AB de Villiers ಸೌತ್ ಆಫ್ರಿಕಾದ ಮಾಜಿ ಸ್ಫೋಟಕ ಬ್ಯಾಟ್ಸಮನ್ ಮತ್ತು ಆರ್ಸಿಬಿ ಮಾಜಿ ಆಟಗಾರ ಎಬಿ ಡಿವಿಲಿಯರ್ಸ್ ಅಗ್ಗಾಗೆ ಸೋಷಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುತ್ತಿರುತ್ತಾರೆ.ಇದೀಗ ಮಾರು ವೇಶ ಹಾಕಿಕೊಂಡು ಪ್ರೇಕ್ಷಕರ ಜತೆ ಸಾಮಾನ್ಯರಂತೆ ಕ್ರಿಕೆಟ್ ನೋಡುವ ಮೂಲಕ ಮತ್ತೊಮ್ಮೆ ಸುದ್ದಿಯಲಿದ್ದಾರೆ ನಮ್ಮ ಮಿಸ್ಟರ್ 360.
ಹೌದು, ಇತ್ತೀಚಿಗೆ ಸೌತ್ ಆಫ್ರಿಕಾದಲ್ಲಿ ನಡೆದ ಎಸ್ಎ20 ಮ್ಯಾಚ್ ಅನ್ನು ನೋಡಲು ಎಬಿಡಿ ಮಾರು ವೇಶಷದಲ್ಲಿ ತೆರಳಿ ಅಭಿಮಾನಿಗಳಿಗೆ ಆಶ್ಚರ್ಯಗೊಳಿಸಿದ್ದು, ತಮ್ಮ ವಿಡಿಯೋವನ್ನು ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದು, ಸಖತ್ ವೈರಲ್ ಆಗುತ್ತಿದೆ.
ಮಾಜಿ ಆಟಗಾರ ಎಬಿಡಿ ಪಂದ್ಯ ನಡೆಯುವ ವೇಳೆ ತಮಗೆ ನೀಡಿದ ಪ್ರತ್ಯೇಕ ರೂಮ್ನಲ್ಲಿ ದೊಡ್ಡದಾದ ಮೀಸೆ, ಗಡ್ಡ ಹೊಂದಿರುವ ವಿಗ್ ಮತ್ತು ಕೂಲಿಂಗ್ ಗ್ಲಾಸ್ ಹಾಕಿಕೊಂಡು ಹೊರಬಂದಿದ್ದಾರೆ. ಯಾರಿಗೆ ತಿಳಿಯದಂತೆ ವಿಡಿಯೋ ರೆಕಾರ್ಡ್ ಮಾಡಿಕೊಂಡಿದ್ದು, ಪ್ರಕ್ಷೇಕರ ಮಧ್ಯ ಹೋಗಿ ಸಾಮಾನ್ಯರಂತೆ ಆಟವನ್ನು ವಿಕ್ಷೀಸಿದ್ದಾರೆ. ಅಲ್ಲದೆ, ಮಧ್ಯೆ ಮಧ್ಯೆ ಜನರನ್ನು ಮಾತನಾಡಿಸುತ್ತ ಹಾಸ್ಯ ಚಟಾಕಿ ಹಾರಿಸಿದ್ದಾರೆ. ಈ ವಿಡಿಯೋವನ್ನು ತಾವೇ ಸ್ವತ ರೆಕಾರ್ಡ್ ಮಾಡಿ ಸಾಮಾಜಿಕ ವೇದಿಕೆಯಲ್ಲಿ ಹಂಚಿಕೊಂಡಿದ್ದಾರೆ.
ಪಾರ್ಲ್ ರಾಯಲ್ಸ್ vs ಪ್ರಿಟೋರಿಯಾ ಕ್ಯಾಪಿಟಲ್ಸ್ ಪಂದ್ಯವನ್ನು ಎಬಿ ಡಿವಿಲಿಯರ್ಸ್ ವಿಕ್ಷೀಸಿದ್ದಾರೆ ಎಂದು ವರದಿಯಾಗಿದೆ.(ಏಜೆನ್ಸೀಸ್)