ಟೀಮ್ ಇಂಡಿಯಾ ಕೋಚ್ ಗೌತಮ್ ಗಂಭೀರ್ ವಿರುದ್ಧ ಗರಂ ಆದ ಕೆ. ಶ್ರೀಕಾಂತ್
- ಇಂಗ್ಲೆಂಡ್ ವಿರುದ್ಧ ಸರಣಿ ಸೋತ ಭಾರತ
- ಟೀಮ್ ಇಂಡಿಯಾ ಕೋಚ್ ಗೌತಮ್ ಗಂಭೀರ್ ವಿರುದ್ಧ ಗರಂ ಆದ ಕೆ. ಶ್ರೀಕಾಂತ್
- ಸಂಜು ಸ್ಯಾಮ್ಸನ್ ರೀತಿಯಲ್ಲಿ ಕೆ.ಎಲ್. ರಾಹುಲ್ ಕರಿಯರ್ ಹಾಳು ಮಾಡುತ್ತಿದ್ದಾರೆ ಎಂದು ಆಕ್ರೋಶ!
ಕ್ರಿಕೆಟ್: ಐಪಿಎಲ್ ಬಳಿಕ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಮರಳಿರುವ ಟೀ ಇಂಡಿಯಾ ಆಟಗಾರರ ಕಳಪೆ ಪ್ರದರ್ಶನ ಮುಂದುವರಿದಿದೆ. ಇತ್ತೀಚೆಗೆ ಇಂಗ್ಲೆಂಡ್ ಹಾಗೂ ಐರ್ಲೆಂಡ್ ನಡುವಿನ ಟಿ-20 ಟೂರ್ನಿಯಲ್ಲಿ ವೈಟ್ವಾಶ್ ಆದ ಬಳಿಕ ಈಗ ಇಂಗ್ಲೆಂಡ್ ವಿರುದ್ಧ ನಡೆದಿದ್ದ ಏಕದಿನ ಸರಣಿಯನ್ನು ಸಹ 2-1 ರ ಅಂತರದಲ್ಲಿ ಪರಾಜಿತರಾಗಿದ್ದಾರೆ.
ಟಿ-20 ಹಾಗೂ ಏಕದಿನ ರ್ಯಾಕಿಂಗ್ ಪಟ್ಟಿಯಲ್ಲಿ ಟಾಪ್ ಸ್ಥಾನದಲ್ಲಿದ್ದ ಟೀಂ ಇಂಡಿಯಾ ಕೆಳ ಹಂತದಲ್ಲಿದ್ದ ತಂಡಗಳ ವಿರುದ್ಧ ಸತತ ಸೋಲನ್ನು ಅನುಭವಿಸಿದ ಹಿನ್ನಲೆ ಭಾರತ ತಂಡದ ಮಾಜಿ ಆಟಗಾರ ಕೃಷ್ಣಮಾಚಾರಿ ಶ್ರೀಕಾಂತ್ (K Srikkanth on Gautam Gambhir), ತಂಡದ ಕೋಚ್ ಹಾಗೂ ಆಡಳಿತ ಮಂಡಳಿ ಮೇಲೆ ಗರಂ ಆಗಿದ್ದಾರೆ.
ಸಂಜು, ಸೂರ್ಯವಂಶಿ ಆಗಿಯು ಈಗ ಕೆ.ಎಲ್. ರಾಹುಲ್!
ಇಂಗ್ಲೆಂಡ್ ನೆಲದಲ್ಲಿ ಭಾರತ ಸತತ ಸೋಲನ್ನು ಅನುಭವಿಸಿದ ಕುರಿತು ಮಾತನಾಡಿರುವ ಕೆ.ಶ್ರೀಕಾಂತ್, ಭಾರತ ಈ ಸರಣಿಯಲ್ಲಿ ಸೋಲಲು ತಂಡದ ಕೋಚ್ ಗೌತಮ್ ಗಂಭೀರ್ ಹಾಗೂ ತಂಡದ ಆಡಳಿತ ಮಂಡಳಿಯ ನಿರ್ಧಾರಗಳೇ ಕಾರಣ ಎಂದು ಗುಡುಗಿದ್ದಾರೆ.
