ಬೆಂಗಳೂರು: ಆಸ್ಟ್ರೇಲಿಯಾ ತಂಡದ ವಿರುದ್ಧ ಭಾನುವಾರ ಅಹಮದಾಬಾದ್ನಲ್ಲಿ ನಡೆಯಲಿರುವ ಏಕದಿನ ವಿಶ್ವಕಪ್ ಟೂರ್ನಿಯ ಫೈನಲ್ ಪಂದ್ಯದಲ್ಲಿ ಗೆಲ್ಲುವ ಮೂಲಕ ಭಾರತ 3ನೇ ಬಾರಿ ಏಕದಿನ ವಿಶ್ವ ಚಾಂಪಿಯನ್ ಪಟ್ಟಕ್ಕೇರಲಿ ಎಂದು ಹಲವು ಗಣ್ಯರು ಮತ್ತು ತಾರೆಯರು ಶುಭ ಹಾರೈಸಿದ್ದಾರೆ.
*ಭಾರತ ತಂಡಕ್ಕೆ ಎಂಥಾ ಅದ್ಭುತ ರನ್! ನಮ್ಮ ತಂಡವು ಆಟವನ್ನು ಸಂಪೂರ್ಣವಾಗಿ ಹೊಸ ಮಟ್ಟಕ್ಕೆ ಕೊಂಡೊಯ್ದಿದೆ. 10ಕ್ಕೆ 10 ಪಂದ್ಯದಲ್ಲೂ ಗೆದ್ದಿದೆ. ಅನುಕರಣೀಯ ನಾಯಕತ್ವ ಮತ್ತು ಆಟಗಾರರ ವೈಯಕ್ತಿಕ ಶ್ರೇಷ್ಠ ಪ್ರದರ್ಶನಗಳ ಬಲ ಹೊಂದಿರುವ ಅಸಾಧಾರಣ ತಂಡ ಫೈನಲ್ನಲ್ಲೂ ಯಾವುದೇ ಚಿಂತೆ ಹೊಂದಿರಬಾರದು. ಭಾರತ ವಿಶ್ವಕಪ್ ಗೆಲ್ಲುವ ಬಗ್ಗೆ ನನಗೆ ಖಾತ್ರಿ ಇದೆ. ನಮ್ಮ ಹುಡುಗರು ಇಡೀ ದೇಶಕ್ಕೆ ಹೆಮ್ಮೆ ಮತ್ತು ಸಂತೋಷ ತರುವ ವಿಶ್ವಾಸ ನನಗಿದೆ.
| ಸದ್ಗುರು
ಗಿಲ್ ಮೇಲೆ ಕ್ರಷ್!
ವಿಶ್ವಾದ್ಯಂತ ನೆಲೆಸಿರುವ ಭಾರತೀಯರೆಲ್ಲರೂ ಈ ಪಂದ್ಯಕ್ಕೆ ಕಾಯುತ್ತಿದ್ದೇವೆ. ಈ ತಂಡ ಅದ್ಭುತ ಾಮ್ರ್ನಲ್ಲಿದೆ. ಈ ಬಾರಿಯ ವಿಶ್ವಕಪ್ನ ಬೆಸ್ಟ್ ತಂಡ ಎನ್ನಬಹುದು. ಒಬ್ಬರು ಆಡಿಲ್ಲ, ಆಡಲ್ಲ ಅಂತ ಹೇಳುವಂತೆಯೇ ಇಲ್ಲ. ಎಲ್ಲರೂ ಚೆನ್ನಾಗಿ ಆಡಿದ್ದಾರೆ. ಕೆಲ ಆಟಗಾರರು ವೈಯಕ್ತಿಕ ದಾಖಲೆಗಳನ್ನು ನಿರ್ಮಿಸಿದ್ದಾರೆ. ಭಾರತ ತಂಡಕ್ಕೆಂದೇ ಬರೆದಿಟ್ಟಿರುವ ವಿಶ್ವಕಪ್ ಇದು. ಪ್ರತಿಯೊಬ್ಬ ಭಾರತೀಯನ ಗೆಲುವು. ಈ ಬಾರಿ ಎಲ್ಲ 10 ಪಂದ್ಯಗಳನ್ನೂ ನೋಡಿದ್ದೇನೆ. ಫೈನಲ್ಸ್ ಗೆಲ್ಲೋದು ಪಕ್ಕಾ ಆದರೆ ಹೇಗೆ ಗೆಲ್ಲುತ್ತಾರೆ ಎಂಬುದನ್ನು ನೋಡಬೇಕಷ್ಟೇ. ನನಗಂತೂ ನಮ್ಮ ಬೌಲರ್ಗಳ ಮೇಲೆ ಕ್ರಷ್ ಆಗಿದೆ. ರೋಹಿತ್, ಶುಭ್ಮಾನ್, ವಿರಾಟ್, ಶಮಿ, ಬುಮ್ರಾ ಎಲ್ಲರೂ ಅತ್ಯುತ್ತಮ ಫಾಮ್ರ್ನಲ್ಲಿದ್ದಾರೆ.
