ವಿಜಯವಾಣಿ ಸುದ್ದಿಜಾಲ ಬೆಂಗಳೂರು
ಆಸೀಸ್ನ ಜೆಸ್ ಜೊನಾಸೆನ್ (61* ರನ್, 32 ಎಸೆತ, 9 ಬೌಂಡರಿ, 2 ಸಿಕ್ಸರ್, 24ಕ್ಕೆ 1 ವಿಕೆಟ್) ಆಲ್ರೌಂಡ್ ನಿರ್ವಹಣೆಯ ಬಲದಿಂದ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಮೂರನೇ ಆವೃತ್ತಿಯ ವುಮೆನ್ಸ್ ಪ್ರೀಮಿಯರ್ ಲೀಗ್ನಲ್ಲಿ (ಡಬ್ಲುಪಿಎಲ್) ಗುಜರಾತ್ ಜೈಂಟ್ಸ್ ಎದುರು 6 ವಿಕೆಟ್ಗಳ ಸುಲಭ ಗೆಲುವು ದಾಖಲಿಸಿದೆ. ಇದರೊಂದಿಗೆ ಮೆಗ್ ಲ್ಯಾನಿಂಗ್ ಬಳಗ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿದೆ.
ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಮಂಗಳವಾರ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿದ ಗುಜರಾತ್ ಜೈಂಟ್ಸ್ ದ. ಆಫ್ರಿಕಾ ತಾರೆ ಮಾರಿಜಾನ್ನೆ ಕಾಪ್ (17ಕ್ಕೆ 2) ಹಾಗೂ ಶಿಖಾ ಪಾಂಡೆ (18ಕ್ಕೆ 2) ದಾಳಿಗೆ ತತ್ತರಿಸಿ 60 ರನ್ಗಳಿಗೆ 6 ವಿಕೆಟ್ ಕೈ ಚೆಲ್ಲಿತು.ನಂತರ ಭಾರತಿ ಫುಲ್ಮಲಿ (40* ರನ್, 29 ಎಸೆತ, 4 ಬೌಂಡರಿ, 2 ಸಿಕ್ಸರ್) ಆಸರೆಯಲ್ಲಿ ಅಂತಿಮವಾಗಿ 9 ವಿಕೆಟ್ಗೆ 127 ರನ್ಗಳ ಗೌರವಯುತ ಮೊತ್ತ ಪೇರಿಸಿತು. ಪ್ರತಿಯಾಗಿ ಶೆಫಾಲಿ ವರ್ಮ (44) ಹಾಗೂ ಜೊನಾಸೆನ್ ನಡೆಸಿದ ಜತೆಯಾಟದ ಬಲದಿಂದ ಡೆಲ್ಲಿ ಕ್ಯಾಪಿಟಲ್ಸ್ 15.1 ಓವರ್ಗಳಲ್ಲಿ 4 ವಿಕೆಟ್ಗೆ 131 ರನ್ಗಳಿಸಿ ಗೆದ್ದು ಬೀಗಿತು. ಡೆಲ್ಲಿ ಕ್ಯಾಪಿಟಲ್ಸ್ಗೆ ಇದು ಟೂರ್ನಿಯ ಒಟ್ಟಾರೆ ಮೂರನೇ ಗೆಲುವಾಗಿದೆ.
ಗುಜರಾತ್ ಜೈಂಟ್ಸ್: 9 ವಿಕೆಟ್ಗೆ 127 (ಬೆಥ್ ಮೂನಿ 10, ಹರ್ಲೀನ್ ಡಿಯೋಲ್ 5, ಲಿಚ್ಛೀಫಿಲ್ಡ್ 0, ಆಶ್ಲೇ ಗಾರ್ಡ್ನರ್ 3, ಕಾಶ್ವಿ 0, ಡಿಯೆಂಡ್ರಾ 26, ತನುಜಾ 16, ಭಾರ್ತಿ 40*, ಸಿಮ್ರನ್ 5, ಪ್ರಿಯಾ 0*, ಮಾರಿಜಾನ್ನೆ 17ಕ್ಕೆ 2, ಶಿಖಾ ಪಾಂಡೆ 18ಕ್ಕೆ 2, ಸುದರ್ಲ್ಯಾಂಡ್ 20ಕ್ಕೆ 2). ಡೆಲ್ಲಿ ಕ್ಯಾಪಿಟಲ್ಸ್: 15.1 ಓವರ್ಗಳಲ್ಲಿ 4 ವಿಕೆಟ್ಗೆ 131 (ಮೆಗ್ ಲ್ಯಾನಿಂಗ್ 3, ಶೆಫಾಲಿ ವರ್ಮ 44, ಜೆಸ್ ಜೊನಾಸೆನ್ 61*, ಜೆಮೀಮಾ 5, ಸುದರ್ಲ್ಯಾಂಡ್ 1, ಮಾರಿಜಾನ್ನೆ 9*, ಕಾಶ್ವಿ 26ಕ್ಕೆ 2).