UAE Lottery: ಅಬುದಾಬಿಯಲ್ಲಿ ವಾಸಿಸುವ 29 ವರ್ಷದ ಭಾರತೀಯ ಅನಿಲ್ಕುಮಾರ್ ಬೊಮ್ಮಾ ಎಂಬ ವ್ಯಕ್ತಿ ತನ್ನ ತಾಯಿಯ ಬರ್ತಡೇ ಸಂಖ್ಯೆಯನ್ನು ಆರಿಸಿಕೊಂಡು ಅ. 18ರಂದು ನಡೆದ 23ನೇ ಲಕ್ಕಿ ಡೇ ಡ್ರಾದಲ್ಲಿ ಯುಎಇ ಲಾಟರಿಯ ಮೊದಲ ದಿರ್ಹಮ್ 100 ಮಿಲಿಯನ್ ( 240 ಕೋಟಿ ರೂ. ) ಜಾಕ್ಪಾಟ್ ಅನ್ನು ಗೆದ್ದಿದ್ದಾನೆ.
ಯುಎಇ ಲಾಟರಿಯು ವಿಜೇತರ ಸಂದರ್ಶನದ ವೀಡಿಯೊವನ್ನು X ನಲ್ಲಿ ಹಂಚಿಕೊಂಡಿದ್ದು, ನಿರೀಕ್ಷೆಯಿಂದ ಆಚರಣೆಯವರೆಗೆ, ಎಲ್ಲವನ್ನೂ ಬದಲಾಯಿಸಿದ ಬಹಿರಂಗಪಡಿಸುವಿಕೆ ಇದು. ಅನಿಲ್ಕುಮಾರ್ ಬೊಲ್ಲಾ 100 ಮಿಲಿಯನ್ ದಿರ್ಹಮ್ಗಳನ್ನು ಮನೆಗೆ ತೆಗೆದುಕೊಂಡರು. ನಾವು ಎಂದಿಗೂ ಮರೆಯಲಾಗದ ಅದೃಷ್ಟದ ದಿನ. ಅನಿಲ್ಕುಮಾರ್ಗೆ ಅಕ್ಟೋಬರ್ 18 ಕೇವಲ ಒಂದು ದಿನವಾಗಿರಲಿಲ್ಲ, ಅದು ಎಲ್ಲವನ್ನೂ ಬದಲಾಯಿಸಿದ ದಿನವಾಗಿತ್ತು. ಜೀವನವು ರೂಪಾಂತರಗೊಂಡಿತು ಮತ್ತು ನೀವು #DareToImagine ಮಾಡಿದಾಗ ಏನಾಗುತ್ತದೆ ಎಂಬುದರ ಜ್ಞಾಪನೆಯಾಗಿದೆ. ಅಭಿನಂದನೆಗಳು ಅನಿಲ್ಕುಮಾರ್ ಎಂದು ಟಿಪ್ಪಣಿ ಬರೆದಿದೆ.
ಇನ್ನೂ ವಿಡಿಯೋದಲ್ಲಿ ಅನಿಲ್ಕುಮಾರ್ ತಮ್ಮ ಲಾಟರಿ ಗೆಲುವಿನ ಸಂಭ್ರಮವನ್ನು ತೋರಿಸಲಾಗಿದೆ. ಅವರಿಗೆ ಚಿನ್ನದ ಕಾನ್ಫೆಟ್ಟಿಯಿಂದ ಅಭನಂದಿಸಿ, ಔಪಚಾರಿಕವಾಗಿ ಚೆಕ್ ಅನ್ನು ನೀಡಲಾಗಿದೆ.