| ಕೃಷಿ ತಾಪಂಡ, ನಟಿ
ಪಕ್ಕಾ ನಾವೇ ಗೆಲ್ತೀವಿ...
ಫೈನಲ್ ಪಂದ್ಯ ವೀಸಲು 15 ಮಂದಿ ಫ್ರೆಂಡ್ಸ್ ರೆಸ್ಟೋರೆಂಟ್ನಲ್ಲಿ ಸೇರಲು ಪ್ಲಾನ್ ಮಾಡಿಕೊಂಡಿದ್ದೇವೆ. ನಮ್ಮ ತಂಡದ ನೀಲಿ ಜರ್ಸಿ ಧರಿಸಿ ಮಧ್ಯಾಹ್ನ 2.30ರಿಂದ ಮ್ಯಾಚ್ ಮುಗಿಯವವರೆಗೂ ಎಂಜಾಯ್ ಮಾಡಲಿದ್ದೇವೆ. ಭಾರತ ಪಕ್ಕಾ ಗೆಲ್ಲಲಿದೆ. ಶುಭ್ಮಾನ್ ಗಿಲ್ ಸ್ಮಾರ್ಟ್ ಮತ್ತು ಹ್ಯಾಂಡ್ಸಮ್ ಆಗಿದ್ದಾರೆ. ಎಲ್ಲರಿಗೂ ಅವರ ಮೇಲೆ ಕ್ರಷ್ ಇರುವಂತೆ ನನಗೂ ಕ್ರಷ್ ಇದೆ. ಆದರೆ, ವಿರಾಟ್ ಕೊಹ್ಲಿ ಆಲ್ ಟೈಮ್ ಫೇವರಿಟ್ ಆಟಗಾರ. ಶಮಿ ಉತ್ತಮ ಫಾಮ್ರ್ನಲ್ಲಿದ್ದಾರೆ. ಆಸ್ಟ್ರೆಲಿಯಾ, ಭಾರತ ಎರಡೂ ಸಮಬಲ ಹೊಂದಿರುವ ತಂಡಗಳೇ. ಮೊದಲು ಬ್ಯಾಟಿಂಗ್ ಸಿಕ್ಕರೆ, 350 ಪ್ಲಸ್ ಸ್ಕೋರ್ ಮಾಡಿದರೆ ಉತ್ತಮ.
|ದೀಪ್ತಿ ಮೋಹನ್, ನಟಿ
ಕೊಹ್ಲಿ, ರಾಹುಲ್ ಬೆಸ್ಟ್
ಇವತ್ತು ಮನೆಯಲ್ಲಿ ಮ್ಯಾಚ್ ನೋಡಲಿದ್ದೇನೆ. ಭಾರತವೇ ಗೆಲ್ಲುತ್ತದೆ. ಎಲ್ಲ ಆಟಗಾರರು ತುಂಬ ಒಳ್ಳೆ ಫಾಮ್ರ್ನಲ್ಲಿದ್ದಾರೆ. ಬ್ಯಾಟಿಂಗ್, ಬೌಲಿಂಗ್ ಎರಡೂ ಕಡೆಗಳಲ್ಲಿ ಉತ್ತಮ ಪ್ರದರ್ಶನ ತೋರಿದ್ದಾರೆ. ಆಸ್ಟ್ರೆಲಿಯಾ ಫೈನಲ್ಸ್ ಆಡಿರುವುದರಲ್ಲಿ ಹೆಚ್ಚು ಅನುಭವಿ. ಭಾರತ ಮೊದಲ ಬ್ಯಾಟ್ ಮಾಡಿದರೆ ಗೆಲ್ಲುವ ಅವಕಾಶ ಹೆಚ್ಚು. ವಿರಾಟ್ ಕೊಹ್ಲಿ ಮತ್ತು ಕೆಎಲ್ ರಾಹುಲ್ ಇಬ್ಬರೂ ನನಗಿಷ್ಟ. ಒಂದು ಇನ್ನಿಂಗ್ಸ್ ಕಟ್ಟುವ ಶಕ್ತಿಯಿರುವ ಆಟಗಾರರು. ತಾಂತ್ರಿಕವಾಗಿ ರಾಹುಲ್ ಚೆನ್ನಾಗಿ ಆಡುತ್ತಾರೆ. ವಿರಾಟ್ ಕೊಹ್ಲಿ ಈಗಿನ ಜನರೇಷನ್ನ ಅತ್ಯುತ್ತಮ ಒನ್ ಡೇ ಪ್ಲೇಯರ್.