ಇಂಗ್ಲೆಂಡ್ ನಡುವಿನ ಕೊನೆಯ ಏಕದಿನ ಪಂದ್ಯದಲ್ಲಿ ರೋಹಿತ್ ಅಮೋಘ ಸೆಂಚುರಿ ಸಿಡಿಸಿದ್ದರು. ಕೊಹ್ಲಿ ಚೆನ್ನಾಗಿ ಬ್ಯಾಟ್ ಬೀಸುತ್ತಿದ್ದರು, ಗಿಲ್ ಉತ್ತಮ ಆರಂಭ ನೀಡಿದ್ದರು ಆದರೆ ಉಳಿದವರು ಏನು ಮಾಡಿದರು? ಎಂದು ಪ್ರಶ್ನಿಸಿದ್ದಾರೆ.
398 ರನ್ ಬೆನ್ನತ್ತಿದಾಗ ಕೆ.ಎಲ್. ರಾಹುಲ್ ರೀತಿಯ ಸ್ಪೋಟಕ ಬ್ಯಾಟರ್ನನ್ನು ಯಾರಾದರೂ ಆರನೇ ಕ್ರಮಾಂಕದಲ್ಲಿ ಆಡಿಸುತ್ತಾರಾ? ಇಷ್ಟು ದೊಡ್ಡ ಮೊತ್ತವನ್ನು ಚೇಸ್ ಮಾಡುತ್ತಿರುವಾಗ ರಾಹುಲ್ ಆರನೇ ಬ್ಯಾಟರ್ ಆಗಿ ಮೈದಾನಕ್ಕೆ ಇಳಿಯುತ್ತಾರೆ ಎಂದತೆ ಅದಕ್ಕೆ ಏನು ಹೇಳಬೇಕು? ರಾಹುಲ್ ಆರನೇ ಅಥವಾ ಏಳನೇ ಕ್ರಮಾಂಕದ ಬ್ಯಾಟ್ಸ್ಮನ್ ಆಗಿದ್ದಾರಾ? ಎಂದು ಪ್ರಶ್ನಿಸಿದ್ದಾರೆ.
ಗೌತಮ್ ಮತ್ತು ಆಡಳಿತ ಮಂಡಳಿ ಏನು ಮಾಡುತ್ತಿದೆ?
ಟಿ-20 ನಲ್ಲಿ ಆ ಸಂಜು ಸಾಮ್ಸ್ನ್ ಹಾಗೂ ವೈಭವ್ ಸೂರ್ಯವಂಶಿಯ ಆಟವನ್ನು ಹಾಳು ಮಾಡಿ ಆಯಿತು. ಈಗ ಕೆ.ಎಲ್. ರಾಹುಲ್ನ ಆಟವನ್ನು ಹಾಳು ಮಾಡುತ್ತಿದ್ದಿರಿ. ಬ್ಯಾಟಿಂಗ್ ಕ್ರಮಾಂಕವನ್ನು ನಿರ್ಧಾರ ಮಾಡುವಲ್ಲಿ ಗೌತಮ್ ಗಂಭೀರ್ ಹಾಗೂ ಆಡಳಿತ ಮಂಡಳಿ ಸಂಪೂರ್ಣ ವಿಫಲವಾಗಿದೆ ಎಂದು ಶ್ರೀಕಾಂತ್ ಆಕ್ರೋಶ ಹೊರಹಾಕಿದ್ದಾರೆ.
ಕಿಶನ್ ಬದಲು ರಾಹುಲ್ ಬರಬೇಕಿತ್ತು!
ರೋಹಿತ್ ಔಟ್ ಆದಗ ಕೂಡ ಮ್ಯಾಚ್ನ್ನು ನಾವೇ ಗೆಲ್ಲಬಹುದಿತ್ತು. ಆದರೆ ಇಶನ್ ಕಿಶನ್ ಬದಲು ರಾಹುಲ್ ಬಂದಿದ್ದರೆ ನಾವು ಪಂದ್ಯ ಗೆಲ್ಲುವ ಚಾನ್ಸ್ ಹೆಚ್ಚಿತ್ತು. ರಾಹುಲ್ ಆರನೇ ವಿಕೆಟ್ಗೆ ಬಂದಾಗ ಅವನ ಬಾಡಿ ನರ್ವಸ್ ಅಗಿತ್ತು. ಹೀಗಾಗಿ ಅವನಿಂದ ಉತ್ತಮ ಪ್ರದರ್ಶನ ನೀಡಲು ಆಗಲಿಲ್ಲ ಎಂದಿದ್ದಾರೆ, (ಏಜನ್ಸೀಸ್).