ಬೆಂಗಳೂರು: ಸಂಟಿತ ಬೌಲಿಂಗ್ ದಾಳಿ ಮತ್ತು ಶ್ರೀಜಿತ್ (50) ಅರ್ಧಶತಕದಾಸರೆಯಿಂದ ಹುಬ್ಬಳ್ಳಿ ಟೈಗರ್ಸ್ ತಂಡ 2ನೇ ಆವೃತ್ತಿಯ ಮಹಾರಾಜ ಟ್ರೋಫಿ ಕೆಎಸ್ಸಿಎ ಟಿ20 ಟೂರ್ನಿಯಲ್ಲಿ ಶುಕ್ರವಾರದ 2ನೇ ಪಂದ್ಯದಲ್ಲಿ ಶಿವಮೊಗ್ಗ ಲಯನ್ಸ್ ವಿರುದ್ಧ 3 ವಿಕೆಟ್ಗಳಿಂದ ಗೆಲುವು ದಾಖಲಿಸಿತು. ಟೂರ್ನಿಯಲ್ಲಿ ಕಂಡ 7ನೇ ಜಯದೊಂದಿಗೆ ಮನೀಷ್ ಪಾಂಡೆ ಬಳಗ ಸೆಮೀಸ್ ಪ್ರವೇಶ ಖಚಿತಪಡಿಸಿಕೊಂಡರೆ, 5ನೇ ಸೋಲಿನಿಂದ ಶಿವಮೊಗ್ಗದ ಆಸೆ ಣಿಸಿದೆ.
ಟಾಸ್ ಸೋತು ಮೊದಲು ಬ್ಯಾಟಿಂಗ್ಗೆ ಇಳಿದ ಶಿವಮೊಗ್ಗ ತಂಡ ಭರ್ತಿ 20 ಓವರ್ಗಳಲ್ಲಿ 130 ರನ್ಗಳಿಗೆ ಸರ್ವಪತನ ಕಂಡಿತು. ಪ್ರತಿಯಾಗಿ ಒಂದು ಹಂತದಲ್ಲಿ 71 ರನ್ಗೆ 5 ವಿಕೆಟ್ ಕಳೆದುಕೊಂಡು ತತ್ತರಿಸಿದ ಹುಬ್ಬಳ್ಳಿ, ಅಂತಿಮವಾಗಿ 18.4 ಓವರ್ಗಳಲ್ಲಿ 7 ವಿಕೆಟ್ಗೆ 131 ರನ್ ಪೇರಿಸಿ ಜಯಿಸಿತು.
ಶಿವಮೊಗ್ಗ ಲಯನ್ಸ್: 20 ಓವರ್ಗಳಲ್ಲಿ 130 (ಶ್ರೇಯಸ್ 31, ಕ್ರಾಂತಿ 34, ಅಭಿನವ್ 1, ಮನ್ವಂತ್ 20ಕ್ಕೆ 2, ಕೆಸಿ ಕಾರ್ಯಪ್ಪ 17ಕ್ಕೆ 2, ಸಂತೋಕ್ 26ಕ್ಕೆ 2). ಹುಬ್ಬಳ್ಳಿ ಟೈಗರ್ಸ್: 18.4 ಓವರ್ಗಳಲ್ಲಿ 7 ವಿಕೆಟ್ಗೆ 131 (ತಾಹ 12, ಶ್ರೀಜಿತ್ 50, ಮನೀಷ್ 3, ಮನ್ವಂತ್ 27, ಶ್ರೇಯಸ್ ಗೋಪಾಲ್ 30ಕ್ಕೆ 4, ಕೌಶಿಕ್ 15ಕ್ಕೆ 1). ಪಂದ್ಯಶ್ರೇಷ್ಠ: ಶ್ರೀಜಿತ್.