ಅಭಿಷೇಕ್ ಶರ್ಮಾ ತಮ್ಮ ಶತಕವನ್ನು ಸಂಭ್ರಮಿಸುತ್ತಾ ಪಿಚ್ ಮೇಲೆ ಧ್ಯಾನ ಮಾಡುತ್ತಿದ್ದಾರೆ.
ನವದೆಹಲಿ: ದೆಹಲಿಯ ಅರುಣ್ ಜೇಟ್ಲಿ ಕ್ರೀಡಾಂಗಣದಲ್ಲಿ ಅಫ್ಘಾನಿಸ್ತಾನ ವಿರುದ್ಧ ನಡೆದ ಮೂರನೇ ಟಿ-20 ಪಂದ್ಯದಲ್ಲಿ ಅಭಿಷೇಕ್ ಶರ್ಮಾ (Abhishek Sharma) ಅದ್ಭುತ ಪ್ರದರ್ಶನ ನೀಡಿದ ಹಿನ್ನಲೆ 3-0 ಅಂತರದಲ್ಲಿ ಟೀಮ್ ಇಂಡಿಯಾ ಸರಣಿಯನ್ನು ವೈಟ್ವಾಶ್ ಮಾಡಿದೆ.
ಮೈದಾನದಲ್ಲಿ ರನ್ 'ಅಭಿಷೇಕ'!
ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಭಾರತವು ನಿಗದಿತ ಇಪ್ಪತ್ತು ಓವರ್ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 221 ರನ್ಗಳ ದೊಡ್ಡ ಮೊತ್ತದ ಟಾರ್ಗೆಟ್ ನೀಡಿತು. ಈ ಭಾರಿ ಮೊತ್ತವನ್ನು ಕಲೆಹಾಕುವುದರಲ್ಲಿ ಓಪನರ್ ಅಭಿಷೇಕ್ ಶರ್ಮಾ ಪಾತ್ರ ಪ್ರಮುಖವಾಗಿತ್ತು.
ಎದುರಿಸಿದ ಮೊದಲ ಬಾಲ್ನಿಂದಲೇ ಆಕ್ರಮಣಕಾರಿ ಬ್ಯಾಟಿಂಗ್ಗೆ ಮೊರೆಹೋದ ಅಭಿಷೇಕ್ ಕೇವಲ 30 ಎಸೆತಗಳಲ್ಲಿ ಶತಕ ಸಿಡಿಸುವ ಮೂಲಕ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಅತ್ಯಂತ ಕಡಿಮೆ ಎಸೆತಗಳಲ್ಲಿ ಸೆಂಚುರಿ ಸಿಡಿಸಿದ ಬ್ಯಾಟರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಒಟ್ಟು 33 ಎಸೆಗಳಲ್ಲಿ 11 ಸಿಕ್ಸರ್ ಹಾಗೂ 9 ಬೌಂಡರಿ ಬಾರಿಸಿ 108 ರನ್ ಕಲೆಹಾಕಿ ವಿಕೆಟ್ ಒಪ್ಪಿಸಿದರು.
ಪಿಚ್ನಲ್ಲೇ ಓಂ ನಮಃ ಶಿವಾಯ!
ಕೇವಲ 30 ಎಸೆಗಳಲ್ಲಿ ಶತಕ ಸಿಡಿಸುತ್ತಿದ್ದಂತೆ, ಅಭಿಷೇಕ್ ಶರ್ಮಾ ಸಂಭ್ರಮಿಸಿದ ರೀತಿ ಈಗ ಸೋಷಿಯಲ್ ಮೀಡಿಯಾನಲ್ಲಿ ಸಕ್ಕತ್ ವೈರಲ್ ಆಗುತ್ತಿದೆ. ಮೂರಂಕಿ ತಲುಪುತ್ತಿದ್ದಂತೆ ಹೆಲ್ಮೆಟ್, ಗ್ಲೌಸ್ ಕಳಚಿ, ಬ್ಯಾಟ್ ಅನ್ನು ಕೆಳಗಿಟ್ಟು, ನೇರವಾಗಿ ಧ್ಯಾನದ ಭಂಗಿಯಲ್ಲಿ ಕುಳಿತ ಅಭಿಷೇಕ್ ಮೈದಾನದಲ್ಲಿಯೇ ಓಂ ನಮಃ ಶಿವಾಯ ಜಪ ಮಾಡಿದ್ದಾರೆ. ಈಗ ಅಭಿಷೇಕ್ ಶರ್ಮಾ ಅವರ ಈ ಧ್ಯಾನದ ಭಂಗಿಯಲ್ಲಿರುವ ಫೋಟೊಗಳು ಸಕ್ಕತ್ ಟ್ರೆಂಡಿಗ್ನಲ್ಲಿದೆ.
