ್ಚುವುದನ್ನು ರ್ನಿಬಂಧಿಸಿರುವುದರಿಂದ ಕ್ರಿಕೆಟ್ ಈಗ ಸಂಪೂರ್ಣವಾಗಿ ಬ್ಯಾಟರ್ಗಳ ಆಟವೆನಿಸಿದೆ ಎಂದು ಅಭಿಪ್ರಾಯಪಟ್ಟಿದ್ದರು. ಇತರ ಕೆಲ ವೇಗಿಗಳಾದ ವೆರ್ನಾನ್ ಫಿಲಾಂಡರ್, ಟಿಮ್ ಸೌಥಿ ಕೂಡ ಇದಕ್ಕೆ ಬೆಂಬಲ ಸೂಚಿಸಿದ್ದರು.
ಇಂಪ್ಯಾಕ್ಟ್ ಪ್ಲೇಯರ್ ನಿಯಮ ಮುಂದುವರಿಕೆ: ರೋಹಿತ್ ಶರ್ಮ, ಹಾರ್ದಿಕ್ ಪಾಂಡ್ಯ ಸಹಿತ ಕೆಲವರು ಇಂಪ್ಯಾಕ್ಟ್ ಪ್ಲೇಯರ್ ನಿಯಮದಿಂದ "ಆಲ್ರೌಂಡರ್ಗಳ ಮಹತ್ವ ಕಡಿಮೆಯಾಗುತ್ತದೆ' ಎಂದು ಇತ್ತೀಚೆಗೆ ಆಕ್ಷೇಪ ವ್ಯಕ್ತಪಡಿಸಿದ್ದ ಹೊರತಾಗಿಯೂ, ಈ ಸಲದ ಐಪಿಎಲ್ನಲ್ಲೂ ಈ ನಿಯಮ ಮುಂದುವರಿಸಲು ನಾಯಕರ ಸಭೆಯಲ್ಲಿ ನಿರ್ಧರಿಸಲಾಯಿತು. ಬಿಸಿಸಿಐ ಈಗಾಗಲೆ 2027ರ ಐಪಿಎಲ್ವರೆಗೆ ಇದನ್ನು ವಿಸ್ತರಿಸಲು ನಿರ್ಧರಿಸಿತ್ತು. "ಇಂಪ್ಯಾಕ್ಟ್ ಪ್ಲೇರ್ ನಿಯಮದಿಂದಾಗಿ ಕೆಲ ಯುವ ಬ್ಯಾಟರ್&ಬೌಲರ್ಗಳಿಗೂ ಆಡುವ ಅವಕಾಶ ಲಭಿಸುತ್ತದೆ' ಎಂಬುದು ಬಿಸಿಸಿಐ ಸಮರ್ಥನೆಯಾಗಿದೆ.
ಡಿಆರ್ಎಸ್ ವಿಸ್ತರಣೆ
ಅಂಪೈರ್ ತೀರ್ಪು ಪರಾಮರ್ಶೆ ಪದ್ಧತಿಯ (ಡಿಆರ್ಎಸ್) ಬಳಕೆಯನ್ನು ಈ ಬಾರಿ ಎತ್ತರ ಮತ್ತು ಆ್ಸ್ಟಂಪ್ ಹೊರಗಿನ ವೈಡ್ ಎಸೆತಗಳಿಗೂ ಬಳಸಲು ಬಿಸಿಸಿಐ ಅನುಮತಿ ನೀಡಿದೆ. ಇಂಥ ಎಸೆತಗಳ ವೈಡ್ ತೀರ್ಪಿನ ನಿರ್ಧಾರದ ವೇಳೆ ಹ್ವಾಕ್&ಐ ಮತ್ತು ಬಾಲ್ ಟ್ರಾ$್ಯಕಿಂಗ್ ತಂತ್ರಜ್ಞಾನವನ್ನು ಬಳಸಲಾಗುತ್ತದೆ.
2ನೇ ಹೊಸ ಚೆಂಡು, ಅಂಪೈರ್ ನಿರ್ಧಾರ
ರಾತ್ರಿ 7.30ರಿಂದ ಶುರುವಾಗುವ ಪಂದ್ಯಗಳ 2ನೇ ಇನಿಂಗ್ಸ್ ವೇಳೆ 11ನೇ ಓವರ್ ನಂತರ 2ನೇ ಹೊಸ ಚೆಂಡು ಬಳಸುವ ಮೂಲಕ, ಬೌಲರ್ಗಳ ಪರದಾಟ ಮತ್ತು ಚೇಸಿಂಗ್ ತಂಡದ ಲಾಭ ತಪ್ಪಿಸಲು ನಿರ್ಧರಿಸಲಾಗಿದೆ. ಆದರೆ ಈ 2ನೇ ಹೊಸ ಚೆಂಡಿನ ಬಳಕೆಯ ಬಗ್ಗೆ ಮೈದಾನದ ಅಂಪೈರ್ ಅಂತಿಮ ನಿರ್ಧಾರ ತೆಗೆದುಕೊಳ್ಳಲಿದ್ದಾರೆ. 2ನೇ ಹೊಸಚೆಂಡು ಬಳಕೆ ಕಡ್ಡಾಯವಲ್ಲ. ಇಬ್ಬನಿಯಿಂದ ಚೆಂಡಿನ ಸ್ಥಿತಿ ತೀರಾ ಹದಗೆಟ್ಟಾಗ ಮಾತ್ರ 2ನೇ ಹೊಸಚೆಂಡು ಬಳಕೆಯಾಗಲಿದೆ ಎಂದು ಬಿಸಿಸಿಐ ಅಧಿಕಾರಿ ಸ್ಪಷ್ಟಪಡಿಸಿದ್ದಾರೆ. ಇನ್ನು ಮಧ್ಯಾಹ್ನ 3.30ರಿಂದ ನಡೆಯುವ ಪಂದ್ಯಗಳಲ್ಲಿ 2ನೇ ಇನಿಂಗ್ಸ್ ವೇಳೆಯೂ ಹೊಸ ಚೆಂಡಿನ ಬಳಕೆಗೆ ಅವಕಾಶ ನೀಡಲಾಗುವುದಿಲ್ಲ.
