ನವದೆಹಲಿ: ಟಿ20 ವಿಶ್ವಕಪ್ನಲ್ಲಿ ಭಾರತ ಎರಡನೇ ಬಾರಿ ಕಪ್ ಗೆದ್ದಿದ್ದು, 17 ವರ್ಷಗಳ ಬಳಿಕ ಚುಟುಕು ಮಾದರಿಯಲ್ಲಿ ವಿಶ್ವ ಚಾಂಪಿಯನ್ ಆದ ತಂಡಕ್ಕೆ ಶುಭಾಶಯಗಳ ಮಹಾಪೂರವೇ ಹರಿದು ಬರುತ್ತಿದೆ. ಈ ಬಾರಿ ಭಾರತ ಕಪ್ ಗೆದ್ದಿರುವುದು ಯಾಕೋ ಬೇರೆ ತಂಡಗಳಿಗೆ ಅಷ್ಟಾಗಿ ಸಹಿಸಿಕೊಳ್ಳಲು ಆಗುತ್ತಿಲ್ಲ ಎಂದು ಕಾಣಿಸುತ್ತದೆ. ಇದಕ್ಕೆ ಙಊರಕವೆಂಬಂತೆ ಮಾಜಿ ಕ್ರಿಕೆಟಿಗರು ಭಾರತದ ವಿರುದ್ಧ ಹೇಳಿಕೆ ನೀಡಿತ್ತಿದ್ದು, ಇಂಗ್ಲೆಂಡ್ನ ಮಾಜಿ ಆಟಗಾರ ಮಯಕೆಲ್ ವಾಗನ್ ಇದಕ್ಕೆ ಹೊರತಾಗಿಲ್ಲ. ಇದೀಗ ಅವರು ನೀಡಿರುವ ಹೇಳಿಕೆಗೆ ಟೀಮ್ ಇಂಡಿಯಾ ಮಾಜಿ ಕೋಚ್ ರವಿಶಾಸ್ತ್ರಿ ಖಾರವಾಗಿ ಪ್ರತಿಕ್ರಿಯಿಸ್ದು, ಜಾಗ್ರತೆಯಿಂದ ಮಾತನಾಡುವಂತೆ ಸೂಚಿಸಿದ್ದಾರೆ.
ಟಿ20 ವಿಶ್ವಕಪ್ನ ಮೊದಲನೇ ಸೆಮಿಫೈನಲ್ನಲ್ಲಿ ಅಫ್ಘಾನಿಸ್ತಾನ ತಂಡವು ದಕ್ಷಿಣ ಆಫ್ರಿಕಾ ವಿರುದ್ಧ ಸೋಲುಂಡಿತ್ತು. ಈ ಕುರಿತು ಮಾತನಾಡಿದ ಮೈಕಲ್ ವಾನ್ ಅಫ್ಘಾನಿಸ್ತಾನ ಸೋಲುವುದಕ್ಕೆ ಭಾರತ ಕಾರಣ ಎಂದು ದೂರಿದಿದ್ದರು. ಈ ಕುರಿತು ಮಾತನಾಡಿರುವ ಟೀಮ್ ಇಂಡಿಯಾ ಮಾಜಿ ಕೋಚ್ ರವಿಶಾಸ್ತ್ರಿ ನನ್ನ ಸಹೋದ್ಯೋಗಿ ಎಂದಾದರು ವಿಶ್ವಕಪ್ಅನ್ನು ಎತ್ತಿ ಹಿಡಿದಿದ್ದಾರೆಯೇ ಎಂದು ಪ್ರಶ್ನಿಸುವ ಮೂಲಕ ತಿರುಗೇಟು ನೀಡಿದ್ದಾರೆ.
ಮಯಕೆಲ್ ವಾಗನ್ ತನಗೆ ಬೇಕಾದುದ್ದನ್ನು ಹೇಳಬಹುದಾಗಿದೆ. ಭಾರತೀಯರು ಯಾರು ಕುಡ ತಲೆಕೆಡಿಸಿಕೊಳ್ಳುವುದಿಲ್ಲ. ಮೊದಲು ಅವರು ತಮ್ಮ ತವರು ತಂಡದ ಬಗ್ಗೆ ಯೋಚಿಸುವುದು ಸೂಕ್ತ. ಸೆಮಿಫೈನಲ್ನಲ್ಲಿ ಅವರು ತಂಡದ ಸೋಲಿನ ಬಗ್ಗೆ ಮೊದಲು ಯೋಚನೆ ಮಾಡಲಿ ಆ ನಂತರ ಬೇರೆ ಅವರ ಮೇಲೆ ಆರೋಪ ಮಾಡುವುದು ಸೂಕ್ತ. ಭಾರತಕ್ಕೆ ವಿಶ್ವಕಪ್ಗಳನ್ನು ಎತ್ತಿ ಹಿಡಿದಿದೆ.
ಇಂಗ್ಲೆಂಡ್ ಕೂಡ ವಿಶ್ವಕಪ್ ಗೆದ್ದಿದೆ. ಆದರೆ, ನನ್ನ ಸಹೋದ್ಯೋಗಿ ಎಂದಾದರು ವಿಶ್ವಕಪ್ಅನ್ನು ಎತ್ತಿ ಹಿಡಿದಿದ್ದಾರೆ ಎಂಬುದನ್ನು ಮೊದಲ ಹೇಳಬೇಕು. ಭಾರತದ ವಿರುದ್ಧ ಆರೋಪ ಮಾಡುವ ಮೊದಲು ಜಾಗ್ರತೆಯಿಂದ ಮಾತನಾಡುವುದು ಸೂಕ್ತ ಎಂದು ಎಚ್ಚರಿಸಿದ್ದಾರೆ. ಭಾರತ ಟಿ20 ವಿಶ್ವಕಪ್ ಗೆದ್ದಾಗಿನಿಂದ ಮಾಜಿ ಆಟಗಾರರು ಒಂದಿಲ್ಲೊಂದು ಆರೋಪ ಮಾಡುವ ಮೂಲಕ ಸುದ್ದಿಯಲ್ಲಿದ್ದಾರೆ.