ಬೆಂಗಳೂರು: ಪ್ರತಿಷ್ಠಿತ ವಿಶ್ವ ಮುಯೆ ಥಾಯ್ ಫೆಡರೇಷನ್ (ಡಬ್ಲ್ಯುಎಂಎಫ್) ಆತಿಥ್ಯದಲ್ಲಿ 20ನೇ ವಿಶ್ವ ಮುಯೆ ಥಾಯ್ ಚಾಂಪಿಯನ್ಷಿಪ್ ಮಾರ್ಚ್ 9ರಿಂದ 19ರವರೆಗೆ ಥಾಯ್ಲೆಂಡ್ನ ಬ್ಯಾಂಕಾಕ್ನಲ್ಲಿ ನಡೆಯಲಿದೆ. ಜಾಗತಿಕವಾಗಿ ಗುರುತಿಸಲ್ಪಟ್ಟ ಈ ಕ್ರೀಡಾಕೂಟದಲ್ಲಿ ವಿಶ್ವದಾದ್ಯಂತದ ಗಣ್ಯ ಕ್ರೀಡಾಪಟುಗಳು ಭಾಗವಹಿಸಲಿದ್ದಾರೆ ಮತ್ತು ಭಾರತದ ರಾಷ್ಟ್ರೀಯ ತಂಡವು ಅಂತಾರಾಷ್ಟ್ರೀಯ ವೇದಿಕೆಯಲ್ಲಿ ಗಮನಾರ್ಹ ಪರಿಣಾಮ ಬೀರಲು ಸಿದ್ಧವಾಗಿದೆ.
ಭಾರತದ ಮುಯೆ ಥಾಯ್ ಉಪಸ್ಥಿತಿಯನ್ನು ಹೆಚ್ಚಿಸುವುದು ಭಾರತದಲ್ಲಿನ ವಿಶ್ವ ಮುಯೆ ಥಾಯ್ ಫೆಡರೇಶನ್ನ ಅಧಿಕೃತ ಪ್ರತಿನಿಧಿ ಗೋಲ್ಡನ್ ಮೊಂಗ್ಖೋನ್ ಇಂಟರ್ ನ್ಯಾಷನಲ್ (ಜಿಎಂಐ) ಪ್ರಯತ್ನಗಳ ಮೂಲಕ ಭಾರತೀಯ ತಂಡದ ಭಾಗವಹಿಸುವಿಕೆ ಸಾಧ್ಯವಾಗಿದೆ. ಹೇಮಂತ್ ಕುಮಾರ್ ಸ್ಥಾಪಿಸಿದ ಜಿಎಂಐ ದೇಶದಲ್ಲಿಮುಯೆ ಥಾಯ್ ಅನ್ನು ಅಭಿವೃದ್ಧಿಪಡಿಸುವಲ್ಲಿಮತ್ತು ಉತ್ತೇಜಿಸುವಲ್ಲಿನಿರ್ಣಾಯಕ ಪಾತ್ರ ವಹಿಸಿದೆ. ಕ್ರೀಡಾಪಟುಗಳಿಗೆ ಸ್ಪರ್ಧಿಸಲು ಮತ್ತು ಉತ್ಕೃಷ್ಟತೆ ಸಾಧಿಸಲು ರಚನಾತ್ಮಕ ವೇದಿಕೆಯನ್ನು ಒದಗಿಸುತ್ತದೆ.
ಗೋಲ್ಡನ್ ಮೊಂಗ್ಖೋನ್ ಇಂಟರ್ ನ್ಯಾಷನಲ್ ಭಾರತದ ಮುಯೆ ಥಾಯ್ ಹೋರಾಟಗಾರರನ್ನು ಮತ್ತೊಮ್ಮೆ ವಿಶ್ವ ವೇದಿಕೆಗೆ ಮುನ್ನಡೆಸಲು ಹೆಮ್ಮೆಪಡುತ್ತದೆ. ಪ್ರತಿಭೆಗಳನ್ನು ಪೋಷಿಸುವಲ್ಲಿಮತ್ತು ಕ್ರೀಡಾಪಟುಗಳಿಗೆ ಉನ್ನತ ಮಟ್ಟದಲ್ಲಿಸ್ಪರ್ಧಿಸಲು ಸರಿಯಾದ ಮಾನ್ಯತೆಯನ್ನು ಒದಗಿಸುವಲ್ಲಿನಾವು ನಂಬುತ್ತೇವೆ ಎಂದು ಜಿಎಂಐ ಸಂಸ್ಥಾಪಕ ಹೇಮಂತ್ ಕುಮಾರ್ ಹೇಳಿದರು.
ಆಯ್ಕೆ ಪ್ರಕ್ರಿಯೆ: ಕಳೆದ ಜನವರಿ 16 ರಿಂದ 18 ರವರೆಗೆ ಬೆಂಗಳೂರಿನಲ್ಲಿ ನಡೆದ 5 ನೇ ಗೋಲ್ಡನ್ ಮೊಂಗ್ಖೋನ್ ಪ್ರಶಸ್ತಿ ಚಾಂಪಿಯನ್ಷಿಪ್ನಲ್ಲಿ ಸ್ಪರ್ಧಿಸಿದವರ ಪ್ರದರ್ಶನದ ಆಧಾರದ ಮೇಲೆ 20ನೇ ವಿಶ್ವ ಮುಯೆ ಥಾಯ್ ಚಾಂಪಿಯಯನ್ಷಿಪ್ನಲ್ಲಿ ಭಾರತವನ್ನು ಪ್ರತಿನಿಧಿಸುವ ಸ್ಪರ್ಧಿಗಳನ್ನು ಆಯ್ಕೆ ಮಾಡಲಾಗಿದೆ. ಈ ರಾಷ್ಟ್ರಮಟ್ಟದ ಸ್ಪರ್ಧೆಯು ಅಧಿಕೃತ ಆಯ್ಕೆ ವೇದಿಕೆಯಾಗಿ ಕಾರ್ಯನಿರ್ವಹಿಸಿತು. ಅತ್ಯಂತ ನುರಿತ ಮತ್ತು ಅರ್ಹ ಕ್ರೀಡಾಪಟುಗಳು ಮಾತ್ರ ಭಾರತೀಯ ತಂಡದಲ್ಲಿಸ್ಥಾನ ಪಡೆಯುವುದನ್ನು ಖಚಿತಪಡಿಸಿದೆ. ಭಾರತೀಯ ತಂಡವು ಅನುಭವಿ ಕೋಚಿಂಗ್ ಸಿಬ್ಬಂದಿಯ ಮಾರ್ಗದರ್ಶನದಲ್ಲಿದೇಶದ ಅತ್ಯುತ್ತಮ ಪ್ರದರ್ಶನ ನೀಡುವ ಮುಯೆ ಥಾಯ್ ಕ್ರೀಡಾಪಟುಗಳನ್ನು ಒಳಗೊಂಡಿದೆ.