ಹಾಂಗ್ಝೌ: ಭಾರತದ ಕ್ರೀಡಾಪಟುಗಳು 2021ರ ಟೋಕಿಯೊ ಒಲಿಂಪಿಕ್ಸ್ ಮತ್ತು 2022ರ ರ್ಬಮಿಂಗ್ಹ್ಯಾಂ ಕಾಮನ್ವೆಲ್ತ್ ಗೇಮ್ಸ್ಗಳಲ್ಲಿ ಮಾತ್ರವಲ್ಲದೆ, ಇತ್ತೀಚೆಗೆ ವಿವಿಧ ವಿಶ್ವ ಚಾಂಪಿಯನ್ಷಿಪ್ಗಳಲ್ಲೂ ಹೆಚ್ಚಿನ ಪದಕಗಳನ್ನು ಗೆಲ್ಲುತ್ತಿದ್ದಾರೆ. ಕೇಂದ್ರ ಸರ್ಕಾರವೂ ಟಾರ್ಗೆಟ್ ಒಲಿಂಪಿಕ್ ಪೋಡಿಯಂ ಯೋಜನೆಯಡಿ (ಟಾಪ್ಸ್) ಕ್ರೀಡಾಪಟುಗಳಿಗೆ ಪ್ರತಿ ಬಜೆಟ್ನಲ್ಲೂ ವಿಶೇಷ ಅನುದಾನಗಳನ್ನು ನೀಡುತ್ತ ಬಂದಿದೆ. ಈ ಹಿನ್ನೆಲೆಯಲ್ಲಿ ಭಾರತ, ಶನಿವಾರ ಆರಂಭಗೊಳ್ಳಲಿರುವ ಹಾಂಗ್ರೆೌ ಏಷ್ಯಾಡ್ನಲ್ಲಿ ಪದಕಗಳ ಶತಕ ಸಿಡಿಸುವ ಹಂಬಲದಲ್ಲಿದೆ.
"ಅಬ್ ಕಿ ಬಾರ್, ಸೌ ಪಾರ್' (ಈ ಬಾರಿ ನೂರರ ಆಚೆ) ಎಂಬ ಘೋಷಣೆಯೊಂದಿಗೆ ಕ್ರೀಡಾಪಟುಗಳಿಗೆ ಸ್ಫೂರ್ತಿಯನ್ನೂ ತುಂಬಲಾಗುತ್ತಿದೆ. ಕಳೆದ ಆವೃತ್ತಿಯಲ್ಲಿ 70 ಪದಕ ಗೆದ್ದಿದ್ದು ಭಾರತದ ಇದುವರೆಗಿನ ಶ್ರೇಷ್ಠ ನಿರ್ವಹಣೆಯಾಗಿದೆ.
ಈ ಬಾರಿ ಸರ್ವಾಧಿಕ 655 ಕ್ರೀಡಾಪಟುಗಳ ಬಳಗದೊಂದಿಗೆ ಏಷ್ಯಾಡ್ಗೆ ತೆರಳಿರುವ ಭಾರತ, 39 ಕ್ರೀಡೆಗಳಲ್ಲಿ ಸ್ಪರ್ಧಿಸುತ್ತಿದ್ದು, ಪದಕ ಪಟ್ಟಿಯ ಅಗ್ರ-5ರೊಳಗೆ ಕಾಣಿಸಿಕೊಳ್ಳುವ ಗುರಿಯನ್ನೂ ಹೊಂದಿದೆ. ಕನಿಷ್ಠ 25 ಸ್ವರ್ಣ ಪದಕ ಗೆಲ್ಲುವ ಹೆಬ್ಬಯಕೆಯೂ ಭಾರತದ್ದಾಗಿದೆ.