ಅಭಿಷೇಕ್ ಶರ್ಮಾ 30 ಎಸೆತಗಳಲ್ಲಿ ಸೆಂಚುರಿ ಸಿಡಿಸಿ ನೂತನ ದಾಖಲೆ ಬರೆಯುವ ಮೊದಲು ಜಿಂಬಾಬ್ವೆಯ ಸಿಕಂದರ್ ರಾಜಾ ಹಾಗೂ ನ್ಯೂಜಿಲೆಂಡ್ನ ಫಿನ್ ಅಲೆನ್ ಕೇವಲ 33 ಎಸೆತಗಳಲ್ಲಿ ಸೆಂಚುರಿ ಬಾರಿಸಿ ವಿಶ್ವ ದಾಖಲೆ ನಿರ್ಮಿಸಿದ್ದರು.
ನನ್ನ ಮಗ ಬಹಳ ಧ್ಯಾನ ಮಾಡುತ್ತಾನೆ!
ಇನ್ನೂ, ಅಭಿಷೇಕ್ ಶರ್ಮಾ ಕ್ರಿಕೆಟ್ ಪಿಚ್ ಮೇಲೆ ಕುಳಿತು ಜಪ ಮಾಡಿರುವ ಫೋಟೊ ಸೋಷಿಯಲ್ ಮೀಡಿಯಾನಲ್ಲಿ ವೈರಲ್ ಆಗುತ್ತಿದ್ದಂತೆ, ಅವರ ತಂದೆ ರಾಜಕುಮಾರ್ ಶರ್ಮಾ, ನನ್ನ ಮಗ ದಿನಾಲೂ ಬೆಳಗ್ಗೆ ನಾಲ್ಕು ಗಂಟೆಗೆ ಎದ್ದು ಧ್ಯಾನ ಮಾಡುತ್ತಾನೆ. ಇದರಿಂದ ಅವನ ದಿನ ತುಂಬಾ ಚೆನ್ನಾಗಿ ಇರುತ್ತದೆ. ಕ್ರಿಕೆಟ್ ಅವನಿಗೆ ದೇವರಾದರೆ, ಪಿಚ್ ಅವನಿಗೆ ಗುರುದ್ವಾರ ಇದ್ದಂತೆ ಹೀಗಾಗಿ ತನ್ನ ಶತಕದ ಸಂಭ್ರಮವನ್ನು ಅಲ್ಲಿಯೇ ಧ್ಯಾನ ಮಾಡುವ ಮೂಲಕ ಆಚರಿಸಿದ್ದಾನೆ ಎಂದಿದ್ದಾರೆ.
ಅವನಿಗೆ ನಾವು, ಮನೆಗೆ ಬರುವಂತೆ ಬಹಳ ಸಲ ಒತ್ತಾಯ ಮಾಡಿದ್ದೇವೆ. ಆದರೆ ಅವನಿಗೆ ಕ್ರಿಕೆಟ್ ಮೇಲೆ ಬಹಳ ಆಸಕ್ತಿಯಿದೆ. ಹೀಗಾಗಿ ದಿನಾಲೂ ತರಬೇತಿ, ಕಠಿಣ ಅಭ್ಯಾಸವನ್ನು ಮಾಡುತ್ತಾನೆ. ಈಗ ಅವನು ನಿರ್ಮಿಸಿರುವ ದಾಖಲೆ ಅವನ ಪರಿಶ್ರಮಕ್ಕೆ ದೊರೆತ ಫಲವಾಗಿದೆ ಎಂದಿದ್ದಾರೆ, (ಏಜೆನ್ಸೀಸ್).