ನಾಯಕರಿಗೆ ನಿಷೇಧದಿಂದ ವಿನಾಯಿತಿ
ಕಳೆದ ಆವೃತ್ತಿಯ ಕಡೇ ಪಂದ್ಯದಲ್ಲಿ ನಿಧಾನಗತಿ ಓವರ್ ತಪ್ಪಿಗಾಗಿ ಮುಂಬೈ ಇಂಡಿಯನ್ಸ್ ನಾಯಕ ಹಾರ್ದಿಕ್ ಪಾಂಡ್ಯ ಒಂದು ನಿಷೇಧ ಶಿೆಗೆ ಗುರಿಯಾಗಿದ್ದರು. ಇದರಿಂದಾಗಿ ಅವರು ಈ ಬಾರಿ ತಮ್ಮ ತಂಡದ ಮೊದಲ ಪಂದ್ಯವನ್ನು ತಪ್ಪಿಸಿಕೊಳ್ಳಲಿದ್ದಾರೆ. ಆದರೆ ಮುಂದೆ ಹೀಗಾಗದು. ಯಾಕೆಂದರೆ, ನಿಧಾನಗತಿ ಓವರ್ಗಾಗಿ ತಂಡಗಳಿಗೆ ನಾಯಕರಿಗೆ ನಿಷೇಧ ಹೇರುವುದರಿಂದ ವಿನಾಯಿತಿ ನೀಡಲು ಬಿಸಿಸಿಐ ನಿರ್ಧರಿಸಿದೆ. ಬದಲಾಗಿ ನಾಯಕರಿಗೆ ಡಿಮೆರಿಟ್ ಅಂಕಗಳನ್ನು ನೀಡಲಾಗುತ್ತದೆ ಮತ್ತು ಈ ಡಿಮೆರಿಟ್ ಅಂಕಗಳು 3 ವರ್ಷಗಳ ಕಾಲ ಇರುತ್ತವೆ. ಸತತವಾಗಿ ಇಂಥ ತಪು$್ಪ ಪುನರಾವರ್ತನೆಯಾದಾಗ ಮಾತ್ರ ನಿಷೇಧ ಹೇರಲಾಗುತ್ತದೆ. ನಿಧಾನಗತಿ ಓವರ್ಗಾಗಿ ಪಂದ್ಯ ಸಂಭಾವನೆಯ ಶೇ. 25ರಿಂದ 75ರಷ್ಟು ದಂಡ ವಿಧಿಸುವುದನ್ನು ಈ ಸಲವೂ ಮುಂದುವರಿಸಲಾಗುತ್ತದೆ. ಡಿಮೆರಿಟ್ ಅಂಕ 4ಕ್ಕೇರಿದಾಗ ಮ್ಯಾಚ್ ರೆಫ್ರಿ ಶೇ. 100 ದಂಡ ವಿಧಿಸಬಹುದಾಗಿರುತ್ತದೆ.
*ಚೆಂಡಿಗೆ ಎಂಜಲು ಹಚ್ಚುವುದರ ಮೇಲಿನ ನಿಷೇಧ ಹಿಂಪಡೆದಿರುವುದು ಸ್ವಾಗತಾರ್ಹ. ಇದರಿಂದ ಬೌಲರ್ಗಳಿಗೆ ಅನುಕೂಲವಾಗಲಿದೆ. ಇದರಿಂದ ರಿವರ್ಸ್ ಸ್ವಿಂಗ್ ಮಾಡಲು ನೆರವಾಗಲಿದೆ. ಚೆಂಡಿನ ಒಂದು ಬದಿಯನ್ನು ಶೈನ್ ಆಗಿಡಲು ಎಂಜಲಿನ ಬಳಕೆಯೇ ಉತ್ತಮ ಹಾದಿ.
| ಮೊಹಮದ್ ಸಿರಾಜ್, ಗುಜರಾತ್ ಟೈಟಾನ್ಸ್ ವೇಗಿ