ನವದೆಹಲಿ: ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಖಾಯಂ ಆಟಗಾರನಾಗಿದ್ದ ಆಲ್ರೌಂಡರ್ ಡ್ವೇನ್ ಬ್ರಾವೋ ಇದೀಗ ತನ್ನ ಐಪಿಎಲ್ ಆಟಕ್ಕೆ ವಿದಾಯ ಘೋಷಿಸಿದ್ದಾರೆ. ವಿದಾಯದ ನಂತರವೂ ತಂಡದ ಭಾಗವಾಗಿದ್ದು, ಇನ್ನು ಮುಂದೆ ಚೆನ್ನೈ ತಂಡದ ಬೌಲಿಂಗ್ ಕೋಚ್ ಆಗಿ ಕಾರ್ಯನಿರ್ವಹಿಸಲಿದ್ದಾರೆ ಎಂದು ಚೆನ್ನೈ ಸೂಪರ್ ಕಿಂಗ್ಸ್ ತಂಡ ತಿಳಿಸಿದೆ.
ಈ ಹಿಂದೆ ತಂಡದ ಬೌಲಿಂಗ್ ಕೋಚ್ ಆಗಿದ್ದ ಲಕ್ಷ್ಮೀಪತಿ ಬಾಲಾಜಿ ಐಪಿಎಲ್ನಿಂದ ವಿರಾಮ ತೆಗೆದುಕೊಳ್ಳಲು ನಿರ್ಧರಿಸಿದ್ದಾರೆ. ಇದೀಗ ಬಾಲಾಜಿ ಸ್ಥಾನಕ್ಕೆ ಬ್ರಾವೋ ಆಯ್ಕೆ ಮಾಡಲಾಗಿದೆ ಎಂದು ಚೆನ್ನೈ ಪ್ರಾಂಚೈಸಿ ಮೂಲಗಳು ತಿಳಿಸಿವೆ.
ನಾನು ಬೌಲರ್ಗಳೊಂದಿಗೆ ಸಮಯ ಕಳೆಯಲು ಹೆಚ್ಚು ಇಷ್ಟಪಡುತ್ತೇನೆ. ಹೀಗಾಗಿ ಮುಂದಿನ ಹೊಸ ಪ್ರಯಾಣದ ಬಗ್ಗೆ ಹೆಚ್ಚಿನ ಉತ್ಸಾಹದಿಂದ ಇದ್ದೇನೆ. ಇನ್ನು ಮುಂದೆ ನಾನು ಮಿಡ್-ಆನ್ ಅಥವಾ ಮಿಡ್-ಆಫ್ನಲ್ಲಿ ನಿಲ್ಲುವುದಿಲ್ಲ. ಬದಲಾಗಿ ತಂಡದ ಬೌಲರ್ಗಳ ಜೆತೆಗೆ ಇರಲಿದ್ದೇನೆ ಎಂದು ಡ್ವೇನ್ ಬ್ರಾವೋ ತಿಳಿಸಿದ್ದಾರೆ.
ವೆಸ್ಟ್ಇಂಡೀಸ್ನ ಡ್ವೇನ್ ಬ್ರಾವೋ ಐಪಿಎಲ್ನಲ್ಲಿ ಈವರೆಗೆ 161 ಪಂದ್ಯಗಳನ್ನು ಆಡಿದ್ದಾರೆ. ಈ ಮೂಲಕ 183 ವಿಕೆಟ್ ಕಬಳಿಸಿದ್ದಾರೆ. ಇದರೊಂದಿಗೆ ಐಪಿಎಲ್ನಲ್ಲಿ ಅತೀ ಹೆಚ್ಚು ವಿಕೆಟ್ ಪಡೆದುಕೊಂಡವರಲ್ಲಿ ಬ್ರಾವೋಗೆ ಅಗ್ರಸ್ಥಾನ. ಆಲ್ರೌಂಡರ್ ಕೋಟಾದಲ್ಲಿ ತಂಡದ ಬ್ಯಾಟಿಂಗ್ನಲ್ಲೂ ಕಮಾಲ್ ಮಾಡಿರುವ ಬ್ರಾವೋ 130 ಸ್ಟ್ರೈಕ್ ರೇಟ್ನಲ್ಲಿ 1560 ರನ್ ಗಳಿಸಿದ್ದಾರೆ.
ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಈವರೆಗೆ ಮೂರು ಬಾರಿ ಐಪಿಎಲ್ ಟ್ರೋಫಿ ಎತ್ತಿ ಹಿಡಿದಿದೆ. ಈ ಸಂದರ್ಭದಲ್ಲಿ ಬ್ರಾವೋ ತಂಡದ ಸದಸ್ಯರಾಗಿದ್ದರು. (ಏಜೆನ್ಸೀಸ್)