ಈ ರೀತಿ ಆಡಿದ್ರೆ ಗೆದ್ದೇ ಗೆಲ್ತೀರಿ! ಟೀಮ್​ ಇಂಡಿಯಾ ಸೋಲಿಸಲು ತಮ್ಮ ತಂಡಕ್ಕೆ ಅಫ್ರಿದಿ ಕೊಟ್ಟ ಪ್ಲಾನ್​ ಹೀಗಿದೆ...Shahid Afridi

ಭಾನುವಾರ (ಫೆ.15) ಕೊಲಂಬೊದಲ್ಲಿ ಭಾರತ ಮತ್ತು ಪಾಕಿಸ್ತಾನ ನಡುವೆ ಪ್ರತಿಷ್ಠಿತ ಕ್ರಿಕೆಟ್ ಪಂದ್ಯ ನಡೆಯಲಿದೆ. ಈ ಪಂದ್ಯಕ್ಕಾಗಿ ಕ್ರಿಕೆಟ್ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ. ಈಗಾಗಲೇ ಎರಡೂ ತಂಡಗಳು ಗೆಲುವಿನ ತಂತ್ರಗಳನ್ನು ಎಣೆಯುತ್ತಿವೆ. ಇದರ ನಡುವೆ ಪಾಕಿಸ್ತಾನದ ಮಾಜಿ ಕ್ರಿಕೆಟಿಗರು ಕೂಡ ಕಾಲಕಾಲಕ್ಕೆ ಪಾಕಿಸ್ತಾನ ತಂಡಕ್ಕೆ ಸಲಹೆಗಳನ್ನು ನೀಡುತ್ತಿದ್ದಾರೆ. ಐಸಿಸಿ ಟೂರ್ನಿಗಳಲ್ಲಿ ಭಾರತದ ಕೈಯಲ್ಲಿ ಪಾಕಿಸ್ತಾನ ಸತತ ಸೋಲುಗಳ ದಾಖಲೆಯನ್ನು ಹೊಂದಿದೆ. ಈ ಬಾರಿ ಪಾಕಿಸ್ತಾನ ಆ ದಾಖಲೆಯನ್ನು ಅಳಿಸಿಹಾಕುವ ಆಶಯವನ್ನು ಹೊಂದಿದೆ.

ಇದೇ ಸಂದರ್ಭದಲ್ಲಿ ಪಾಕಿಸ್ತಾನದ ಮಾಜಿ ನಾಯಕ ಶಾಹಿದ್ ಅಫ್ರಿದಿ ಕೂಡ ಒಂದು ಪ್ಲಾನ್​ ಅನ್ನು ನೀಡಿದ್ದಾರೆ. ಟೀಮ್​ ಇಂಡಿಯಾವನ್ನು ಹೇಗೆ ಎದುರಿಸಬೇಕೆಂದು ಅಫ್ರಿದಿ ವಿವರಿಸಿದ್ದಾರೆ. ನಾಳಿನ ಪಂದ್ಯದಲ್ಲಿ ಆದಷ್ಟು ಚುರುಕಾಗಿ ಆಡುವಂತೆ ಅಫ್ರಿದಿ ಸಲಹೆ ನೀಡಿದರು. 

ಹೆಚ್ಚಿನ ಒತ್ತಡದ ಪಂದ್ಯದಲ್ಲಿ, ಪ್ರತಿಭೆಗಿಂತ ಮೂಲಭೂತ ಅಂಶಗಳು ಹೆಚ್ಚಾಗಿ ಫಲಿತಾಂಶವನ್ನು ನಿರ್ಧರಿಸುತ್ತವೆ. ಎಲ್ಲರೂ ತಪ್ಪುಗಳನ್ನು ಮಾಡುತ್ತಾರೆ. ಆದರೆ ಬ್ಯಾಟಿಂಗ್, ಬೌಲಿಂಗ್ ಮತ್ತು ಫೀಲ್ಡಿಂಗ್... ಈ ಮೂರು ಕ್ಷೇತ್ರಗಳಲ್ಲಿ ಯಾರೂ ಕನಿಷ್ಠ ತಪ್ಪುಗಳನ್ನು ಮಾಡುತ್ತವೆಯೋ ಆ ತಂಡ ಗೆದ್ದೇ ಗೆಲ್ಲುತ್ತದೆ ಎಂದು ಅಫ್ರಿದಿ ಅವರು ತಿಳಿಸಿದರು.

ಪಾಕಿಸ್ತಾನ ತಂಡವು ಮೊದಲಿಗಿಂತ ಈಗ ಹೆಚ್ಚು ಹಿಡಿತವನ್ನು ಹೊಂದಿದೆ. ಪಾಕಿಸ್ತಾನದಲ್ಲಿ 8ನೇ ಬ್ಯಾಟಿಂಗ್​ ಕ್ರಮಾಂಕದವರೆಗೂ ಹಿಟ್ಟರ್‌ಗಳಿದ್ದಾರೆ. ಅಗ್ರ-6 ಬ್ಯಾಟ್ಸ್‌ಮನ್‌ಗಳು 15 ರಿಂದ 16 ಓವರ್‌ಗಳನ್ನು ಆಡಿದರೆ, ಪವರ್ ಹಿಟ್ಟರ್‌ಗಳು ಕೊನೆಯ ಓವರ್‌ಗಳಲ್ಲಿ ಮುಕ್ತವಾಗಿ ಆಡಬಹುದು ಮತ್ತು ಸ್ಕೋರ್ ಅನ್ನು ಹೆಚ್ಚಿಸಬಹುದು ಎಂದು ಅಫ್ರಿದಿ ಅವರು ಹೇಳಿದರು. 

ನಾಳಿನ ಪಂದ್ಯದಲ್ಲಿ ಸ್ಕೋರ್‌ಬೋರ್ಡ್ ಮುಂದೆ ಸಾಗಬೇಕಿದೆ. ಆದರೆ, ಸ್ಕೋರ್​ ಹೆಚ್ಚಿಸುವ ಆತುರದಲ್ಲಿ ಅನಗತ್ಯ ಅಪಾಯಗಳನ್ನು ತೆಗೆದುಕೊಳ್ಳಬಾರದು ಮತ್ತು ವಿಕೆಟ್‌ಗಳನ್ನು ಬಿಟ್ಟುಕೊಡಬಾರದು ಎಂದು ಅಫ್ರಿದಿ ಅವರು ತಮ್ಮ ತಂಡಕ್ಕೆ ಸಲಹೆಯನ್ನು ನೀಡಿದ್ದಾರೆ. ರನ್ ರೇಟ್​ ಮತ್ತು ಅಪಾಯ ನಿರ್ವಹಣೆಯ ನಡುವೆ ಸಮತೋಲನವನ್ನು ಕಾಯ್ದುಕೊಳ್ಳಬೇಕು ಎಂದು ಅಫ್ರಿದಿ ಹೇಳಿದ್ದಾರೆ, (ಏಜೆನ್ಸೀಸ್​)