ಕೋಲ್ಕತ: ಕಳೆದ ಐಪಿಎಲ್ ಟೂರ್ನಿಯ ಚಾಂಪಿಯನ್ ಕೋಲ್ಕತ ನೈಟ್ರೈಡರ್ಸ್ಗೆ ಗುಡ್ಬೈ ಹೇಳಲು ಮೆಂಟರ್ ಗೌತಮ್ ಗಂಭೀರ್ ಸಜ್ಜಾಗಿದ್ದಾರೆ. ಇದರಿಂದಾಗಿ ಅವರು ಕೋಲ್ಕತದ ಈಡನ್ ಗಾರ್ಡನ್ಸ್ ಸ್ಟೇಡಿಯಂ ಆವರಣದಲ್ಲಿ ಕೆಕೆಆರ್ ಅಭಿಮಾನಿಗಳಿಗೆ ಗುಡ್ಬೈ ಹೇಳುವ ವಿಡಿಯೋವೊಂದರ ಚಿತ್ರೀಕರಣದಲ್ಲಿ ಭಾಗವಹಿಸಿದ್ದಾರೆ.
ಈ ವಿಡಿಯೋವನ್ನು ಕೆಕೆಆರ್ ಫ್ರಾಂಚೈಸಿಯಲ್ಲ, ಗಂಭೀರ್ರ ವೈಯಕ್ತಿಕ ತಂಡ ಚಿತ್ರೀಕರಿಸಿದೆ. ಇದು ಗಂಭೀರ್ ಶೀಘ್ರವೇ ಭಾರತ ತಂಡದ ಮುಖ್ಯ ಕೋಚ್ ಆಗಿ ಸೇರಿಕೊಳ್ಳುವ ಸಿದ್ಧತೆಯಾಗಿದೆ ಎನ್ನಲಾಗಿದೆ.
ಜುಲೈ 27ರಿಂದ ನಡೆಯಲಿರುವ ಶ್ರೀಲಂಕಾ ಪ್ರವಾಸಕ್ಕೆ ಹೊಸ ಕೋಚ್ ಭಾರತ ತಂಡವನ್ನು ಸೇರಿಕೊಳ್ಳಲಿದ್ದಾರೆ ಎಂದು ಬಿಸಿಸಿಐ ಕಾರ್ಯದರ್ಶಿ ಜಯ್ ಷಾ ಈಗಾಗಲೆ ಪ್ರಕಟಿಸಿದ್ದಾರೆ. ಹೀಗಾಗಿ ಗಂಭೀರ್ ಮುಂದಿನ ಕೆಲದಿನಗಳಲ್ಲಿ ಕೆಕೆಆರ್ಗೆ ಅಧಿಕೃತ ಗುಡ್ಬೈ ಹೇಳಿದ ಬೆನ್ನಲ್ಲೇ ಟೀಮ್ ಇಂಡಿಯಾದ ನೂತನ ಕೋಚ್ ಆಗಿ ಅಧಿಕಾರ ಸ್ವೀಕರಿಸಲಿದ್ದಾರೆ ಎನ್ನಲಾಗಿದೆ.