ಟಗರು ಸಿನಿಮಾ ಖ್ಯಾತಿಯ ತ್ರಿವೇಣಿ ರಾವ್ ಮತ್ತು ತ್ರಿಪುರಾ ಮಾಜಿ ಸಿಎಂ, ಬಿಜೆಪಿ ಸಂಸದ ಬಿಪ್ಲಬ್ ದೇವ್ ಮದುವೆ
- ಟಗರು ಸಿನಿಮಾ ಖ್ಯಾತಿಯ ತ್ರಿವೇಣಿ ರಾವ್ ಮತ್ತು ತ್ರಿಪುರಾ ಮಾಜಿ ಸಿಎಂ, ಬಿಜೆಪಿ ಸಂಸದ ಬಿಪ್ಲಬ್ ದೇವ್ ಮದುವೆ
- 'ಟಗರು' ಚಿತ್ರದಲ್ಲಿ ಕಾನ್ಸ್ಟೇಬಲ್ ಸರೋಜಾ ಪಾತ್ರ ನಿರ್ವಹಿಸಿದ್ದ ಸರೋಜಾ
- ಜೂನ್ 19 ರಂದು ಗೌಪ್ಯ ಮದುವೆ ಜೂನ್ 24 ರಂದು ಅಗರ್ತಲಾದಲ್ಲಿ ಆರತಕ್ಷತೆ
ಸಿನಿಮಾ: ಡಾ. ಶಿವರಾಜ್ಕುಮಾರ್ ಹಾಗೂ ನಟರಾಕ್ಷಸ ಡಾಲಿ ಧನಂಜಯ ನಟಿಸಿದ್ದ ಸೂಪರ್ ಹಿಟ್ ಟಗರು ಸಿನಿಮಾದಲ್ಲಿ ಕಾನ್ಸ್ಟೇಬಲ್ ಸರೋಜಾ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ತ್ರಿವೇಣಿ ರಾವ್, ತ್ರಿಪುರಾದ ಮಾಜಿ ಸಿಎಂ ಬಿಪ್ಲಬ್ ದೇವ್ (Tagaru Saroja Marries Biplab Deb) ಅವರನ್ನು ಮದುವೆಯಾಗಿದ್ದಾರೆ.
ಜೂನ್ 19 ರಂದು ಬಿಜೆಪಿ ಸಂಸದ ಬಿಪ್ಲನ್ ದೇವ್ ಹಾಗೂ ತ್ರಿವೇಣಿ ರಾವ್ ಖಾಸಗಿಯಾಗಿ ಮದುವೆಯಾಗಿದ್ದಾರೆಂದು ಹೇಳಲಾಗುತ್ತಿದೆ. ಇದೇ ಜೂನ್ 24 ರಂದು ಅಗರ್ತಲಾದ ಪಂಚತಾರಾ ಹೊಟೇಲ್ನಲ್ಲಿ ಆರತಕ್ಷತೆ ನಡೆಯಲಿದೆ ಎಂದು ಹೇಳಲಾಗುತ್ತಿದೆ.
ಮಾಜಿ ಮುಖ್ಯಮಂತ್ರಿಯ ಎರಡನೇ ಮದುವೆ!
ಈ ಜೋಡಿ ಮದುವೆ ವಿಷಯವನ್ನು ಆದಷ್ಟು ಗೌಪ್ಯವಾಗಿಟ್ಟಿದ್ದು, ಇಬ್ಬರೂ ಸಹ ತಾವು ಮದುವೆ ಆಗಿದ್ದೆವೆಂದು ಎಲ್ಲಿಯೀ ಅಧಿಕೃತವಾಗಿ ಹೇಳಿಕೊಂಡಿಲ್ಲ. ತ್ರಿಪುರಾದ ಮಾಜಿ ಸಿಎಂ ಬಿಪ್ಲಬ್ ದೇವ್ಗೆ ಇದು ಎರಡನೇ ಮದುವೆಯಾಗಿದೆ. ಇವರು ಈ ಮೊದಲು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಅಧಿಕಾರಿಯಾಗಿದ್ದ ನೀತಿ ದೇವ್ ಎನ್ನುವವರನ್ನು ಮದುವೆಯಾಗಿದ್ದರು.
