ಕೆಸ್ಟ್ಚರ್ಚ್: ಡೆರಿಲ್ ಮಿಚೆಲ್ (72*) ಮತ್ತು ಗ್ಲೆನ್ ಫಿಲಿಪ್ಸ್ (70*) ಜೋಡಿಯ ಭರ್ಜರಿ ಜತೆಯಾಟದ ಬಲದಿಂದ ನ್ಯೂಜಿಲೆಂಡ್ ತಂಡ ಪ್ರವಾಸಿ ಪಾಕಿಸ್ತಾನ ವಿರುದ್ಧದ 4ನೇ ಟಿ20 ಪಂದ್ಯದಲ್ಲಿ 7 ವಿಕೆಟ್ಗಳಿಂದ ಜಯಿಸಿದೆ. ಈ ಮೂಲಕ ಆತಿಥೇಯ ಕಿವೀಸ್ 5 ಪಂದ್ಯಗಳ ಸರಣಿಯಲ್ಲಿ 4&0 ಮುನ್ನಡೆ ಸಾಧಿಸಿದೆ.
ಹಾಗ್ಲೆ ಓವಲ್ನಲ್ಲಿ ಶುಕ್ರವಾರ ನಡೆದ ಕಾದಾಟದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ಗೆ ಇಳಿದ ಪಾಕ್, ವಿಕೆಟ್ ಕೀಪರ್&ಆರಂಭಿಕ ಮೊಹಮದ್ ರಿಜ್ವಾನ್ (90*) ಆಸರೆಯಲ್ಲಿ 5 ವಿಕೆಟ್ಗೆ 158 ರನ್ ಪೇರಿಸಿತು. ಪ್ರತಿಯಾಗಿ ನಾಯಕ ಶಹೀನ್ ಷಾ ಅಫ್ರಿದಿ (34ಕ್ಕೆ 3) ನೀಡಿದ ಆರಂಭಿಕ ಆಘಾತದಿಂದ ಕಿವೀಸ್ 20 ರನ್ಗಳಿಗೆ 3 ವಿಕೆಟ್ ಕಳೆದುಕೊಂಡು ತತ್ತರಿಸಿತು. ಆಗ ಜತೆಗೂಡಿದ ಡೆರಿಲ್ ಮಿಚೆಲ್-ಗ್ಲೆನ್ ಫಿಲಿಪ್ಸ್ ಮುರಿಯದ 4ನೇ ವಿಕೆಟ್ಗೆ 139 ರನ್ ಪೇರಿಸಿ 18.1 ಓವರ್ಗಳಲ್ಲೇ ಗುರಿ ತಲುಪಿಸಿದರು. ಸರಣಿಯ ಅಂತಿಮ ಪಂದ್ಯ ಭಾನುವಾರ ಇಲ್ಲೇ ನಡೆಯಲಿದೆ.
ಪಾಕಿಸ್ತಾನ: 5 ವಿಕೆಟ್ಗೆ 158 (ರಿಜ್ವಾನ್ 90*, ಬಾಬರ್ 19, ನವಾಜ್ 21*, ಮ್ಯಾಟ್ ಹೆನ್ರಿ 22ಕ್ಕೆ 2, ಗ್ಯುರ್ಸನ್ 27ಕ್ಕೆ 2), ನ್ಯೂಜಿಲೆಂಡ್: 18.1 ಓವರ್ಗಳಲ್ಲಿ 3 ವಿಕೆಟ್ಗೆ 159 (ಅಲೆನ್ 8, ಡೆರಿಲ್ ಮಿಚೆಲ್ 72*, ಗ್ಲೆನ್ ಫಿಲಿಪ್ಸ್ 70*, ಶಹೀನ್ ಷಾ ಅಫ್ರಿದಿ 34ಕ್ಕೆ 3). ಪಂದ್ಯಶ್ರೇಷ್ಠ: ಡೆರಿಲ್ ಮಿಚೆಲ್.