ನವದೆಹಲಿ: ಭಾರತ ಮಹಿಳಾ ತಂಡದ ಕೋಚ್ ಹುದ್ದೆಯಿಂದ ಏಕಾಏಕಿ ಡಬ್ಲ್ಯುವಿ ರಾಮನ್ ಅವರನ್ನು ಪದಚ್ಯುತಿಗೊಳಿಸಿದ್ದಕ್ಕೆ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಅಧ್ಯ ಸೌರವ್ ಗಂಗೂಲಿ ಬೇಸರ ಹೊರಹಾಕಿದ್ದಾರೆ. ಆದರೆ, ಬಿಸಿಸಿಐ ನೇಮಿಸಿರುವ ಕ್ರಿಕೆಟ್ ಸಲಹಾ ಸಮಿತಿಯೂ (ಸಿಎಸಿ) ಕಳೆದ ವಾರ ರಾಮನ್ ಬದಲಿಗೆ ರಮೇಶ್ ಪವಾರ್ ಅವರನ್ನು ನೂತನ ಕೋಚ್ ಆಗಿ ನೇಮಿಸಿತ್ತು. ಭಾರತ ಮಹಿಳಾ ಕ್ರಿಕೆಟ್ ವಲಯದಲ್ಲಿ ಸಿಎಸಿ ನಿರ್ಧಾರ ಚರ್ಚೆಗೆ ಗ್ರಾಸವಾಗಿದ್ದು, ಗಂಗೂಲಿ ಕೂಡ ಬೇಸರ ಹೊರಹಾಕಿದ್ದಾರೆ ಎಂದು ತಿಳಿದು ಬಂದಿದೆ.
ರಾಮನ್ ಮಾರ್ಗದರ್ಶನದಲ್ಲಿ ಭಾರತದಲ್ಲಿ ಟಿ20 ವಿಶ್ವಕಪ್ ಫೈನಲ್ ಪ್ರವೇಶಿಸಿತ್ತು. ಆದರೆ, ಏಕಾಏಕಿ ರಾಮನ್ ಅವರನ್ನು ಕೈಬಿಟ್ಟಿರುವುದು ಸ್ವತಃ ಗಂಗೂಲಿ ಬೇಸರಕ್ಕೂ ಕಾರಣವಾಗಿದೆ. ರಾಮನ್ ಮಾರ್ಗದರ್ಶನದಲ್ಲಿ 2018 ರಿಂದ 2020ರವರೆಗೆ ಭಾರತ ತಂಡ ಆಡಿದ 5 ಏಕದಿನ ಕ್ರಿಕೆಟ್ ಸರಣಿಗಳ ಪೈಕಿ 4 ರಲ್ಲಿ ಜಯ ದಾಖಲಿಸಿತ್ತು. 2021ರಲ್ಲಿ ತವರಿನಲ್ಲಿ ದಣ ಆಫ್ರಿಕಾ ಎದುರು ಸೋಲು ಕಂಡಿತ್ತು. 2020ರ ಟಿ20 ವಿಶ್ವಕಪ್ ಫೈನಲ್ನಲ್ಲಿ ಭಾರತ ತಂಡ ಫೈನಲ್ ಪ್ರವೇಶಿಸಿತ್ತು.
ಮುಂಬರುವ ಇಂಗ್ಲೆಂಡ್ ಪ್ರವಾಸದಿಂದ ರಮೇಶ್ ಪವಾರ್ ಭಾರತ ತಂಡದೊಂದಿಗೆ ಕಾರ್ಯನಿರ್ವಹಿಸಲಿದ್ದಾರೆ. ಇಂಗ್ಲೆಂಡ್ ಪ್ರವಾಸದಲ್ಲಿ ಭಾರತ ತಂಡ ಏಕೈಕ ಟೆಸ್ಟ್, ತಲಾ 3 ಏಕದಿನ ಹಾಗೂ 3 ಟಿ20 ಪಂದ್ಯಗಳನ್ನಾಡಲಿದ್ದಾರೆ. ಪವಾರ್ ಇದಕ್ಕೂ 2018ರಲ್ಲಿ ಭಾರತ ಮಹಿಳಾ ತಂಡದೊಂದಿಗೆ ಕಾರ್ಯನನಿರ್ವಹಿಸಿದ್ದರು.