ಮುಂಬೈ: ಕರೊನಾ ಇನ್ನೇನು ಹೋಗೇ ಬಿಟ್ಟಿತು, ಮಾಸ್ಕ್ನೆಲ್ಲ ಗಾಳಿಗೆ ತೂರಿ, ನೆಮ್ಮದಿಯಿಂದ ಸುತ್ತಾಡೋಣ ಎನ್ನುವ ಭ್ರಮೆಯಲ್ಲಿ ನೀವಿದ್ದರೆ, ಸದ್ಯಕ್ಕೆ ಅದನ್ನು ಮರೆತುಬಿಡಿ. ಏಕೆಂದರೆ ಇನ್ನು ಆರು ತಿಂಗಳ ಕಾಲ ಮಾಸ್ಕ್ ಬಳಕೆ ಕಡ್ಡಾಯ. ಹಾಗೆಂದು ಹೇಳಿ ಮಹಾರಾಷ್ಟ್ರದ ರಾಜ್ಯ ಸರ್ಕಾರ ಆದೇಶ ಹೊರಡಿಸಿದೆ.
ಮಹಾರಾಷ್ಟ್ರದಲ್ಲಿ ಕರೊನಾ ನಿಯಂತ್ರಣದಲ್ಲಿದೆ. ಆದರೆ ಸಂಪೂರ್ಣವಾಗಿ ಎಂದು ಹೇಳಲಾಗುವುದಿಲ್ಲ. ಕರೊನಾ ಬಂದ ಮೇಲೆ ಗುಣಪಡಿಸುವುದಕ್ಕಿಂತ, ಅದು ಬಾರದಿರುವಂತೆ ನೋಡಿಕೊಳ್ಳುವುದೇ ಒಳಿತು. ತಜ್ಞರು ರಾತ್ರಿ ಕರ್ಫ್ಯೂ ಅಥವಾ ಇನ್ನೊಂದು ಲಾಕ್ ಡೌನ್ ಜಾರಿಗೊಳಿಸಲು ಸಲಹೆ ನೀಡಿದ್ದಾರೆ. ಆದರೆ ನಾವು ಹಾಗೆ ಮಾಡುವುದಿಲ್ಲ. ಆದರೆ ಇನ್ನು ಕನಿಷ್ಠ ಆರು ತಿಂಗಳ ಕಾಲ ರಾಜ್ಯದ ಜನರು ಮಾಸ್ಕ್ ಬಳಕೆ ಕಡ್ಡಾಯ ಮಾಡಿಕೊಳ್ಳಬೇಕು ಎಂದು ಮುಖ್ಯಮಂತ್ರಿ ಉದ್ಧವ್ ಠಾಕ್ರೆ ಹೇಳಿದ್ದಾರೆ. (ಏಜೆನ್ಸೀಸ್)