| ನಿರೂಪ್ ಭಂಡಾರಿ, ನಟ
ವಿಶ್ವಕಪ್ ನಮ್ಮದೇ
ಭಾರತ ಗೆಲ್ಲುತ್ತದೆ ಬೇರೆ ಯೋಚನೆಯೇ ಇಲ್ಲ. ಮೊದಲು ಬ್ಯಾಟಿಂಗ್ ಮಾಡಿಯೂ ಗೆದ್ದಿದ್ದೇವೆ, ಚೇಸ್ ಮಾಡಿ ಕೂಡ ಗೆದ್ದಿದ್ದೇವೆ. ಬೆಸ್ಟ್ ಬೌಲಿಂಗ್ ಅಟ್ಯಾಕ್ ಇದೆ. ಜಹೀರ್ ಖಾನ್, ಜಾವಗಲ್ ಶ್ರೀನಾಥ್, ಅನಿಲ್ ಕುಂಬ್ಳೆ, ವೆಂಕಟೇಶ್ ಪ್ರಸಾದ್ ಇದ್ದಾಗ ಹೇಗಿತ್ತೋ ಹಾಗಿದೆ ಈಗಿನ ಬೌಲಿಂಗ್ ಲೈನಪ್. ಗಿಲ್ ಬ್ಯಾಟಿಂಗ್ ಬಗ್ಗೆ ನಿರೀೆಯಿದೆ. ಅತ್ಯುತ್ತಮ ತಂಡಗಳಲ್ಲೊಂದು. ಇಂದು ಮನೆಯಲ್ಲೇ ಲಾಕ್ ಆಗಿಬಿಡುತ್ತೇನೆ. ಕುಟುಂಬದವರೆಲ್ಲರೂ ಒಟ್ಟಿಗೆ ಮ್ಯಾಚ್ ಎಂಜಾಯ್ ಮಾಡುತ್ತೇನೆ.
| ಚಂದನ್, ನಟ
ಫೈನಲ್ನಲ್ಲೂ ರೋಹಿತ್ ಸಿಡಿಯಲಿ
ಭಾರತ ತಂಡದ ಬೌಲಿಂಗ್ ವಿಭಾಗ ಆಸ್ಟ್ರೆಲಿಯಾಕ್ಕಿಂತ ಹೆಚ್ಚು ಸಮತೋಲನದಿಂದ ಕೂಡಿದೆ. ಟೂರ್ನಿಯಲ್ಲಿ ಆಸೀಸ್ ಬೌಲಿಂಗ್ ನಿರ್ವಹಣೆಯೂ ಅಸ್ಥಿರವಾಗಿದೆ. ನಾಯಕ ರೋಹಿತ್ ಶರ್ಮ ಅವರ ಆಕ್ರಮಣಕಾರಿ ಬ್ಯಾಟಿಂಗ್ ಭಾರತದ ಯಶಸ್ಸಿನಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದೆ. ಫೈನಲ್ನಲ್ಲೂ ಅವರು ಅದೇ ರೀತಿ ಸಿಡಿಯಬೇಕು. ಆಸೀಸ್ ಬ್ಯಾಟಿಂಗ್ ವಿಭಾಗವೂ ಬಲಿಷ್ಠವಾಗಿದೆ. ಹೀಗಾಗಿ ಭಾರತಕ್ಕೆ ಫೈನಲ್ನಲ್ಲಿ ಗೆಲುವು ಸುಲಭವಾಗಿ ಸಿಗದು.
| ಜಿಆರ್ ವಿಶ್ವನಾಥ್, ಮಾಜಿ ಕ್ರಿಕೆಟಿಗ