ಬೀಜಿಂಗ್: ವಿವಿಧ ಸ್ಪರ್ಧೆಗಳಲ್ಲಿ ಭಾಗವಹಿಸಿ ದೊಡ್ಡ ಮೊತ್ತದ ಹಣವನ್ನು ಗಳಿಸಿರುವ ಸುದ್ದಿಯನ್ನು ಆಗಾಗ್ಗೆ ನೋಡುತ್ತಿರುತ್ತೇವೆ. ಇಂತಹ ಹಲವು ಸುದ್ದಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು ಅಚ್ಚರಿ ಮೂಡಿಸುತ್ತಿವೆ. ಚೀನಾದಿಂದ ಇಂಥದ್ದೊಂದು ಸುದ್ದಿ ವೈರಲ್(Viral Post) ಆಗಿದೆ. ವಾಸ್ತವವಾಗಿ ಚೀನಾದ ಮಹಿಳೆಯೊಬ್ಬರು ವಿಚಿತ್ರ ಸ್ಪರ್ಧೆಯಲ್ಲಿ 10 ಸಾವಿರ ಯುವಾನ್ (ಸುಮಾರು 1.2 ಲಕ್ಷ ರೂ.) ನಗದು ಬಹುಮಾನವನ್ನು ಗೆದ್ದಿದ್ದಾರೆ. ಈ ಸ್ಪರ್ಧೆಯಲ್ಲಿ ಮೊಬೈಲ್ ಬಳಸುವಂತಿಲ್ಲ ಎಂಬುದೇ ಕುತೂಹಲಕಾರಿಯಾಗಿ ವಿಷಯವಾಗಿದೆ.
ಈ ಸ್ಪರ್ಧೆಯನ್ನು ಚಾಂಗ್ಕಿಂಗ್ ಪುರಸಭೆಯ ಮಾರಾಟ ವ್ಯವಸ್ಥಾಪಕರು ಆಯೋಜಿಸಿದ್ದಾರೆ. ಈ ಸ್ಪರ್ಧೆಯಲ್ಲಿ ಭಾಗವಹಿಸಲು 100ಕ್ಕೂ ಹೆಚ್ಚು ಅರ್ಜಿಗಳು ಬಂದಿದ್ದವು. ಇದನ್ನು ಮಾಲ್ನ ಒಳಗಿನ ಹಾಸಿಗೆ ಅಂಗಡಿಯಲ್ಲಿ ನಡೆಸಲಾಯಿತು, ಇದರಲ್ಲಿ ಭಾಗವಹಿಸುವವರು ಆತಂಕವನ್ನು ತೋರಿಸಬಾರದ ಹಾಗೂ ಫೋನ್ ಬಳಸುವಂತಿಲ್ಲ ಎಂದು ಹೇಳಲಾಗಿತ್ತು.
ವರದಿಯ ಪ್ರಕಾರ ಪ್ರತಿಯೊಬ್ಬರೂ ಹಾಸಿಗೆಯ ಮೇಲೆ ಎಂಟು ಗಂಟೆಗಳ ಕಾಲ ಮಲಗಬೇಕು ಮತ್ತು ಫೋನ್ ಅಥವಾ ಲ್ಯಾಪ್ಟಾಪ್, ಟ್ಯಾಬ್ಲೆಟ್ ಸೇರಿದಂತೆ ಯಾವುದೇ ಎಲೆಕ್ಟ್ರಾನಿಕ್ ಸಾಧನಗಳನ್ನು ಬಳಸಬಾರದು. ಸೌತ್ ಚೀನಾ ಮಾರ್ನಿಂಗ್ ಪೋಸ್ಟ್ ಪ್ರಕಾರ, 100 ಅರ್ಜಿದಾರರಲ್ಲಿ 10 ಜನರನ್ನು ಭಾಗವಹಿಸಲು ಕರೆಯಲಾಗಿದೆ. ಪೈಪೋಟಿ ಶುರುವಾದ ಕೂಡಲೇ ಫೋನ್ ಸರೆಂಡರ್ ಮಾಡಬೇಕಾಗಿತ್ತು ಮತ್ತು ತುರ್ತು ಸಂದರ್ಭದಲ್ಲಿ ಬಳಸಲು ಕರೆ ಮಾಡುವ ಸಾಧನವನ್ನು ನೀಡಲಾಯಿತು.
