ಮದುವೆ ಸಮಾರಂಭದಲ್ಲಿ ಇತ್ತೀಚೆಗೆ ಡಿಜೆ ಮಿಸ್ ಆಗುವುದೆ ಇಲ್ಲ. ದಿನದಿಂದ ದಿನಕ್ಕೆ ಡಿಜೆ ಕ್ರೇಜ್ ಹೆಚ್ಚುತ್ತಲೆ ಇದೆ. ಮದುವೆ ಮನೆಯಲ್ಲೆ ಆದರೂ ಒಂದು ನಿಗದಿತ ಸ್ಥಳದಲ್ಲಿ ಡಿಜೆ ಆಯೋಜಿಸುತ್ತಾರೆ. ಆದರೆ ನೀವು ಎಂದಾದರೂ 'ಎಕ್ಸ್ಎಲ್ ಬೈಕ್ ಡಿಜೆ' ನೋಡಿದ್ದೀರಾ? ಇಲ್ಲ ಎಂದರೆ ನಿಮಗೆ ಅವಕಾಶವಿದೆ. ಹೇಗೆ ಎಂದು ಆಲೋಚಿಸುತ್ತಿದ್ದೀರಾ. ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋವೊಂದು ವೈರಲ್ ಆಗುತ್ತಿದೆ. ಅದರಲ್ಲಿ ನೀವು ಎಕ್ಸ್ಎಲ್ ಬೈಕ್ ಡಿಜೆಯನ್ನು ಖಂಡಿತವಾಗಿಯೂ ನೋಡಬಹುದು. (Viral Video)
ಇದನ್ನು ಓದಿ: ಪುಸ್ತಕ ಓದುತ್ತಾ ಗರ್ಬಾಗೆ ಸ್ಟೆಪ್ಸ್; ಹುಡುಗನ ವರ್ತನೆಗೆ ನೆಟ್ಟಿಗರು ಹೇಳಿದ್ದು ಹೀಗೆ.. | Viral Video
ವೈರಲ್ ಆಗಿರುವ ವಿಡಿಯೋದಲ್ಲಿ ಎಕ್ಸ್ಎಲ್ ಬೈಕ್ ಅಥವಾ ಮೊಪೆಡ್ನ ಹಿಂದಿನ ಸೀಟಿನಲ್ಲಿ ಎರಡು ದೊಡ್ಡ ಸ್ಪೀಕರ್ಗಳನ್ನು ಒಂದರ ಹಿಂದೆ ಒಂದರಂತೆ ಕಟ್ಟಿರುವುದನ್ನು ನೋಡಬಹುದು. ಅದರ ಜತೆಗೆ ಅದ್ಭುತವಾಗಿ ಲೈಟ್ಗಳನ್ನು ಅಳವಡಿಸಲಾಗಿದೆ. ಸಾಂಗ್ನೊಂದಿಗೆ ಲೈಟ್ಗಳು ಹೊಂದಾಣಿಕೆಯಾಗಿ ಕಾಣಿಸುತ್ತದೆ. ಪ್ರಸ್ತುತ ಮೊಪೆಡ್ ಡಿಜೆಗೆ ಜಾಲತಾಣದಲ್ಲಿ ಅತಿ ಹೆಚ್ಚು ಕ್ರೇಜ್ ಇದೆ. ಬೈಕ್ನ ನಂಬರ್ ಪ್ಲೇಟ್ನಿಂದ ಈ ವಿಡಿಯೋ ಎಪಿ ಅಂದರೆ ಆಂಧ್ರಪ್ರದೇಶದ್ದು ಇರಬಹುದೆಂದು ಊಹಿಸಲಾಗಿದೆ.
ವೈರಲ್ ಆಗಿರುವ ಈ ವಿಡಿಯೋವನ್ನು ಇದುವರೆಗೂ 6.6 ಮಿಲಿಯನ್ ಮಂದಿ ವೀಕ್ಷಿಸಿದ್ದಾರೆ. ಹಾಗೂ 3 ಲಕ್ಷ 16 ಸಾವಿರಕ್ಕೂ ಹೆಚ್ಚು ಮಂದಿ ಲೈಕ್ ಮಾಡಿದ್ದಾರೆ. ನೆಟ್ಟಿಗರು ಪ್ರತಿಕ್ರಿಯಿಸುತ್ತಿದ್ದು, ಎಕ್ಸ್ಎಲ್ ಬೈಕ್ ಅಲ್ಲ ಆದರೆ ಡಿಜೆ ವಾಹನ, ಮಿನಿ ಡಿಜೆ, ಒಂದು ರಾತ್ರಿಗೆ ಹಣವೆಷ್ಟು, ನಾನು ನನ್ನ ಸ್ನೇಹಿತನ ಮದುವೆಗೆ ಡಿಜೆ ಬುಕ್ ಮಾಡಲು ಬಯಸುತ್ತೇನೆ, ದಯವಿಟ್ಟು ನಿಮ್ಮ ನಂಬರ್ ಹಂಚಿಕೊಳ್ಳಿ ಎಂದು ಕಾಮೆಂಟ್ ಮಾಡುತ್ತಿದ್ದಾರೆ.