ದುಬೈ: ಇಂಗ್ಲೆಂಡ್ನ ಬೆನ್ ಡಕೆಟ್ (225) ಮತ್ತು ಕಿವೀಸ್ ವೇಗಿ ಮ್ಯಾಟ್ ಹೆನ್ರಿ (10) ಸದ್ಯ ಟೂರ್ನಿಯ ಗರಿಷ್ಠ ರನ್ ಮತ್ತು ವಿಕೆಟ್ ಸಾಧಕರೆನಿಸಿದ್ದಾರೆ. ಆದರೆ ಫೈನಲ್ ಪಂದ್ಯದ ನಂತರವೂ ಇವರು ಈ ಗೌರವ ಉಳಿಸಿಕೊಳ್ಳುವರು ಎನ್ನಲಾಗದು.
ಗರಿಷ್ಠ ರನ್ಸ್ಕೋರರ್ ಎನಿಸುವ ಪೈಪೋಟಿಯಲ್ಲಿರುವ ರಚಿನ್ ರವೀಂದ್ರ (226), ವಿರಾಟ್ ಕೊಹ್ಲಿ (217), ಶ್ರೇಯಸ್ ಅಯ್ಯರ್ (195), ಟಾಮ್ ಲಾಥಮ್ (191), ಕೇನ್ ವಿಲಿಯಮ್ಸನ್ (189), ಶುಭಮಾನ್ ಗಿಲ್ (157) ಫೈನಲ್ನಲ್ಲೂ ಆಡಲಿದ್ದಾರೆ. ಮ್ಯಾಟ್ ಹೆನ್ರಿ ಗಾಯದಿಂದಾಗಿ ಫೈನಲ್ ಆಡುವ ಬಗ್ಗೆ ಅನುಮಾನವಿದೆ. ಹೀಗಾಗಿ ಅವರು ಗೈರಾದರೆ ಮೊಹಮದ್ ಶಮಿ (8), ವರುಣ್ ಚಕ್ರವರ್ತಿ (7), ಮಿಚೆಲ್ ಸ್ಯಾಂಟ್ನರ್ಗೆ (7) ಫೈನಲ್ನಲ್ಲಿ ಮಿಂಚಿ ಗರಿಷ್ಠ ವಿಕೆಟ್ ಟೇಕರ್ ಎನಿಸುವ ಅವಕಾಶವಿದೆ. ಹೀಗಾಗಿ ಟೂರ್ನಿಯ ಗರಿಷ್ಠ ರನ್-ವಿಕೆಟ್ ಸಾಧಕರನ್ನು ನಿರ್ಧರಿಸುವಲ್ಲಿ ಫೈನಲ್ ಪಂದ್ಯದ ನಿರ್ವಹಣೆ ಪ್ರಮುಖ ಪಾತ್ರ ವಹಿಸಲಿದೆ.