ಧರ್ಮಶಾಲಾ: ಗಿರಿಧಾಮಗಳಲ್ಲಿರುವ ಹೋಟೆಲ್ ಮತ್ತು ರೆಸ್ಟೋರೆಂಟ್ಗಳಲ್ಲಿ ಆಹಾರ ದುಬಾರಿಯಾಗಿದೆ. ಆದರೆ ಬೆಲೆಗೆ ತಕ್ಕಂತೆ ಆಹಾರ ಗುಣಮಟ್ಟವಿಲ್ಲದಿದ್ದರೆ ಗ್ರಾಹಕರು ಆಕ್ಷೇಪ ವ್ಯಕ್ತಪಡಿಸುವುದು ಸಹಜ. ಇಂತಹದೊಂದು ಪೋಸ್ಟ್ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ(Viral Post).
ವೈರಲ್ ಪೋಸ್ಟ್ನಲ್ಲಿ ಹಿಮಾಚಲ ಪ್ರದೇಶದಿಂದ 2 ಗಂಟೆ ಪ್ರಯಾಣಿಸಬಹುದಾದ ದೂರದಲ್ಲಿರುವ ನರಕಂದ ರೆಸ್ಟೋರೆಂಟ್ ಹೋಟೆಲ್ನ ಮೆನು ಕಾರ್ಡ್ ಅನ್ನು ನೋಡಬಹುದು. ಅದರಲ್ಲಿ ಸರಳ ತಿನಿಸುಗಳಿಗೂ 600 ರಿಂದ 750 ರೂಪಾಯಿ ವಿಧಿಸಿರುವುದನ್ನು ನೀವು ಕಾಣಬಹುದು.
ಮೆನು ಕಾರ್ಡ್ ನೋಡಿದರೆ ಮಧ್ಯಮ ವರ್ಗದವರು ಆಹಾರದ ಬೆಲೆ ನೋಡಿ ಬೆವರು ಸುರಿಸುವಂತಾಗಿದೆ. ಗಿರಿಧಾಮದಲ್ಲಿ ತಂಗುವ ಉದ್ದೇಶದಿಂದ ತೆರಳುವ ಪ್ರವಾಸಿಗರು ಕೂಡ ಇಷ್ಟು ದುಬಾರಿ ಆಹಾರವನ್ನು ದೀರ್ಘಕಾಲ ಖರೀದಿಸಲು ಸಾಧ್ಯವಿಲ್ಲ. ಈ ಪೋಸ್ಟ್ ವೈರಲ್ ಆದ ನಂತರ ಜಾಲತಾಣದಲ್ಲಿ ದುಬಾರಿ ಆಹಾರದ ಬಗ್ಗೆ ಚರ್ಚೆ ಹುಟ್ಟಿಕೊಂಡಿದೆ.
ನರಕಂದದಲ್ಲಿರುವ ಹೋಟೆಲ್ನ ಮೆನು ಕಾರ್ಡ್ನಲ್ಲಿರುವ ಭಕ್ಷ್ಯಗಳ ಬೆಲೆಗಳ ಬಗ್ಗೆ ಸಾಕಷ್ಟು ಪ್ರತಿಕ್ರಿಯೆಗಳು ವ್ಯಕ್ತವಾಗುತ್ತಿವೆ. ನಿಜವಾಗಿಯೂ ಹೋಟೆಲ್ಗಳು ಮತ್ತು ರೆಸ್ಟೋರೆಂಟ್ಗಳು ಭಾರತದಲ್ಲಿ ತುಂಬಾ ದುಬಾರಿಯಾಗಿದೆ, ಅಂತಾರಾಷ್ಟ್ರೀಯವಾಗಿ ಪ್ರಯಾಣಿಸುವಾಗ ಅತ್ಯುತ್ತಮ ಹೋಟೆಲ್ಗಳು ಮತ್ತು ರೆಸ್ಟೋರೆಂಟ್ಗಳು ಸಹ ಇಲ್ಲಿ ವಿಧಿಸುವುದಕ್ಕಿಂತ ಅಗ್ಗವಾಗಿವೆ, ಕ್ಷಮಿಸಿ ಆದರೆ ಜನರು ಭಾರತಕ್ಕಿಂತ ವಿದೇಶದಲ್ಲಿ ರಜಾದಿನಗಳನ್ನು ಕಳೆಯಲು ಇಷ್ಟಪಡುತ್ತಿದ್ದಾರೆ, ದಾಲ್ ತಡ್ಕಾಗೆ ₹650, ಬ್ರೆಡ್ಗೆ ₹100+, ಅನ್ನದ ಒಂದು ಭಾಗಕ್ಕೆ ₹450? ಸರಳ ಆಹಾರ ಭಕ್ಷ್ಯಗಳು ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣಕ್ಕೆ ಕಳುಹಿಸಲಾಗುತ್ತಿರುವಂತೆಯೇ ವೆಚ್ಚವಾಗುತ್ತದೆಯೇ ಎಂದು ಕಾಮೆಂಟ್ ಮಾಡಿದ್ದಾರೆ.(ಏಜೆನ್ಸೀಸ್)