ವಾಷಿಂಗ್ಟನ್: ಖಾಸಗಿ ಕಂಪನಿ ಮಾರಾಟ ಮಾಡುವ ಕೂದಲು ನೇರಗೊಳಿಸುವ ರಾಸಾಯನಿಕವನ್ನು ಬಳಸಿದ್ದರ ಪರಿಣಾಮ ಗರ್ಭಾಶಯದ ಕ್ಯಾನ್ಸರ್ ಬಂದಿದೆ ಎಂದು ಆರೋಪಿಸಿ ಅಮೆರಿಕ ಮೂಲದ ಮಹಿಳೆಯೊಬ್ಬಳು ಕಂಪನಿ ವಿರುದ್ಧ ನ್ಯಾಯಾಲಯದಲ್ಲಿ ದಾವೆ ಹೂಡಿರುವ ಪ್ರಕರಣ ವರದಿಯಾಗಿದೆ.
ಶುಕ್ರವಾರ (ಅ.21) ಕೋರ್ಟ್ನಲ್ಲಿ ಮೊಕದ್ದಮ್ಮೆ ದಾಖಲಿಸಿರುವುದಾಗಿ ಸಂತ್ರಸ್ತ ಮಹಿಳೆಯ ಪರ ವಕೀಲರು ತಿಳಿಸಿದ್ದಾರೆ.
ದಾವೆ ಹೂಡಿರುವ ಮಹಿಳೆಯ ಹೆಸರು ಜೆನ್ನಿ ಮಿಚೆಲ್. ಎರಡು ದಶಕಗಳಿಂದ ಖಾಸಗಿ ಕಂಪನಿಯ ಹೇರ್ ಪ್ರಾಡಕ್ಟ್ ಅನ್ನು ಬಳಸುತ್ತಿದ್ದಾಗಿ ಹೇಳಿಕೊಂಡಿದ್ದಾರೆ. ಇದೇ ಉತ್ಪನ್ನ ಗರ್ಭಾಶಯದ ಕ್ಯಾನ್ಸರ್ಗೆ ಕಾರಣವಾಗಿದೆ ಎಂದಿರುವ ಮಿಚೆಲ್, ಅನಿವಾರ್ಯತೆಯಿಂದಾಗಿ ಗರ್ಭಕೋಶವನ್ನು ತೆಗೆಸುವ ಚಿಕಿತ್ಸೆಗೆ ಒಳಗಾಗಬೇಕಾಯಿತು ಎಂದು ತಿಳಿಸಿದ್ದಾರೆ.
ವರ್ಷಕ್ಕೆ ನಾಲ್ಕಕ್ಕಿಂತ ಹೆಚ್ಚು ಬಾರಿ ಹೇರ್ ಪ್ರಾಡಕ್ಟ್ ಬಳಸುವ ಮಹಿಳೆಯರು, ಪ್ರಾಡಕ್ಟ್ ಬಳಸದವರಿಗಿಂತ ಗರ್ಭಾಶಯದ ಕ್ಯಾನ್ಸರ್ಗೆ ತುತ್ತಾಗುವ ಸಾಧ್ಯತೆ ಎರಡು ಪಟ್ಟು ಹೆಚ್ಚಿದೆ ಎಂಬುದು ಅಧ್ಯಯನದಿಂದ ತಿಳಿದುಬಂದಿದೆ. ಅಂದಹಾಗೆ ಗರ್ಭಾಶಯದ ಕ್ಯಾನ್ಸರ್ ತುಂಬಾ ಅಪರೂಪ, ಆದರೆ ಅಮೆರಿದಲ್ಲಿ ವಿಶೇಷವಾಗಿ ಕಪ್ಪು ಮಹಿಳೆಯರಲ್ಲಿ ಇದರ ಸಂಭವವು ಹೆಚ್ಚುತ್ತಿದೆ ಎಂದು ವರದಿಯಾಗಿದೆ.
ಶುಕ್ರವಾರ ಖಾಸಗಿ ಕಂಪನಿಯ ಅಮೆರಿಕ ಶಾಖೆಯ ವಿರುದ್ಧ ಸಂತ್ರಸ್ತೆ ದಾವೆ ಹೂಡಿದ್ದಾರೆ. ಅಂದಹಾಗೆ ಖಾಸಗಿಯು ಫ್ಯಾನ್ಸ್ ಮೂಲದ ದೈತ್ಯ ಕಾಸ್ಮೆಟಿಕ್ ಕಂಪನಿಯಾಗಿದೆ. ದಾವೆಗೆ ಸಂಬಂಧಿಸಿದಂತೆ ಖಾಸಗಿ ಕಂಪನಿ ಈವರೆಗೂ ಯಾವುದೇ ಪ್ರತಿಕ್ರಿಯೆಯನ್ನು ನೀಡಿಲ್ಲ. (ಏಜೆನ್ಸೀಸ್)