Hindenburg Research: ಈ ಹಿಂದೆ ಅದಾನಿ ಗ್ರೂಪ್ ಆಫ್ ಕಂಪನಿ ವಿರುದ್ಧ ತನ್ನ ಸ್ಫೋಟಕ ವರದಿಗಳ ಮೂಲಕ ದೊಡ್ಡ ಸಮರವೇ ಸಾರಿದ್ದ ಅಮೆರಿಕಾ ಮೂಲದ ಹೆಸರಾಂತ ಶಾರ್ಟ್ ಸೆಲ್ಲರ್ ಹಿಂಡೆನ್ಬರ್ಗ್ ರಿಸರ್ಚ್, ಇದೀಗ ದಿಢೀರ್ ಎಂಬಂತೆ ತನ್ನೆಲ್ಲಾ ಕಾರ್ಯಾಚರಣೆಗಳನ್ನು ಸ್ಥಗಿತಗೊಳಿಸುವುದಾಗಿ ತಿಳಿಸಿದೆ.
ಅದಾನಿ ಸಮೂಹ ವಿರುದ್ಧ ಸಾಲು ಸಾಲು ಆರೋಪಗಳನ್ನು ಹೊರಿಸಿದ್ದ ಹಿಂಡೆನ್ಬರ್ಗ್ ವರದಿಗಳು, ಅಂದಿನ ಮಟ್ಟಕ್ಕೆ ಜಾಲತಾಣಗಳಲ್ಲಿ ದೊಡ್ಡ ವಿವಾದವನ್ನೇ ಹುಟ್ಟುಹಾಕಿತ್ತು. ಈ ವಿಷಯ ಭಾರೀ ಚರ್ಚೆಗೆ ಗ್ರಾಸವಾಗಿ, ಅದಾನಿ ಷೇರುಗಳ ಮೇಲೆ ತೀವ್ರ ಪರಿಣಾಮ ಬೀರಿತ್ತು. ಇಂತಹ ಹಿಂಡೆನ್ಬರ್ಗ್ ರಿಸರ್ಚ್ ಇದೀಗ ತನ್ನ ಸಂಸ್ಥೆಯನ್ನು ಮುಚ್ಚುವುದಾಗಿ ಹೇಳಿರುವುದು ಅನೇಕರಲ್ಲಿ ಅನುಮಾನ ಹುಟ್ಟುಹಾಕಿದೆ. ಇದಕ್ಕೆ ಸಂಬಂಧಿಸಿದಂತೆ ಸೋಷಿಯಲ್ ಮೀಡಿಯಾದಲ್ಲಿ ಸಾಕಷ್ಟು ವದಂತಿಗಳು ಕೂಡ ಹರಿದಾಡಿವೆ.
ಈ ಗೊಂದಲಗಳಿಗೆ ಸ್ವತಃ ಹಿಂಡೆನ್ಬರ್ಗ್ ಸಂಸ್ಥಾಪಕ ನಾಥನ್ ಆಂಡರ್ಸನ್ ಸ್ಪಷ್ಟನೆ ನೀಡಿದ್ದು, "2017ರಲ್ಲಿ ತನ್ನ ರಿಸರ್ಚ್ ಆರಂಭಿಸಿದ್ದ ಹಿಂಡೆನ್ಬರ್ಗ್ ಸಂಸ್ಥೆ, ಕಳೆದ ವರ್ಷಗಳಲ್ಲಿ ಎದುರಿಸಿದ ಒಂದಷ್ಟು ಚರ್ಚೆಗಳು ಮತ್ತು ಚಿಂತನೆಗಳ ಬಳಿಕ ಮುಚ್ಚುವ ನಿರ್ಧಾರವನ್ನು ಕೈಗೊಳ್ಳಲಾಗಿದೆ" ಎಂದು ಹೇಳಿದ್ದಾರೆ.
ಹಿಂಡೆನ್ಬರ್ಗ್ ರಿಸರ್ಚ್ ಸಂಸ್ಥೆ ತನ್ನ ಸ್ಫೋಟಕ ವರದಿಗಳನ್ನು ಮುಂದಿಡುವ ಮೂಲಕ ದೊಡ್ಡ ದೊಡ್ಡ ಸಂಸ್ಥೆಗಳನ್ನು ಟಾರ್ಗೆಟ್ ಮಾಡಿ, ಅದರ ಷೇರುಗಳನ್ನು ನೆಲಕಚ್ಚುವಂತೆ ಮಾಡಿದ್ದು ಮರೆಯಲಾಗದು. ಅಸಲಿಗೆ ಕಳೆದ 7 ವರ್ಷಗಳಲ್ಲಿ ಯಾವೆಲ್ಲಾ ದೊಡ್ಡ ಸಂಸ್ಥೆಗಳನ್ನು ಹಿಂಡೆನ್ಬರ್ಗ್ ತನ್ನ ವರದಿಯಲ್ಲಿ ಬೆನ್ನುಬಿಡದ ಬೇತಾಳದಂತೆ ಕಾಡಿತ್ತು ಎಂಬುದರ ವಿವರ ಹೀಗಿದೆ ನೋಡಿ.
1. ಅದಾನಿ ಸಾಗಾ (2023)
2. ಸೆಬಿ ಮುಖ್ಯಸ್ಥರ ವಿರುದ್ಧದ ಆರೋಪಗಳು (2023)
3. ನಿಕೋಲಾ ಕಾರ್ಪೊರೇಷನ್ (2020)
4. ಇಕಾನ್ ಎಂಟರ್ಪ್ರೈಸಸ್ ಎಲ್ಪಿ ಪ್ರಕರಣ (2023 - 2024)
5. ಬ್ಲಾಕ್ ಇಂಕ್ ವಿರುದ್ಧದ ಆರೋಪಗಳು (2023)
6. ದಿ ಟ್ವಿಟರ್ ಟೇಲ್ (2022)
7. ಜೆ & ಜೆ ಪರ್ಚೇಸಿಂಗ್ ಪೊಂಜಿ ಪ್ರಾಜೆಕ್ಟ್ (2022), (ಏಜೆನ್ಸೀಸ್).