ಬೆಂಗಳೂರು: ಇನ್ನೆರಡು ದಿನದಲ್ಲಿ ಐಪಿಎಲ್ (ಇಂಡಿಯನ್ ಪ್ರೀಮಿಯರ್ ಲೀಗ್) ಹಂಗಾಮ ಶುರುವಾಗತ್ತೆ. ಐಪಿಎಲ್ ಜಾತ್ರೆ ಆರಂಭಕ್ಕೂ ಮುನ್ನವೇ ಸಿಎಸ್ಕೆ ತಂಡದಲ್ಲಿ ಮಹತ್ವದ ಬದಲಾವಣೆ ಆಗಿದೆ. ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಕ್ಯಾಪ್ಟನ್ ಪಟ್ಟವನ್ನು ಎಂ.ಎಸ್. ಧೋನಿ ತ್ಯಜಿಸಿದ್ದಾರೆ. ಗುರುವಾರ ನಾಯಕತ್ವಕ್ಕೆ ಧೋನಿ ರಾಜೀನಾಮೆ ಕೊಟ್ಟಿದ್ದು, ಉತ್ತರಾಧಿಕಾರಿ ಆಗಿ ರವೀಂದ್ರ ಜಡೇಜಾ ಆಯ್ಕೆಯಾಗಿದ್ದಾರೆ.
ಧೋನಿ ನೇತೃತ್ವದಲ್ಲೇ 9 ಬಾರಿ ಸಿಎಸ್ಕೆ ತಂಡ ಫೈನಲ್ ಹಂತ ಪ್ರವೇಶಿಸಿತ್ತು. ಧೋನಿ ನೇತೃತ್ವದಲ್ಲಿ 4 ಬಾರಿ ಸಿಎಸ್ಕೆ ತಂಡಕ್ಕೆ ಐಪಿಎಲ್ ಚಾಂಪಿಯನ್ ಪಟ್ಟ ಸಿಕ್ಕಿತ್ತು. ಶನಿವಾರದಿಂದ(ಮಾ.26) 15ನೇ ಆವೃತ್ತಿಯ ಐಪಿಎಲ್ ಹಬ್ಬ ಶುರುವಾಗಲಿದ್ದು, ಈ ನಡುವೆ ಸಂಭವಿಸಿದ ಮಹತ್ತರ ಬೆಳವಣಿಗೆಯಲ್ಲಿ ಸಿಎಸ್ಕೆ ತಂಡದ ಕ್ಯಾಪ್ಟನ್ ಪಟ್ಟ ರವೀಂದ್ರ ಜಡೇಜಾಗೆ ಒಲಿದಿದೆ.