ಅನಿಲ್ ಕುಮಾರ್ ತಮ್ಮ ಅದೃಷ್ಟ ಟಿಕೆಟ್ ಆಯ್ಕೆ ಮಾಡಿದ್ದನ್ನು ಹಂಚಿಕೊಂಡಿದ್ದು, ನಾನು ಯಾವುದೇ ಮ್ಯಾಜಿಕ್ ಅಥವಾ ಅಂತಹದ್ದೇನನ್ನೂ ಮಾಡಿಲ್ಲ. ಆದ್ದರಿಂದ ನಾನು ಈಸಿ ಪಿಕ್ ಅನ್ನು ಆರಿಸಿಕೊಂಡೆ. ಕೊನೆಯ ಸಂಖ್ಯೆ ತುಂಬಾ ವಿಶೇಷವಾಗಿದೆ. ಇದು ನನ್ನ ಅಮ್ಮನ ಹುಟ್ಟುಹಬ್ಬದ ಸಂಖ್ಯೆ ಎಂದು ಹೇಳಿದ್ದಾರೆ.
ಲಕ್ಕಿ ಡೇ ಡ್ರಾ ಗೆಲುವಿನ ಬಗ್ಗೆ ಗೊತ್ತಾದಾಗ ನಾನು ಸೋಪಾ ಮೇಲೆ ಕುಳಿತು ಆಘಾತಕ್ಕೊಳಗಾಗಿದ್ದೆ, ಮತ್ತು ಹೌದು, ನಾನು ಗೆದ್ದೆ ಎಂದು ನನಗೆ ಅನಿಸುತ್ತಿದೆ. ನಾನು ಈ ಮೊತ್ತವನ್ನು ಹೇಗೆ ಹೂಡಿಕೆ ಮಾಡಬೇಕು, ಸರಿಯಾದ ರೀತಿಯಲ್ಲಿ ಖರ್ಚು ಮಾಡಬೇಕು ಎಂಬುದರ ಕುರಿತು ಯೋಚಿಸುತ್ತಿದ್ದೆ. ಈ ಮೊತ್ತವನ್ನು ಗೆದ್ದ ನಂತರ, ನನ್ನ ಬಳಿ ಹಣವಿದೆ ಎಂದು ನನಗೆ ಅನಿಸಿತು. ಈಗ, ನನ್ನ ಆಲೋಚನೆಗಳ ಮೇಲೆ ಸರಿಯಾದ ರೀತಿಯಲ್ಲಿ ಕೆಲಸ ಮಾಡಬೇಕಾಗಿದೆ. ಮತ್ತು ನಾನು ದೊಡ್ಡದನ್ನು ಮಾಡಲು ಬಯಸುತ್ತೇನೆ. ಗೆಲುವಿನ ಒಂದು ಭಾಗವನ್ನು ದಾನ ಮಾಡುತ್ತೇನೆ ಎಂದು ತಿಳಿಸಿದ್ದಾರೆ.
ಈ ಮೊತ್ತ ನನ್ನ ಜೀವನವನ್ನು ಶಾಶ್ವತವಾಗಿ ಬದಲಾಯಿಸುತ್ತದೆ. ನಾನು ಮೊದಲು ಸೂಪರ್ಕಾರ್ ಖರೀದಿಸಿ, 7 ಸ್ಟಾರ್ ಹೋಟೆಲ್ನಲ್ಲಿ ಒಂದು ತಿಂಗಳ ಕಾಲ ಕುಟುಂಬದೊಂದಿಗೆ ವಾಸಿಸಲು ಯೋಜಿಸುತ್ತಿದ್ದೇನೆ. ಜೊತೆಗೆ ನಾನು ನನ್ನ ಕುಟುಂಬವನ್ನು ಯುಎಇಗೆ ಕರೆದೊಯ್ಯಲು ಬಯಸುತ್ತೇನೆ ಮತ್ತು ನನ್ನ ಇಡೀ ಜೀವನವನ್ನು ಅವರೊಂದಿಗೆ ಇರುವುದನ್ನು ಆನಂದಿಸಲು ಬಯಸುತ್ತೇನೆ. ಕೊನೆಗೆ ತಮಗೆ ಇಂತಹ ದೊಡ್ಡ ಅವಕಾಶ ಒದಗಿಸಿದ್ದಕ್ಕಾಗಿ ಯುಎಇ ಲಾಟರಿ ಸಂಸ್ಥೆಗೆ ಧನ್ಯವಾದ ಅರ್ಪಿಸಿದ್ದಾರೆ. (ಏಜೆನ್ಸೀಸ್)