ಪಟನಾ: ಮಹಿಳೆಯೊಬ್ಬಳನ್ನು ಆಕೆಯ ಪತಿರಾಯ ಜುಟ್ಟು ಹಿಡಿದು ಊರೆಲ್ಲಾ ಎಳೆದಾಡಿ ಥಳಿಸಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಘಟನೆಯು ಬಿಹಾರದ ವೈಶಾಲಿ ಜಿಲ್ಲೆಯ ಹುಸೈನಾ ಖುರ್ದ್ ಗ್ರಾಮದಲ್ಲಿ ಜೂನ್ 24ರಂದು ನಡೆದಿದ್ದು, ವಿಡಿಯೋ ವೈರಲ್ ಆದ ಬಳಿಕ ಘಟನೆ ಬೆಳಕಿಗೆ ಬಂದಿದೆ.
ಜೂನ್ 25ಕ್ಕೆ ನಿಗದಿಯಾಗಿದ್ದ ತನ್ನ ಪತಿಯ ಎರಡನೇ ಮದುವೆ ವಿಚಾರ ಮುಂಚೆಯೇ ಮಹಿಳೆಗೆ ತಿಳಿಯುತ್ತದೆ. ಇದರಿಂದ ಆಕ್ರೋಶಗೊಂಡ ಮಹಿಳೆ ಈಗಾಗಲೇ ತನ್ನ ಪತಿಗೆ ಅಧಿಕೃತವಾಗಿ ಮದುವೆಯಾಗಿದೆ ಎಂದು ಎಲ್ಲರ ಎದುರು ಹೇಳುತ್ತಾಳೆ. ಈ ವಿಚಾರ ವಧುವಿನ ಮನೆಯವರಿಗೆ ತಿಳಿದು ಮದುವೆಯನ್ನು ರದ್ದು ಮಾಡುತ್ತಾರೆ.
ಇದರಿಂದ ಕುಪಿತಗೊಂಡ ಪತಿರಾಯ ಮಹಿಳೆಯನ್ನು ಆಟೋ ರಿಕ್ಷಾದಿಂದ ಹೊರಗೆಳೆದು ದೈಹಿಕವಾಗಿ ಹಲ್ಲೆ ಮಾಡುತ್ತಾನೆ. ಬಳಿಕ ಆಕೆಯ ಜುಟ್ಟು ಹಿಡಿದು ಊರೆಲ್ಲ ಎಳೆದಾಡಿ ಥಳಿಸುತ್ತಾನೆ. ಈ ವೇಳೆ ಪಾಪಿ ಪತಿಯ ನೆರವಿಗೆ ಕೆಲ ಸ್ಥಳೀಯರು ಸಹ ಸಾಥ್ ನೀಡಿ ಆಕೆಯನ್ನು ಕೊಠಡಿಯೊಂದರಲ್ಲಿ ಕೂಡಿ ಹಾಕುತ್ತಾರೆ.
ಸಂತ್ರಸ್ತೆ ಮಹಿಳೆಯನ್ನು ಮುಜಾಫರ್ ನಗರದವಳೆಂದು ಗುರುತಿಸಲಾಗಿದೆ. ಆಕೆಯ ಮೇಲೆ ಹಲ್ಲೆ ಮಾಡಿದವರ ಗುರುತಿನ್ನು ಪತ್ತೆಯಾಗಿಲ್ಲ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ಆರಂಭಿಸಿದ್ದಾರೆ. (ಏಜೆನ್ಸೀಸ್) (ವಿಡಿಯೋ ಕೃಪೆ: ಡೈಲಿ ಮೇಲ್)