ಬೆಂಗಳೂರು: ಅಮೆಲಿಯಾ ಕೆರ್ (31 ರನ್, 25 ಎಸೆತ, 3 ಬೌಂಡರಿ ಹಾಗೂ 14ಕ್ಕೆ 4 ವಿಕೆಟ್) ಆಲ್ರೌಂಡ್ ಆಟ ಹಾಗೂ ವೇಗಿ ಶಬ್ನಮ್ ಇಸ್ಮಾಯಿಲ್ (18ಕ್ಕೆ 3) ಬಿಗಿ ಬೌಲಿಂಗ್ ದಾಳಿಯ ನೆರವಿನಿಂದ ಹಾಲಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ತಂಡ ವುಮೆನ್ಸ್ ಪ್ರೀಮಿಯರ್ ಲೀಗ್ (ಡಬ್ಲುಪಿಎಲ್) 2ನೇ ಆವೃತ್ತಿಯಲ್ಲಿ ಗುಜರಾತ್ ಜೈಂಟ್ಸ್ ವಿರುದ್ಧ 5 ವಿಕೆಟ್ಗಳಿಂದ ಸುಲಭ ಗೆಲುವು ದಾಖಲಿಸಿದೆ.
ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ ಇಳಿದ ಗುಜರಾತ್ ಅಗ್ರ ಕ್ರಮಾಂಕದ ವೈಲ್ಯದಿಂದ 9 ವಿಕೆಟ್ಗೆ 126 ರನ್ ಪೇರಿಸಿತು. 8ನೇ ವಿಕೆಟ್ಗೆ ಜತೆಯಾದ ಕ್ಯಾಥರಿನ್ ಬೆಸ್ (25*) ಹಾಗೂ ತನುಜಾ ಕನ್ವರ್ (28) ಜೋಡಿ 36 ಎಸೆತದಲ್ಲಿ 48 ರನ್ಗಳಿಸಿ ತಂಡದ ಮೊತ್ತ ಹೆಚ್ಚಿಸಿದರು. ಕನ್ನಡತಿ, ಅನುಭವಿ ಬ್ಯಾಟರ್ ವೇದಾ ಕೃಷ್ಣಮೂರ್ತಿ (0) ಪದಾರ್ಪಣೆಯ ಪಂದ್ಯದಲ್ಲಿ ನಿರಾಸೆ ಅನುಭವಿಸಿದರು. ಪ್ರತಿಯಾಗಿ ಮುಂಬೈ, 18.1 ಓವರ್ಗಳಲ್ಲಿ 5 ವಿಕೆಟ್ಗೆ 129 ರನ್ಗಳಿಸಿ ಸತತ 2ನೇ ಜಯದ ಸಂಭ್ರಮ ಕಂಡಿತು.
ಗುಜರಾತ್ ಜೈಂಟ್ಸ್: 9 ವಿಕೆಟ್ಗೆ 126 (ವೇದಾ 0, ಮೂನಿ 24, ಹರ್ಲೀನ್ 4, ಲಿಚ್ಫೀಲ್ಡ್ 7, ಗಾರ್ಡ್ನರ್ 15, ಬೆಸ್ 25*, ತನುಜಾ 28, ಅಮೆಲಿಯಾ 14ಕ್ಕೆ 4, ಶಬ್ನಮ್ 18ಕ್ಕೆ 3). ಮುಂಬೈ ಇಂಡಿಯನ್ಸ್: 18.1 ಓವರ್ಗಳಲ್ಲಿ 5 ವಿಕೆಟ್ಗೆ 129 (ಮ್ಯಾಥ್ಯೂಸ್ 7, ಯಸ್ತಿಕಾ 7, ಸೀವರ್ ಬ್ರಂಟ್ 22, ಹರ್ಮಾನ್ಪ್ರೀತ್ 46, ಅಮೆಲಿಯಾ 31, ತನುಜಾ 21ಕ್ಕೆ 2, ಬೆಸ್ 22 ಕ್ಕೆ 1).