ಬರೇಲಿ: ಪ್ರಿಯಕರನಿಗಾಗಿ ಗಂಡ ಮತ್ತ ಮಕ್ಕಳನ್ನು ತೊರೆದಿದ್ದ ಮಹಿಳೆಯನ್ನು ಆತನು ಮನೆಬಿಟ್ಟು ಹೊರಹಾಕಿರುವ ಘಟನೆ ಉತ್ತರಪ್ರದೇಶದ ಬರೇಲಿ ಬಳಿ ನಡೆದಿದೆ.
ಘಟನೆಗೆ ಸಂಬಂಧಿಸಿದಂತೆ ಬರೇಲಿ ನಗರದ ನಿವಾಸಿ ಮಹಿಳೆಯೊಬ್ಬಳು ಕಾನ್ ಸ್ಟೇಬಲ್ ವಿರುದ್ಧ ಗಂಭೀರ ಆರೋಪ ಮಾಡಿದ್ದಾಳೆ. 24 ಬೆಟಾಲಿಯನ್ ಪಿಎಸಿ ಮೊರಾದಾಬಾದ್ನಲ್ಲಿ ನಿಯೋಜಿಸಲಾದ ಕಾನ್ಸ್ಟೆಬಲ್ ವಿಪಿನ್ ಎಂಬಾತನ ವಿರುದ್ಧ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾಳೆ.
ಇದನ್ನೂ ಓದಿ: ಏಕಾಏಕಿ ಬ್ಯಾಲೆನ್ಸ್ ತಪ್ಪಿ 8ನೇ ಮಹಡಿಯಿಂದ ಬಿದ್ದ ತಂದೆ, ಮಗಳ ದಾರುಣ ಸಾವು..
ವಿಪಿನ್ ಮತ್ತು ತಾನು ಐದು ವರ್ಷಗಳ ಕಾಲ ಲಿವ್-ಇನ್ನಲ್ಲಿ ಇದ್ದೆವು. ವಿಪಿನ್ ತನ್ನನ್ನು ಮದುವೆಯಾಗುವುದಾಗಿ ಭರವಸೆ ನೀಡಿದ್ದ, ಈ ಬಗ್ಗೆ ಮಹಿಳೆ ವಿಪಿನ್ ಬಳಿ ಮತ್ತೊಮ್ಮೆ ಮಾತನಾಡಿದಾಗ ಆಕೆಗೆ ಥಳಿಸಿ ಮನೆಯಿಂದ ಹೊರ ಹಾಕಿದ್ದಾನೆ ಎಂದು ಮಹಿಳೆ ಆರೋಪಿಸಿದ್ದಾಳೆ. ತಾನು ಈಗಾಗಲೇ ಮದುವೆಯಾಗಿ ಎರಡು ಮಕ್ಕಳ ತಾಯಿಯಾಗಿದ್ದೇನೆ. ಆದರೆ ವಿಪಿನ್ ಸಲುವಾಗಿ ಪತಿ ಮತ್ತು ಮಕ್ಕಳನ್ನು ಬಿಟ್ಟು ಬರೇಲಿಯಲ್ಲಿ ಒಟ್ಟಿಗೆ ವಾಸಿಸುತ್ತಿದ್ದೇನೆ ಎಂದು ಮಹಿಳೆ ಹೇಳಿದ್ದಾಳೆ.
ಮಹಿಳೆಯ ದೂರಿನ ಮೇರೆಗೆ ಕಾನ್ಸ್ಟೆಬಲ್ ವಿರುದ್ಧ ಎಫ್ಐಆರ್ ದಾಖಲಿಸಲಾಗಿದ್ದು, ಈ ಕುರಿತು ತನಿಖೆ ನಡೆಸಲಾಗುತ್ತಿದೆ. ಆತನ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದು ಎಂದು ಪೊಲೀಸರು ತಿಳಿಸಿದ್ದಾರೆ.(ಏಜೆನ್ಸೀಸ್)