ಅಂಟಲ್ಯ (ಟರ್ಕಿ): ಫುಟ್ಬಾಲ್ ಸೂಪರ್ಸ್ಟಾರ್ ಕ್ರಿಶ್ಚಿಯಾನೊ ರೊನಾಲ್ಡೊ ಅವರ ಹಿರಿಯ ಪುತ್ರ ಕ್ರಿಶ್ಚಿಯಾನೊ ಡಾಸ್ ಸ್ಯಾಂಟೋಸ್, ಪೋರ್ಚುಗಲ್ 16 ವಯೋಮಿತಿ ತಂಡದ ಪರ ಗುರುವಾರ ಪದಾರ್ಪಣೆ ಮಾಡಿದರು.
ಕ್ರಿಶ್ಚಿಯಾನಿನ್ಹೋ ಎಂದೂ ಕರೆಯಲ್ಪಡುವ 15 ವರ್ಷದ ಸ್ಯಾಂಟೋಸ್, ಟರ್ಕಿ ವಿರುದ್ಧದ ಫೆಡರೇಷನ್ ಕಪ್ ಪಂದ್ಯದ 90ನೇ ನಿಮಿಷದಲ್ಲಿ ಬದಲಿಗರಾಗಿ ಕಣಕ್ಕಿಳಿದರು. ಪಂದ್ಯದಲ್ಲಿ ಪೋರ್ಚುಗಲ್ 2-0 ಅಂತರದಿಂದ ಜಯಿಸಿತು. ಸೌದಿ ಅರೇಬಿಯಾದಲ್ಲಿ ತಂದೆಯ ಅಲ್ ನಾಸರ್ ಕ್ಲಬ್ನ ಯೂತ್ ಅಕಾಡೆಮಿ ಪರವೂ ಆಡುವ ಸ್ಯಾಂಟೋಸ್, ಈ ಹಿಂದೆ ಪೋರ್ಚುಗಲ್ 15 ವಯೋಮಿತಿ ತಂಡದಲ್ಲೂ ಸ್ಥಾನ ಪಡೆದಿದ್ದರು.