ಮುಂಬೈ: ತವರು ನೆಲದಲ್ಲಿ ತನ್ನ ಪ್ರಾಬಲ್ಯಕ್ಕೆ ಹೆಸರುವಾಸಿಯಾದ ಭಾರತ ತಂಡವು (Team India) ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ನ್ಯೂಜಿಲೆಂಡ್ ವಿರುದ್ಧದ ಟೆಸ್ಟ್ ಸರಣಿಯ (Test Series) ಮೊದಲ ಪಂದ್ಯದಲ್ಲಿ ಸೋಲುವ ಮೂಲಕ ಭಾರೀ ಮುಖಭಂಗವನ್ನು ಅನುಭವಿಸಿತ್ತು. ಸರ್ಫರಾಜ್ ಖಾನ್ (Sarfaraz Khan) ಹಾಗೂ ರಿಷಭ್ ಪಂತ್ (Rishabh Pant) ದಿಟ್ಟ ಪ್ರತಿರೋಧದ ಹೊರತಾಗಿಯೂ ಕೆಳಕ್ರಮಾಂಕದ ಕುಸಿತದಿಂದಾಗಿ ಭಾರತ (Team India) ಸೋಲುಂಡಿದ್ದು, ಈ ಬಗ್ಗೆ ಮಾಜಿ ಹಾಗೂ ಹಾಲಿ ಕ್ರಿಕೆಟಿಗರು ಸೋಲಿಗೆ ಕಾರಣವಾದ ಪ್ರಮುಖ ಅಂಶಗಳನ್ನು ಉಲ್ಲೇಖಿಸಿ ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಳ್ಳುತ್ತಿದ್ದಾರೆ.
ಭಾರತದ (Team India) ಸೋಲಿಗೆ ನಾಯಕನ ತಪ್ಪು ನಿರ್ಧಾರವೇ ಪ್ರಮುಖ ಕಾರಣ ಎಂದು ಹೇಳಲಾಗಿದ್ದು, ರೋಹಿತ್ ಶರ್ಮರ (Rohit Sharma) ಮತ್ತೊಂದು ಎಡವಟ್ಟೇ ಸೋಲಿಗೆ ಪ್ರಮುಖ ಕಾರಣ ಎಂದು ಹೇಳಲಾಗಿದೆ. ಈ ಬಗ್ಗೆ ಮಾಜಿ ಆಟಗಾರ ಆಕಾಶ್ ಚೋಪ್ರಾ (Aakash Chopra) ಮಾತನಾಡಿದ್ದು, ಹಿಟ್ಮ್ಯಾನ್ ನಿರ್ಧಾರವನ್ನು ಪ್ರಶ್ಬಿಸಿದ್ದಾರೆ.
ತಮ್ಮ ಯೂಟ್ಯೂಬ್ ಚಾನೆಲ್ನಲ್ಲಿ ಈ ಕುರಿತಾಗಿ ವಿಡಿಯೋ ಒಂದನ್ನು ಪೋಸ್ಟ್ ಮಾಡಿರುವ ಆಕಾಶ್, ಭಾರತ (Team India) ಎದುರಾಳಿಗಳಿಗೆ ನೀಡಿದ ಗುರಿ ಕಡಿಮೆ ಇತ್ತು ಎಂಬುದರಲ್ಲಿ ಯಾವುದೇ ಸಂದೇಹ ಬೇಡ. ನನ್ನ ಪ್ರಕಾರ ನಾಯಕ ರೋಹಿತ್ ಅಶ್ವಿನ್ರನ್ನು (Ashwin) ಸ್ವಲ್ಪ ಬೇಗನೆ ಬೌಲ್ ಮಾಡಲು ಕಳುಹಿಸಬೇಕಿತ್ತು. ಆದರೆ, ನಾಯಕ ರೋಹಿತ್ರ ಈ ನಿರ್ಧಾರ ನನಗೆ ಅಚ್ಚರಿ ಮೂಡಿಸಿತು.
ಟೆಸ್ಟ್ ಕ್ರಿಕೆಟ್ನಲ್ಲಿ (Test Cricket) ಅಶ್ವಿನ್ ಪ್ರದರ್ಶನ ನೋಡುವುದಾದರೆ ಆತ ಅತಿ ಹೆಚ್ಚು ವಿಕೆಟ್ಗಳನ್ನು ಪಡೆದಿದ್ದಾನೆ. ಬುಮ್ರಾ (Jasprit Bumrah)ಹಾಗೂ ಸಿರಾಜ್ (Mohammed Siraj) ಉತ್ತಮವಾಗಿ ದಾಳಿಯನ್ನು ಸಂಘಟಿಸಿದರಾದರು ಅಂತಿಮವಾಗಿ ನೀವು ಅಶ್ವಿನ್ರನ್ನು ಐದನೇ ಆಯ್ಕೆಯಾಗಿ ಪರಿಗಣಿಸಿದ್ದು, ಸೋಲಿಗೆ ಕಾರಣವಾಯ್ತು ಎಂದು ನಾನು ಭಾವಿಸುತ್ತೇನೆ. ಏಕೆಂದರೆ ಗೆಲ್ಲಲು 15-20 ರನ್ ಬೇಕಿದ್ದಾಗ ಆತನನ್ನು ಬೌಲಿಂಗ್ ಮಾಡಲು ಕರೆದುಕೊಂಡು ಬಂದರೆ ಏನು ಉಪಯೋಗ. ಟಾಸ್ ಜೊತೆಗೆ ನಾಯಕನ ಈ ನಿರ್ಧಾರವು ಸೋಲಿಗೆ ಪ್ರಮುಖ ಕಾರಣವಾಯ್ತು ಎಂದು ಟೀಮ್ ಇಂಡಿಯಾ ಮಾಜಿ ಆಟಗಾರ ಆಕಾಶ್ ಚೋಪ್ರಾ ಅಭಿಪ್ರಾಯಪಟ್ಟಿದ್ದಾರೆ.
ಅಕ್ಟೋಬರ್ 24ರಂದು ಸರಣಿಯ ಎರಡನೇ ಪಂದ್ಯ ಪುಣೆಯಲ್ಲಿ ನಡೆಯಲಿದ್ದು, ಸರಣಿಯ ಅಂತಿಮ ಪಂದ್ಯವು ನವೆಂಬರ್ 01-05ರವರೆಗೆ ಮುಂಬೈನಲ್ಲಿ ಜರುಗಲಿದೆ. ಬೆಂಗಳೂರಿನಲ್ಲಿ ನಡೆದ ಸರಣಿಯ ಮೊದಲ ಪಂದ್ಯದಲ್ಲಿ ನ್ಯೂಜಿಲೆಂಡ್ ತಂಡವು 36 ವರ್ಷಗಳ ಬಳಿಕ ಭಾರತದ ನೆಲದಲ್ಲಿ ಜಯ ದಾಖಲಿಸಿತು. ಉಳಿದ ಪಂದ್ಯಗಳಲ್ಲಿ ಕಮ್ಬ್ಯಾಕ್ ಮಾಡಲು ಭಾರತ ತಂಡ (Team India) ಕಠಿಣ ತಯಾರಿ ನಡೆಸುತ್ತಿದೆ.