ಇಪ್ಪತ್ತು ವರ್ಷ ಸಂಸಾರ ನಡೆಸಿದ್ದ ಇವರಿಗೆ ಇಬ್ಬರು ಮಕ್ಕಳಿದ್ದಾರೆ. 2025 ರಲ್ಲಿ ನೀತಿ ದೇವ್ಗೆ ವಿಚ್ಛೇದನ ನೀಡಿದ್ದ ಸಂಸದ ಸುಮಾರು 11 ಕೋಟಿ ಜೀವನಾಂಶ ನೀಡಿದ್ದರೆಂದು ವರದಿಯಾಗಿತ್ತು.
ಮೌನ ಮುರಿಯದ ತ್ರಿವೇಣಿ!
ಸೋಷಿಯಲ್ ಮೀಡಿಯಾನಲ್ಲಿ ಅಷ್ಟೊಂದು ಸಕ್ರೀಯವಿರದ ನಟಿ ತ್ರಿವೇಣಿ ರಾವ್ ತಮ್ಮ ಮದುವೆ ಬಗ್ಗೆ ಇಲ್ಲಿವರೆಗೆ ಯಾವುದೇ ಸ್ಪಷ್ಟನೆ ನೀಡಿಲ್ಲ. ಆದರೆ ಇನ್ನೇನು ಕೆಲವೇ ದಿನಗಳಲ್ಲಿ ಇದು ಕೇವಲ ವದಂತಿಯೋ ಅಥವಾ ಗೌಪ್ಯ ಮದುವೆಯೋ ಎಂದು ಜಗಜ್ಜಾಹೀರಾಗಲಿದೆ.
ಟಗರು ಸಿನಿಮಾದಲ್ಲಿ ಮಿಂಚಿದ್ದ ತ್ರಿವೇಣಿ
ದುನಿಯಾ ಸೂರಿ ನಿರ್ದೇಶನದ ಡಾ. ಶಿವರಾಜ್ ಕುಮಾರ್ ನಾಯಕ ನಟನಾಗಿ ಹಾಗೂ ಡಾಲಿ ಧನಂಜಯ್ ವಿಲನ್ನಾಗಿ ಕಾಣಿಸಿಕೊಂಡಿದ್ದ ಟಗರು ಸಿನಿಮಾದಲ್ಲಿ ಸರೋಜಾ ಎಂಬ ಪೊಲೀಸ್ ಪಾತ್ರದಲ್ಲಿ ತ್ರಿವೇಣಿ ರಾವ್ ಕಾಣಿಸಿಕೊಂಡಿದ್ದರು. ಸಿನಿಮಾ ಬಿಡುಗಡೆಯಾಗಿದ್ದ ಸಮಯದಲ್ಲಿ ಈ ಪಾತ್ರ ಸಖತ್ ಫೇಮಸ್ ಆಗಿತ್ತು.
ಈ ಸಿನಿಮಾ ಮೂಲಕವೇ ಧನಂಜಯನಿಗೆ 'ಡಾಲಿ' ಎಂದ ಟ್ಯಾಗ್ ದೊರೆತ್ತಿದ್ದು, 2018 ರಲ್ಲಿ ತೆರೆಕಂಡಿದ್ದ ಈ ಸಿನಿಮಾದಲ್ಲಿ ಶಿವಣ್ಣ, ಧನಂಜಯನ ಜೊತೆಗೆ ಭಾವನಾ ಮೆನನ್, ವಸಿಷ್ಟ ಸಿಂಹ, ಮಾನ್ವಿತಾ ಕಾಮತ್, ದೇವರಾಜ್ ಜೊತೆಗೆ ತ್ರಿವೇಣಿ ರಾವ್ ಕೂಡ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು, (ಏಜನ್ಸೀಸ್).