Legendary Cricketers: ಇತ್ತೀಚೆಗಷ್ಟೇ ಮುಕ್ತಾಯಗೊಂಡ ಐಸಿಸಿ ಚಾಂಪಿಯನ್ಸ್ ಟ್ರೋಫಿಯಲ್ಲಿ ನ್ಯೂಜಿಲೆಂಡ್ ವಿರುದ್ಧ ಭಾರತ ಭರ್ಜರಿ ಜಯ ಗಳಿಸಿ, ಎರಡು ವರ್ಷದ ಅವಧಿಯಲ್ಲಿ ಎರಡನೇ ಐಸಿಸಿ ಟ್ರೋಫಿಗೆ ಮುತ್ತಿಟ್ಟಿತು. ಈ ಟೂರ್ನಿಯಲ್ಲಿ ಬಹು ವರ್ಷಗಳ ಬಳಿಕ ಆತಿಥೇಯರಾಗಿ ಚಾಂಪಿಯನ್ಸ್ ಟ್ರೋಫಿ ಅಖಾಡಕ್ಕಿಳಿದಿದ್ದ ಪಾಕಿಸ್ತಾನ, ಆತಿಥಿಯಾಗಿ ಹೊರನಡೆದಿದ್ದು ಸದ್ಯ ಪಾಕಿಸ್ತಾನ ಕ್ರಿಕೆಟ್ ಮಂಡಳಿಯಲ್ಲಿ ದೊಡ್ಡ ಅಸಮಾಧಾನ, ಆಕ್ರೋಶಕ್ಕೆ ಕಾರಣವಾಗಿದೆ. ಮಾಜಿ ಹಿರಿಯ ಕ್ರಿಕೆಟಿಗರ ನಡುವೆಯೇ ತೀವ್ರ ಮನಸ್ತಾಪಗಳು ಭುಗಿಲೆದ್ದಿವೆ. ಈ ವಿಚಾರಗಳು ಸದ್ಯ ಪಾಕ್ ತಂಡದಲ್ಲಿ ಯಾವುದೂ ಸರಿಯಿಲ್ಲ ಅನ್ನೋದಕ್ಕೆ ಜ್ವಲಂತ ಸಾಕ್ಷಿಯಾಗಿದೆ.
ಚಾಂಪಿಯನ್ಸ್ ಟ್ರೋಫಿ ಟೂರ್ನಿಯಲ್ಲಿ ಆತಿಥೇಯರಾಗಿ ಅಖಾಡಕ್ಕಿಳಿದ ಪಾಕಿಸ್ತಾನ ತಂಡ, ಮೊದಲೆರೆಡು ಪಂದ್ಯಗಳಲ್ಲಿ ಹೀನಾಯ ಸೋಲು ಅನುಭವಿಸುವ ಮೂಲಕ ತಮ್ಮ ಚಾಂಪಿಯನ್ಸ್ ಕನಸನ್ನು ನುಚ್ಚುನೂರು ಮಾಡಿಕೊಂಡಿತು. ಇದೇ ಪಾಕ್ ತಂಡಕ್ಕೆ ಮುಳುವಾಗಿ ಪರಿಣಮಿಸಿತು. ತಮ್ಮದೇ ದಿಗ್ಗಜ ಕ್ರಿಕೆಟಿಗರು ಸೇರಿದಂತೆ ಮಾಜಿ ಆಟಗಾರರು ಮೊಹಮ್ಮದ್ ರಿಜ್ವಾನ್ ತಂಡವನ್ನು ವ್ಯಾಪಕವಾಗಿ ಟೀಕಿಸಿದ್ದರು. ಆತಿಥೇಯರಾಗಿ ಸೋತಿದ್ದಕ್ಕೆ ಪಾಕ್ ತಂಡವನ್ನು ಹಿಗ್ಗಾಮುಗ್ಗಾ ತರಾಟೆಗೆ ತೆಗೆದುಕೊಂಡ ಪಾಕಿಸ್ತಾನ ದಿಗ್ಗಜ ಕ್ರಿಕೆಟಿಗ ಇಂಜಮಾಮ್ ಉಲ್-ಹಕ್ ಮತ್ತು ಮೊಹಮ್ಮದ್ ಹಫೀಜ್ ನಡುವೆ ಸದ್ಯ ದೊಡ್ಡ ಮಾತಿನ ಸಮರವೇ ನಡೆಯುತ್ತಿದೆ.
ಮೊಹಮ್ಮದ್ ರಿಜ್ವಾನ್ ತಂಡ ಚಾಂಪಿಯನ್ಸ್ ಟ್ರೋಫಿಯಲ್ಲಿ ಗೆಲುವು ಸಾಧಿಸಲಿಲ್ಲ ಎಂದು ಕಿಡಿಕಾರಿದ್ದ ಇಂಜಮಾಮ್ಗೆ ತಿರುಗೇಟು ನೀಡಿದ್ದ ಹಫೀಜ್, "90ರ ದಶಕದಲ್ಲಿ ಆಡಿದ ದಿಗ್ಗಜರು ನಮಗೆ ತಂದುಕೊಟ್ಟಿದ್ದೇನು? ಯಾವ ಪ್ರತಿಷ್ಠಿತ ಪ್ರಶಸ್ತಿಗಳನ್ನು ದೇಶಕ್ಕೆ ಗೆದ್ದು ಕೊಟ್ಟಿದ್ದಾರೆ? ಹೇಳಲಿ" ಎಂದು ತಮ್ಮ ಆಕ್ರೋಶ ಹೊರಹಾಕಿದ್ದರು. ಇದೀಗ ಹಫೀಜ್ ಮಾತಿನಿಂದ ಕೆರಳಿರುವ ಇಂಜಮಾಮ್, "ದಿಗ್ಗಜರಾದ ವಾಸಿಮ್ ಅಕ್ರಂ ಮತ್ತು ವಾಖರ್ ಯೂನಿಸ್ರಂತಹ ಆಟಗಾರರು ಪಾಕಿಸ್ತಾನಕ್ಕೆ ದೊಡ್ಡ ಕೊಡುಗೆ ನೀಡಿದ್ದಾರೆ. ಅವರಿಲ್ಲದೆ ಹೋಗಿದ್ದರೆ ಪಾಕಿಸ್ತಾನ ತಂಡಕ್ಕೆ ಬಲವೇ ಇರುತ್ತಿರಲಿಲ್ಲ" ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ಎಸ್ಎಸ್ಎಲ್ಸಿ ಪರೀಕ್ಷೆ-೧ರ ಪೂರ್ವಭಾವಿ ಸಭೆ ಪರೀಕ್ಷೆ ಪಾರದರ್ಶಕವಾಗಿ ನಡೆಸಿ; ಜಿ¯್ಲÁಽಕಾರಿ ನಿತೀಶï ಕೆ.
"90ರ ದಶಕದ ದಿಗ್ಗಜರು ಇಲ್ಲದಿದ್ದರೆ, ಪಾಕಿಸ್ತಾನ ಕ್ರಿಕೆಟ್ಗೆ ತೂಕವೇ ಇರುತ್ತಿರಲಿಲ್ಲ. 1990ರ ನಂತರ, ವಿಶ್ವಕಪ್ ಗೆದ್ದ ಆಟಗಾರ ಮತ್ತು ತಂಡಕ್ಕೆ ಅತ್ಯುನ್ನತ ಕೊಡುಗೆ ನೀಡಿದವರು ಇದೇ ದಶಕದ ಕ್ರಿಕೆಟಿಗರು ಎಂಬುದು ನಿಮ್ಮ ನೆನಪಿನಲ್ಲಿರಲಿ ಹಫೀಜ್. 90ರ ದಂತಕಥೆಗಳು ಪಾಕ್ ಕ್ರಿಕೆಟ್ಗೆ ಅತಿ ಮುಖ್ಯ. ಇಂತಹ ಹೇಳಿಕೆಗಳನ್ನು ಕೊಡುವ ಮುನ್ನ ಹತ್ತು ಬಾರಿ ಯೋಚಿಸಿ. ಇಲ್ಲಿ ನಾನು ಹಫೀಜ್ ಅವರ ಹೇಳಿಕೆಗಳನ್ನು ನೇರವಾಗಿ ಕೇಳಿಲ್ಲ. ಹಾಗಾಗಿ, ಅವರ ಮಾತಿನ ಆಳವೇನು ಎಂಬುದು ನನಗೆ ಸ್ಪಷ್ಟವಿಲ್ಲ" ಎಂದು ಹೇಳಿದ್ದಾರೆ,(ಏಜೆನ್ಸೀಸ್).