ಢಾಕಾ: ಶ್ರೀಲಂಕಾ ಹಾಗೂ ಬಾಂಗ್ಲಾದೇಶ ನಡುವಿನ ಮೊದಲ ಏಕದಿನ ಪಂದ್ಯಕ್ಕೆ ಕೇವಲ ಒಂದು ಗಂಟೆ ಬಾಕಿ ಇರುವಾಗಲೇ ಕೋವಿಡ್-19 ಮಹಾಮಾರಿ ಕಾಡಿದೆ. ಭಾನುವಾರ ಪಂದ್ಯ ಆರಂಭಕ್ಕೂ ಮುನ್ನ ಶ್ರೀಲಂಕಾ ತಂಡದ ಮೂವರಿಗೆ ಕೋವಿಡ್-19 ಕಾಣಿಸಿಕೊಂಡಿತು. ಕೋವಿಡ್ ಅಬ್ಬರದ ನಡುವೆಯೂ ಮೊದಲ ಏಕದಿನ ಪಂದ್ಯ ನಿಗದಿತ ವೇಳೆಗೆ ಆರಂಭಗೊಂಡಿತು. ಶ್ರೀಲಂಕಾ ತಂಡ ಬಾಂಗ್ಲಾದೇಶ ಪ್ರವಾಸದಲ್ಲಿದ್ದು, ಮೇ 25 ಹಾಗೂ 28 ರಂದು ಕ್ರಮವಾಗಿ 2ನೇ ಹಾಗೂ 3ನೇ ಏಕದಿನ ಪಂದ್ಯವನ್ನಾಡಲಿದೆ.
ಶ್ರೀಲಂಕಾದ ಇಬ್ಬರು ಆಟಗಾರರು ಹಾಗೂ ಕೋಚ್ ಸೇರಿದಂತೆ ಮೂರು ಮಂದಿಗೆ ಭಾನುವಾರ ಕೋವಿಡ್-19 ದೃಢಪಟ್ಟಿದೆ ಎಂದು ಕ್ರಿಕೆಟ್ ವೆಬ್ಸೈಟ್ವೊಂದು ಪ್ರಕಟಿಸಿದೆ. ಆದರೆ, ಪಂದ್ಯ ರದ್ದತಿ ಅಥವಾ ಮುಂಡೂಡಿಕೆ ಕುರಿತು ತಳ್ಳಿಹಾಕಿದ ಬಾಂಗ್ಲಾದೇಶ ಕ್ರಿಕೆಟ್ ಮಂಡಳಿ ನಿಗದಿತ ವೇಳೆ ಪಂದ್ಯ ಆರಂಭಿಸಿದೆ. ಮೂಲಗಳ ಪ್ರಕಾರ ಬೌಲಿಂಗ್ ಕೋಚ್ ಚಮಿಂದಾ ವಾಸ್, ಇಸುರು ಉದಾನ ಹಾಗೂ ಶ್ರೀರನ್ ಫೆರ್ನಾಂಡೊಗೆ ಕೋವಿಡ್ ಕಾಣಿಸಿಕೊಂಡಿದೆ ಎಂದು ಹೇಳಲಾಗಿದೆ.
ಇದನ್ನೂ ಓದಿ: ಎಫ್ಐಎಚ್ ಅಧ್ಯಕ್ಷರಾಗಿ ನರೀಂದರ್ ಬಾತ್ರಾ ಪುನರಾಯ್ಕೆ,
ಮೂರು ಪಂದ್ಯಗಳ ಏಕದಿನ ಸರಣಿಯೂ ವಿಶ್ವಕಪ್ ಸೂಪರ್ ಲೀಗ್ ಭಾಗವಾಗಿ ನಡೆಯುತ್ತಿದೆ. ಶೇರ್ ಬಾಂಗ್ಲಾ ನ್ಯಾಷನಲ್ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಟಾಸ್ ಜಯಿಸಿದ ಬಾಂಗ್ಲಾದೇಶ ತಂಡದ ನಾಯಕ ತಮೀಮ್ ಇಕ್ಬಾಲ್ ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು.