Asia Cup Trophy: ಸೆ.28ರಂದು ದುಬೈನಲ್ಲಿ ನಡೆದ ಏಷ್ಯಾಕಪ್ ಟಿ20 ಟೂರ್ನಿಯ ಫೈನಲ್ ಪಂದ್ಯವನ್ನು ಭಾರತ ಗೆದ್ದಿದ್ದೇ ಆದರೂ ಟ್ರೋಫಿ ಮತ್ತು ಮೆಡಲ್ಗಳು ಮಾತ್ರ ಇನ್ನೂ ಆಟಗಾರರಿಗೆ ಸಿಕ್ಕಿಲ್ಲ. ಅದಕ್ಕೆ ಮೂಲ ಕಾರಣ, ಎಸಿಸಿ ಮುಖ್ಯಸ್ಥ ಮೊಹ್ಸಿನ್ ನಖ್ವಿಯ ನಡೆ.
ಇದನ್ನೂ ಓದಿ: ಅಮೆರಿಕ ನಿನ್ನನ್ನು ತುಂಬಾ ಪ್ರೀತಿಸುತ್ತೇನೆ: ಇದು ಭಾರತದ ನಾರಿಯ ವಿದಾಯದ ಕಣ್ಣೀರಿನ ಕಥೆ | Indian Woman
ಫೈನಲ್ಗೆ ಬರುವ ಮೊದಲೇ ನಾವು ಫೈನಲ್ನಲ್ಲಿ ಗೆದ್ದರೆ, ಖಂಡಿತ ಮೊಹ್ಸಿನ್ ನಖ್ವಿ ಅವರಿಂದ ಟ್ರೋಫಿಯನ್ನು ಸ್ವೀಕರಿಸುವುದಿಲ್ಲ ಎಂದು ಟೀಮ್ ಇಂಡಿಯಾ ನಾಯಕ ಸೂರ್ಯಕುಮಾರ್ ಯಾದವ್ ಹೇಳಿದ್ದರು. ಅಂತೆಯೇ, ಅಂತಿಮ ಹಣಾಹಣಿಯಲ್ಲಿ ಪಾಕ್ನ ಮಣಿಸಿದ ಭಾರತ ತಂಡ, ಟ್ರೋಫಿಯನ್ನು ಪಡೆಯಲು ವೇದಿಕೆ ಮೇಲೆ ಹೋಗಲಿಲ್ಲ. ಬದಲಿಗೆ ಮೈದಾನದಲ್ಲೇ ಮೊಬೈಲ್ ನೋಡುತ್ತ ಕುಳಿತ್ತಿತ್ತು. ಇದು ಮೊಹ್ಸಿನ್ ನಖ್ವಿ ಕೋಪಕ್ಕೆ ಕಾರಣವಾಯಿತು. ಕೂಡಲೇ ಏಷ್ಯಾಕಪ್ ಟ್ರೋಫಿ ಮತ್ತು ಮೆಡಲ್ಗಳನ್ನು ತನ್ನೊಂದಿಗೆ ಹೊತ್ತೊಯ್ದ ನಖ್ವಿ, ಇಲ್ಲಿಯವರೆಗೂ ಅದನ್ನು ಆಟಗಾರರಿಗೆ ವಾಪಾಸ್ ಕೊಡದೆ, ಷರತ್ತು ವಿಧಿಸಿರುವುದು ಸದ್ಯ ಬಿಸಿಸಿಐ ಪಿತ್ತವನ್ನು ನೆತ್ತಿಗೇರಿಸಿದೆ.
ಈ ಮಧ್ಯೆ ಮತ್ತೊಂದು ಟೀಮ್ ಇಂಡಿಯಾವನ್ನು ದೂಷಿಸಿ ಮಾತನಾಡಿರುವ ನಖ್ವಿ, ಫೈನಲ್ ಪಂದ್ಯದ ವೇದಿಕೆಯಲ್ಲಿ ಸೂರ್ಯಕುಮಾರ್ ಯಾದವ್ ಮತ್ತು ಅವರ ಆಟಗಾರರು ನನ್ನನ್ನು ಕಾರ್ಟೂನ್ ರೀತಿ ಮಾಡಿದ್ರು. ನನ್ನಿಂದ ಭಾರತ ತಂಡ ಟ್ರೋಫಿಯನ್ನು ಪಡೆಯುವುದಿಲ್ಲ ಎಂಬ ವಿಚಾರದ ಬಗ್ಗೆ ನನಗ್ಯಾರು ಮಾಹಿತಿ ನೀಡಿಲ್ಲ. ಈ ಕುರಿತಾಗಿ ಬಿಸಿಸಿಐ ಕೂಡ ಸ್ಪಷ್ಟವಾಗಿ ತಿಳಿಸಿಲ್ಲ. ಹೀಗಾಗಿ, ಟ್ರೋಫಿಯನ್ನು ಹಸ್ತಾಂತರಿಸಲು ನಾನು ವೇದಿಕೆಗೆ ಹೋದೆ. ಆದರೆ, ಟೀಮ್ ಇಂಡಿಯಾ ಆಟಗಾರರು ನನ್ನನ್ನು ನಡೆಸಿಕೊಂಡ ರೀತಿ ನನಗೆ ಇಷ್ಟವಾಗಲಿಲ್ಲ ಎಂದಿದ್ದಾರೆ.
ನಖ್ವಿಯ ಈ ಮಾತಿಗೆ ಸಿಡಿದೆದ್ದ ಬಿಸಿಸಿಐ, ಈ ವಿಚಾರವಾಗಿ ನಾವು ಐಸಿಸಿಗೆ ದೂರ ನೀಡಿದ್ದೇವೆ. ಶೀಘ್ರವೇ ನಮಗೆ ಟ್ರೋಫಿ ಮತ್ತು ಮೆಡಲ್ಗಳು ಹಸ್ತಾಂತರವಾಗಬೇಕು. ಟ್ರೋಫಿ ಮತ್ತು ಮೆಡಲ್ಗಳು ನಖ್ವಿ ಮನೆಯ ಆಸ್ತಿಯಲ್ಲ. ಏಷ್ಯಾಕಪ್ ಟ್ರೋಫಿಯನ್ನು ದುಬೈನಲ್ಲಿರುವ ಎಸಿಸಿ ಕಚೇರಿಯಲ್ಲಿ ಇರಿಸಿ, ಅಲ್ಲಿಂದ ನಾವು ಅದನ್ನು ಟೀಮ್ ಇಂಡಿಯಾಗೆ ತಲುಪಿಸುತ್ತೇವೆ ಎಂದು ಖಡಕ್ ಆಗಿ ತಿಳಿಸಿದೆ,(ಏಜೆನ್ಸೀಸ್).