ಭಾಗವಹಿಸುವವರು ಹಾಸಿಗೆಯ ಮೇಲೆ ಕುಳಿತು ತಿನ್ನಬೇಕು ಮತ್ತು ಕುಡಿಯಬೇಕು. ಐದು ನಿಮಿಷಗಳಿಗಿಂತ ಹೆಚ್ಚು ಕಾಲ ಶೌಚಗೃಹದ ವಿರಾಮಗಳನ್ನು ತೆಗೆದುಕೊಳ್ಳುವಂತಿಲ್ಲ. ಯಾರೂ ಗಾಢವಾಗಿ ಮಲಗಬಾರದು ಅಥವಾ ಆತಂಕದ ಲಕ್ಷಣಗಳನ್ನು ತೋರಿಸಬಾರದು ಎಂಬುದು ಸ್ಪರ್ಧೆಯ ಮತ್ತೊಂದು ನಿಯಮವಾಗಿತ್ತು.
ನಿದ್ರೆಯ ಗುಣಮಟ್ಟ ಮತ್ತು ಭಾವನಾತ್ಮಕ ಸ್ಥಿತಿಯನ್ನು ಅಳೆಯಲು ಮಣಿಕಟ್ಟಿನ ಸುತ್ತಲೂ ಪಟ್ಟಿಗಳನ್ನು ಕಟ್ಟಲಾಗಿತ್ತು. ಈ ಸ್ಪರ್ಧೆಯಿಂದ ಒಬ್ಬೊಬ್ಬರಾಗಿ 9 ಜನರು ಹೊರಬಿದ್ದಿದ್ದಾರೆ ಆದರೆ ಒಬ್ಬ ಮಹಿಳೆ 100 ರಲ್ಲಿ 88.99 ಅಂಕಗಳನ್ನು ಗಳಿಸುವ ಮೂಲಕ ವಿಜೇತರಾದರು. ಮಹಿಳೆಯೂ ಗಾಢ ನಿದ್ರೆಗೆ ಒಳಗಾಗಲಿಲ್ಲ, ಅವಳು ಹಾಸಿಗೆಯ ಮೇಲೆಯೇ ಸಾಕಷ್ಟು ಸಮಯವನ್ನು ಕಳೆದಿದ್ದಳು. ಅವಳು ವಾಶ್ರೂಮ್ನಲ್ಲಿ ಬಹಳ ಕಡಿಮೆ ಸಮಯವನ್ನು ತೆಗೆದುಕೊಂಡಳು ಎಂದು ಸಂಘಟಕರು ಹೇಳಿದರು.
ಮಹಿಳೆ ತನ್ನ ಬಿಡುವಿನ ವೇಳೆಯಲ್ಲಿ ಮಕ್ಕಳಿಗೆ ಯಾವಾಗಲೂ ಫೋನ್ ಅಥವಾ ಎಲೆಕ್ಟ್ರಾನಿಕ್ ಸಾಧನಗಳ ಬಳಕೆಯನ್ನು ಕಡಿಮೆ ಮಾಡಲು ಏನು ಮಾಡಬೇಕೆಂದು ಹೇಳುತ್ತಿದ್ದಳು. ಇದರಿಂದ ಆಕೆಗೆ ಸ್ಪರ್ಧೆಯಲ್ಲಿ ಗೆಲ್ಲಲ್ಲು ಸುಲಭವಾಯಿತು ಎಂದು ಹೇಳುತ್ತಾರೆ.(ಏಜೆನ್ಸೀಸ್)